ଏଠି ମାନବିକତା ମରିଯାଇଛି । ଦୃଶ୍ୟ ଦେଖି ହେଉନି କି ଦେଖେଇ ହେଉନି । ଛଟଛଟ ହେଇ ଛେଳିମାନଙ୍କ ଜୀବନ ଏମିତି ଚାଲିଯାଉଛି । ଏମିତି ମେ ମେ ରଡୁଛନ୍ତି ଦେଖିଲେ ବିକଳ ଲାଗୁଛି । ଆଉ ପାଟିରେ ପାଣି ଦେଉ ଦେଉ ଜୀବନ ଚାଲିଯାଉଛି । ଛେଳିମାନଙ୍କର ଏମିତି ଅବସ୍ଥା କେଉଁ ପଶୁ ପକ୍ଷୀ ନୁହେଁ ବରଂ ଜଣେ ହିଂସ୍ର ମଣିଷ କରିଛି । କାରଣ ଶୁଣିଲେ ମୁଣ୍ଡରେ ହାତ ଦେବେ।

ସତରେ କ'ଣ ମଣିଷ ଏତେ ହିଂସ୍ର ଆଉ ଅଵିଵେକୀ ହୋଇପାରେ ! କେନ୍ଦ୍ରାପଡ଼ା ସଦର ଥାନା ଅନ୍ତର୍ଗତ ରତାଦିଆ ଖଣ୍ଡସାହି ଅଞ୍ଚଳରେ ଘଟି ଯାଇଛି ଏଭଳି ଏକ ଅଭାବନୀୟ ଘଟଣା । ପାଣି ପିଇବାକୁ ଯାଉଥିବା ନିଷ୍ପାପ ଛେଳିଙ୍କୁ ବିଷ ଦେଇ ଅତି ନିର୍ମମ ଭାବେ ହତ୍ୟା କରିଛି ଜଣେ ଦୁର୍ବୁତ୍ତ । ସେହି ଗାଁର 4 ଜଣ ଛେଳି ଚାଷୀ ଛେଳିଙ୍କୁ ଚାରିବା ପାଇଁ ନିକଟସ୍ଥ କ୍ଷେତକୁ ପଠାଇଥିଲେ । ଛେଳି ମାନେ ଚରୁ ଚରୁ ଜଣେ ବ୍ୟକ୍ତିଙ୍କ କ୍ଷେତରେ ପଶିଯାଇଥିଲେ । କ୍ଷେତରେ ଭେଣ୍ଡି ଚାଷ ହୋଇଥିଲା । ଭେଣ୍ଡି ଫସଲ ଖାଇଦେବାରୁ ଉକ୍ତ ବ୍ୟକ୍ତି ଜଣକ ଛେଳିଙ୍କ ପାଣିରେ ବିଷ ମିଶେଇ ଦେଇଥିବାରୁ, ଛେଳିଗୁଡିକ ବିଲରେ ଏଣେ ତେଣେ ମରି ପଡ଼ିଥିଲେ । ଏହାସହ କହିଲେ ଯେ, ଆମେ ଲୋନ କରିକି ଛେଳି କିଣିଥିଲୁ। ସବୁ ଛୋଟ ଛୋଟ ଛେଳିଥିଲେ। ଏବେ ମୁଁ କେମିତି ସେ ଲୋନ ସୁଝିବି, ମୋର ସବୁ ଛେଳିକୁ ସେ ମାରିଦେଲେ ବୋଲି କହିଛନ୍ତି ଛେଳିମାଲିକ।''

ଏଥିସହ ପଢ଼ନ୍ତୁ: ଚାଷୀମାନେ ପାଇଲେ ନୂଆ ଜ୍ଞାନ, ସନ୍ତୁଳିତ ସାର ବ୍ୟବହାର ଉପରେ ସଚେତନତା ଅଭିଯାନ

ତୁରନ୍ତ ଛେଳି ଚାଷୀ ସେହି ଛେଳିଗୁଡିକୁ ବଞ୍ଚାଇବାକୁ ଚେଷ୍ଟା କରିଥିଲେ ମଧ୍ୟ 10 ଟି ଛେଳି ଛଟପଟ ହୋଇ ମରିଯାଇଥିଲେ । ଏହି ଘଟଣା ପରେ ଛେଳିଚାଷୀ ମାନେ ମୃତ ଛେଳିଙ୍କୁ ନେଇ ସଦର ଥାନାରେ ପହଞ୍ଚି ଏତଲା ଦେଇଛନ୍ତି । ବାହାରେ ଖରା ଏମିତି ହେଉଛି ପଶୁ ପକ୍ଷୀଠୁ ଆରମ୍ଭ କରି ମଣିଷ ସମାଜ ସମସ୍ତଙ୍କ ଦୈନନ୍ଦିନ ଜୀବନ ପ୍ରଭାବିତ ହେଉଛି । ମଣିଷ ତ ନିଜେ ପାଣି ଟିକକ ଯୋଗାଡ କରି ପିଇପାରିବ । ହେଲେ ପଶୁ ପକ୍ଷୀ ପାଣି ପାଇଁ ଖୋଜି ବୁଲନ୍ତି । ଏମିତି ଖରାରେ ତାଙ୍କୁ ପାଣି ପିଇବାକୁ ଦେବା କଥା ହେଲେ ଏ ଏମିତି ହିଂସ୍ତ ବ୍ୟକ୍ତି ଜଣଙ୍କ ଛେଳି ପିଉଥିବା ପାଣିରେ ବିଷ ମିଶେଇଦେଇଛନ୍ତି । ତାହା ବି କ୍ଷେତରୁ କେଇଟା ଭେଣ୍ଡି ଖାଇଦେଲେ ବୋଲି....ୟା ଠୁ ବଳି ନିନ୍ଦନୀୟ ଘଟଣା ଆଉ କଣ ହୋଇପାରେ।

ଅଧିକ ପଢ଼ନ୍ତୁ ଓଡ଼ିଶା ଖବର: