ବିଭିନ୍ନ ସ୍ଥାନରୁ ଆୟୁଷ୍ମାନ କୁ ନେଇ ଅଭିଯୋଗ ଆସିବା ପରେ ଆକ୍ସନ ମୋଡ଼ ରେ ରାଜ୍ୟ ସରକାର । ଘରୋଇ ହସ୍ପିଟାଲ ସହ ସ୍ୱାସ୍ଥ୍ୟ ବିଭାଗର ଟେକିନକାଲ ଟିମ କଲେ ଆଲୋଚନା । ଆସୁଥିବା ଅଭିଯୋଗ ର ସମାଧାନ ପାଇଁ ପ୍ରସ୍ତୁତ ହେଲା ରଣନୀତି । ସ୍ୱାସ୍ଥ୍ୟ ବିଭାଗ ମନ୍ତ୍ରୀ କହିଛନ୍ତି ଲୋକଙ୍କ ସ୍ୱାସ୍ଥ୍ୟ ସେବା କୁ ସରକାର ପ୍ରାଥମିକତା ଦେଉଛନ୍ତି । ଯାହା ଅଭିଯୋଗ ଆସୁଛି ତାହାର ସମାଧାନ କରିବା ପାଇଁ ସରକାର କାର୍ଯ୍ୟ କରୁଛନ୍ତି । କିନ୍ତୁ ଏହା ପରେ ବି ଯଦି ରୋଗୀ ଙ୍କର କୌଣସି ସମସ୍ୟା ହୁଏ କିମ୍ବା ଚିକିତ୍ସା ରେ ଅବହେଳା ହୁଏ ତେବେ ଘରୋଇ ହସ୍ପିଟାଲ ଗୁଡିକ ବିରୁଦ୍ଧରେ ନିଆଯିବ କାର୍ଯ୍ୟାନୁଷ୍ଠାନ ।

ସେପଟେ ଆଲୋଚନା ପରେ ଅଲ୍ ଓଡ଼ିଶା ପ୍ରାଇଭେଟ୍ ମେଡିକାଲ ଏଷ୍ଟାବ୍ଲିଶମେଣ୍ଟ ଫୋରମ(AOPMEF) କହିଛି ଅପରେସନାଲ ସମସ୍ୟା ଓ ସଫ୍ଟୱେର ସମସ୍ୟା ସମାଧାନ କରିବା କୁ ପ୍ରତିଶ୍ରୁତି ମିଳିଛି । କିନ୍ତୁ ଏହା ଛଡ଼ା ମଧ୍ଯ ଆୟୁଷ୍ମାନ ଭାରତ ଯୋଜନା ରେ ଆହୁରି ଅନେକ ସମସ୍ୟା ରହିଛି । 

ରାଜ୍ୟରେ ପୂର୍ବ ରୁ ଲାଗୁ ହେଇଥିବା bsky ଯୋଜନା ଅପେକ୍ଷା ଆୟୁଷ୍ମାନ୍ ଯୋଜନାରେ ଅଧିକ ଲୋକ ଲାଭବାନ ହେବେ । ରାଜ୍ୟର ୮୫ ପ୍ରତିଶତ ଲୋକ ଏହି ଯୋଜନା ରେ ସାମିଲ ହୋଇ ପାରିବେ ବୋଲି କୁହାଯାଇଛି । ଖାଲି ସେତିକି ନୁହେଁ ପୂର୍ବରୁ bsky ରେ ୯୦୦ ହସ୍ପିଟାଲରେ ଚିକିତ୍ସା ସୁବିଧା ମିଳୁଥିବା ବେଳେ ଆୟୁଷ୍ମାନ୍ ରେ ସମଗ୍ର ଦେଶର ୨୯ ହଜାର ହସ୍ପିଟାଲରେ ମିଳିବ ଚିକିତ୍ସା ସୁବିଧା ।