ପିଲା ଶିଖିବେ Zero Waste Management

ଭୁବନେଶ୍ୱର: ଏଣିକି ସ୍କୁଲକୁ ଯିବନି ଅଳିଆ ଗାଡ଼ି । ପିଲା ଶିଖିବେ ଜିରୋ ୱେଷ୍ଟ୍ ମ୍ୟାନେଜମେଣ୍ଟ୍ । ଭୁବନେଶ୍ୱର ମ୍ୟୁନିସିପାଲିଟି କର୍ପୋରେସନ ଏକ ଅଭିଯାନ ଆରମ୍ଭ କରିଛି । ଯେଉଁଠି ପିଲାମାନେ ନିଜ ବିଦ୍ୟାଳୟର ଆବର୍ଜନା ପରିଚାଳନା ନିଜେ କରିବେ । ସ୍କୁଲର ଅଳିଆ ବାହାରକୁ ନ ଯାଇ ସ୍କୁଲ ଭିତରେ ହିଁ କେମିତି ବିଭିନ୍ନ ପ୍ରକାରରେ ପରିଚାଳନା ହୋଇପାରିବ ପିଲାଙ୍କୁ ଶିକ୍ଷା ଦିଆଯାଉଛି ।

ଭୁବନେଶ୍ବରରେ ପ୍ରାରମ୍ଭିକ ପର୍ଯ୍ୟାୟରେ ୧୦ ଟି ସରକାରୀ ସ୍କୁଲକୁ ନିଆଯାଇଛି । ଏହା ପରେ ଭୁବନେଶ୍ୱରର ଅନ୍ୟ ସମସ୍ତ ସ୍କୁଲରେ ଏହାକୁ କାର୍ଯ୍ୟକାରୀ କରାଯିବ । ଏକ ଏନଜିଓ ସଂସ୍ଥା ପକ୍ଷରୁ ପିଲାଙ୍କୁ ୩ ମାସ ଧରି ତାଲିମ ଦିଆଯାଉଛି । ପ୍ରଥମେ ସ୍କୁଲର ଶିକ୍ଷକ, ଶିକ୍ଷୟିତ୍ରୀଙ୍କୁ ତାଲିମ ଦିଆଯାଇଛି । ଏହାପରେ ପିଲାଙ୍କୁ ଏ ନେଇ ଶିକ୍ଷା ଦିଆଯାଇଛି । ଆଜି Zero Waste ବିଦ୍ୟାଳୟ ଭାବରେ ସହିଦନଗର ସ୍କୁଲରୁ ଏହା ଆରମ୍ଭ ହୋଇଛି ।