ଗୋପାଳପୁର ସମୁଦ୍ର ବେଳାଭୂମିରେ ଯୁବତୀଙ୍କୁ ଗଣଦୁଷ୍କର୍ମ ଘଟଣାରେ ଆସିଲା ଆଉ ଏକ ଅପଡେଟ୍ । । ବ୍ରହ୍ମପୁର ଜିଲ୍ଲା ଦୌରାଜଜଙ୍କ କୋର୍ଟରେ ପହଞ୍ଚିଲେ କ୍ରାଇମବ୍ରାଞ୍ଚ ଟିମ୍ । ଅଭିଯୁକ୍ତମାନଙ୍କର ଟିଆଇ ପ୍ୟାରେଡ ସହ ରିମାଣ୍ଡ ନିମନ୍ତେ କୋର୍ଟରେ ଆବେଦନ କରିଥିବା ସୂଚନା ରହିଛି । ଟିଆଇ ପ୍ୟାରେଡରେ ଅଧିକ ତଥ୍ୟ ପାଇଁ କ୍ରାଇମବ୍ରାଞ୍ଚ ଟିମ୍ କୋର୍ଟରେ ଆବେଦନ କରିଛି । କ୍ରାଇମବ୍ରାଞ୍ଚ ଟିମର‌ ତଦନ୍ତକାରୀ ଅଧିକାରୀ ପହଞ୍ଚି ଟିଆଇ ପ୍ୟାରେଡ ପାଇଁ ଆବେଦନ କରିଛନ୍ତି । ଆବେଦନକୁ କୋର୍ଟ ଗ୍ରହଣ କରିବା ପରେ ଅଭିଯୁକ୍ତଙ୍କ ଆଗରେ ଅଭିଯୋଗକାରୀଙ୍କୁ ରଖି ଅଧିକ ତଦନ୍ତ କରିବ କ୍ରାଇମବ୍ରାଞ୍ଚ୍ ।

ସେପଟେ ଚାଞ୍ଚଲ୍ୟକର ବୟାନ ଦେଇଛନ୍ତି ପୀଡିତା । ପୀଡିତାଙ୍କ ବୟାନ ଅନୁସାରେ ଅଭିଯୁକ୍ତମାନେ ଗର୍ଭନିରୋଧକ ବ୍ୟବହାର କରିଥିଲେ। ତେବେ ତାଙ୍କ ଶରୀରରେ ଯେଉଁ କ୍ଷତ ଓ ଚିହ୍ନ ରହିଛି ତାହା ଦୋଷୀଙ୍କ ବିରୋଧରେ ପ୍ରମାଣ ହେବ ବୋଲି କହିଛନ୍ତି MKCG ହସ୍ପିଟାଲ FMT ମୁଖ୍ୟ।

ଉଭୟ ପୀଡ଼ିତା ଏବଂ ସମସ୍ତ ଅଭିଯୁକ୍ତଙ୍କ ଡାକ୍ତରୀ ମାଇନା ପରେ ନମୁନା ସଂଗ୍ରହ କରାଯାଇ ପରୀକ୍ଷା ପାଇଁ ଭୁବନେଶ୍ୱର ପଠାଇ ଦିଆଯାଇଛି। ବ୍ରହ୍ମପୁର MKCG ହସ୍ପିଟାଲ୍ FMT ମୁଖ୍ୟ ପ୍ରଫେସର ସୂଦୀପ୍ତା ଦାଶ ଏ ସମ୍ପର୍କରେ ସୂଚନା ଦେଇଛନ୍ତି। ASFL ଏବଂ RFSLର DNA ଟେଷ୍ଟ ପାଇଁ ନମୁନା ପଠାଯାଇଛି। ରିପୋର୍ଟ କେଶର ଆଓଙ୍କ ଜରିଆରେ କୋର୍ଟକୁ ଆସିଯିବ। ଏହାଦ୍ୱାରା ପୀଡିତା ଏବଂ ଅଭିଯୁକ୍ତ ଙ୍କ ରିପୋର୍ଟରେ ପ୍ରମାଣ ସଂଗ୍ରହ ହୋଇପାରିବ ।

Argus News | argus news | Odisha Latest News, Breaking News, Trending News, Live TV