୧୪ କୋଟିର ଲୋଭ ଦେଖାଇ ୧୪ ଲକ୍ଷରୁ ଉର୍ଦ୍ଧ୍ଵ ଲୁଟିନେଲେ । ଏପରି ଠକେଇ କରିଥିବା ୪ଜଣ ଅଭିଯୁକ୍ତଙ୍କୁ ଗିରଫ କରିଛି ପୋଲିସ । ଟଙ୍କାର ଲୋକ ଦେଖାଇ ଜଣେ ବ୍ୟକ୍ତିଙ୍କ ପାଖରୁ ସେମାନେ ୧୪ଲକ୍ଷରୁ ଅଧିକ ଟଙ୍କା ଲୁଟି ନେଇଛନ୍ତି । ସେମାନଙ୍କ ନିକଟରୁ ବିପୁଳ ଟଙ୍କା , ୨ଟି ଚାରିଚକିଆ ଗାଡି ଏବଂ ୨ଟି ମୋବାଇଲ ଜବତ ହୋଇଛି । ଗତ ୨୭ ତାରିଖ ଦିନ କଳାହାଣ୍ଡି ଜିଲ୍ଲା ବିଶ୍ଵନାଥପୁର ଥାନା ଅନ୍ତର୍ଗତ ଦୀନବନ୍ଧୁ ଗଡ଼ତିଆ ଠକାମୀର ଶିକାର ହୋଇଥିବା ନେଇ ଟିଟିଲାଗଡ଼ ଥାନାରେ ଅଭିଯୋଗ କରିଥିଲେ। ଦୀନବନ୍ଧୁ କହିଥିଲେ, ସେମାନେ ୧ ଲକ୍ଷ ଟଙ୍କା ଦେଲେ ୧ କୋଟି ମିଳିବ ବୋଲି ତାଙ୍କୁ ଲୋଭ ଦେଖାଇଥିଲେ । ଯେଉଁ କାରଣରୁ ସେ ନିଜର ୧୪ ଲକ୍ଷରୁ ଉର୍ଦ୍ଧ୍ବ ଟଙ୍କା ହରାଇଛନ୍ତି ।

ତେବେ ଅଭିଯୁକ୍ତ ମାନେ ହେଉଛନ୍ତି, ଟିଟିଲାଗଡ଼ ସର୍ଗିଗୁଡ଼ାର ଟଙ୍କଧର ପୁଟେଲ, ସଇନ୍ତଳା ଥାନା ସିକାପତ୍ରାପାଲି ଗାଁର ସତ୍ୟନାରାୟଣ କୁମ୍ଭାର, ସୋନପୁର ଥାନାପତିପଡ଼ାର ଗିରିଗୋବର୍ଦ୍ଧନ ଥାନାପତି ଓ ମୁରିବହାଲ ଥାନା ଲଖନା ଗାଁର ହରିଶ ପଟେଲ । ତେବେ ତାଙ୍କଠାରୁ ଜବତ ହୋଇଥିବା ଗାଡି ଫୋନ ମଧ୍ୟ ଠକେଇରୁ ହୋଇଥିବା ପୋଲିସ ସୂଚନା ଦେଇଛନ୍ତି । ତେବେ ସେମାନେ ଏପରି କେତେ ଠକାମୀ କରିଛନ୍ତି, ଆଉ ସେମାନଙ୍କ ବୃତ୍ତି କଣ ତାହା ସମ୍ପୂର୍ଣ୍ଣ ତଦନ୍ତ ପରେ ହିଁ ଜଣା ପଡିବ ।