କଟକ: ଆଠଗଡକୁ କେନ୍ଦ୍ରମନ୍ତ୍ରୀ ଅଶ୍ଵିନ ବୈଷ୍ଣବଙ୍କ ନୂଆ ବର୍ଷ ଭେଟି । ଆଠଗଡ ଘଣ୍ଟିଖାଲ ହେବ ରେଳ ଓଭର ବ୍ରିଜ । ଏନେଇ ଘୋଷଣା କରିଛନ୍ତି କେନ୍ଦ୍ରମନ୍ତ୍ରୀ । ରେଳ ଓଭର ବ୍ରିଜ୍ ପାଇଁ ଟଙ୍କା ମଞ୍ଜୁର ହୋଇସାରିଛି । ଖୁବ ଶୀଘ୍ର କାମ ଆରମ୍ଭ ହେବ ବୋଲି କହିଛନ୍ତି ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ।

ଘଣ୍ଟିଖାଲ ଏବଂ ରାଜା ଆଠଗଡ ଦୁଇଟି ରେଲୱେ ଷ୍ଟେସନର ହେବ ଉନ୍ନତିକରଣ । ରେଲୱେ ପାଇଁ 2014 ପୂର୍ବରୁ ଓଡ଼ିଶାକୁ 800 କୋଟି ମିଳୁଥିଲା । ମୋଦି ସରକାର ଆସିବା ପରେ 10 ହଜାର କୋଟି ଟଙ୍କା ଅନୁଦାନ ମିଳୁଛି । ଆଠଗଡରେ ଦଳୀୟ କାର୍ଯ୍ୟକ୍ରମରେ ଯୋଗ ଦେଇ ସୂଚନା ଦେଇଛନ୍ତି ମନ୍ତ୍ରୀ ।

ସବୁଜ ପତାକା ଦେଖାଇ ଟ୍ରେନ୍ ଚଳାଚଳର ଶୁଭାରମ୍ଭ କଲେ ରେଳମନ୍ତ୍ରୀ

ତିନି ଦିନିଆ ଓଡିଶା ଗସ୍ତରେ ଅଛନ୍ତି ରେଳମନ୍ତ୍ରୀ । ଗତକାଲି ଦଶପଲ୍ଲା ରେଳ ଷ୍ଟେସନର ଉଦଘାଟନ କରିଥିଲେ ରେଳମନ୍ତ୍ରୀ । ସବୁଜ ପତାକା ଦେଖାଇ ଟ୍ରେନ୍ ଚଳାଚଳର ଶୁଭାରମ୍ଭ କରିଥିଲେ ରେଳମନ୍ତ୍ରୀ । ଭୁବନେଶ୍ବର-ନୟାଗଡ଼ ଟାଉନ ଏକ୍ସପ୍ରେସ୍, ଭୁବନେଶ୍ବର -ନୂଆଗାଁ ରୋଡ଼ ପାସେଞ୍ଜର ସ୍ପେଶାଲ, ପୁରୀ-ନୂଆଗାଁ ରୋଡ଼ ପାସେଞର ସ୍ପେଶାଲ, ଭଦ୍ରକ-ନୟାଗଡ଼ ଟାଉନ ମେମୁ ଟ୍ରେନ ଗୁଡ଼ିକର ସମ୍ପ୍ରସାରଣ କରାଯାଇଛି ।

ସେହିପରି ଆଜି ଓଡିଶାର ପ୍ରସିଦ୍ଧ ଶୈବପୀଠ ଆଠଗଡର ଆରାଧ୍ୟ ମହାପ୍ରଭୁ ବାବା ଧବଳେଶ୍ଵରଙ୍କୁ ଦର୍ଶନ କରିବା ସହିତ ବାବାଙ୍କ ନିକଟରେ ପୂଜାର୍ଚ୍ଚନା କରିଛନ୍ତି ରେଳମନ୍ତ୍ରୀ ଅଶ୍ବିନୀ ବୈଷ୍ଣବ । ଧବଳେଶ୍ଵର ପୀଠକୁ ପର୍ଯ୍ୟଟନସ୍ଥଳୀରେ ବିକାଶମୂଳକ କାର୍ଯ୍ୟ ହେବା ସେଥିପ୍ରତି ଗୁରୁତ୍ୱ ଦେବା ପାଇଁ ସେ ପ୍ରକାଶ କରିଛନ୍ତି ।

ବାବା ଧବଳେଶ୍ବରଙ୍କୁ ଦର୍ଶନ ସହ ପୂଜାର୍ଚ୍ଚନା କଲେ କେନ୍ଦ୍ରମନ୍ତ୍ରୀ

Argus News | argus news | -Argusnews Home: Odisha Latest News, Breaking News, Trending News, Live TV and more