ଘର ଠାରୁ ମାତ୍ର 400 ମିଟର ଦୂରକୁ ଯାଇଛନ୍ତି କି ନାହିଁ...!

ବାଲେଶ୍ୱର ଏଫଏମ୍ କଲେଜ ଓ ବଳଙ୍ଗାରେ ନାବାଳିକାଙ୍କୁ ପୋଡି ଦେବା ଘଟଣାକୁ ନେଇ ପୁରା ରାଜ୍ୟବାସୀ ସ୍ତବ୍ଧ ଥିବାବେଳେ ପୁଣି ଜଣେ ଯୁବତୀଙ୍କୁ ଗଣଦୁଷ୍କର୍ମ ଘଟଣା ସମସ୍ତଙ୍କୁ ବ୍ୟଥିତ କରିଛି । ଗୁରୁତର ଅବସ୍ଥାରେ ପିଡିତାଙ୍କୁ ଜଗତସିଂହପୁର ଜିଲ୍ଲା ମୁଖ୍ୟ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ପୋଲିସ ପହଞ୍ଚି ଛାନଭିନ କରିଥିବାବେଳେ ଏଥିରେ ସଂପୃକ୍ତ ଥିବା ଜଣେ ଅଭିଯୁକ୍ତୁ ନିଆଳିରୁ ଗିରଫ କରାଯାଇଥିବାବେଳେ ଅନ୍ୟ ଜଣେ ଏବେ ବି ଫେରାର ରହିଛି । ସେପଟେ ପୀଡ଼ିତାଙ୍କ ମହିଳା ବନ୍ଧୁକୁ ଅଟକ ରଖି ପଚରାଉଚରା କରାଯାଉଛି । ଘଟଣାର ଅଧିକ ତନାଘନା ପାଇଁ ୩ଟି ଟିମ୍ ଗଠନ କରିଛି ସଦର ପୋଲିସ ।

ଜଗତସିଂହପୁର ବିଧାୟକ ଅମରେନ୍ଦ୍ର ଦାସ ମେଡିକାଲରେ ପହଞ୍ଚି ପରିବାର ସହିତ ଆଲୋଚନା କରିଛନ୍ତି । ଖୁବ୍ ଶୀଘ୍ର ଅପରାଧୀକୁ ଧରାଯିବ ବୋଲି କହିଛନ୍ତି । ପୋଲିସର ସ୍ଵତନ୍ତ୍ର ଟିମ ରାତି ଅଧିଆ ବିଭିନ୍ନ ସ୍ଥାନମାନଙ୍କରେ ପହଞ୍ଚି ବିଭିନ୍ନ ତଥ୍ୟ ସଂଗ୍ରହ କରୁଛି । ଏଥି ସହିତ ବିଭିନ୍ନ ଦିଗକୁ ଗୁରୁତ୍ୱ ଦେଇ ତଦନ୍ତ କରୁଛି ସଦର ପୋଲିସ ।