ନାହିଁ ନାହିଁର ଗାଁ ଢେଙ୍କାନାଳ ଜିଲ୍ଲାର ସର୍ପଣୀ । ବଣ, ଜଙ୍ଗଲ ଘେରା ଏ ଗାଁରେ ଅଭିଶପ୍ତ ଜୀବନ ଜିଉଁଛନ୍ତି ଜୁଆଙ୍ଗ ପରିବାର । ବଞ୍ଚିବା ପାଇଁ ଜଙ୍ଗଲଜାତ ଫଳ ଓ ଚୂଆ ପାଣି ଏମାନଙ୍କ ଭରଷା । ଭୁବନ ବ୍ଲକ ମଠକରଗୋଳା ପଞ୍ଚାୟତରେ ରହିଛି ଏ ଆଦିବାସୀ ଗାଁ । ଏଠି ୩୦ରୁ ଅଧିକ ପରିବାର ବସବାସ କରନ୍ତି । ଜଙ୍ଗଲ ଜାତ ଦ୍ରବ୍ୟ ସଂଗ୍ରହ କରି ପରିବାର ପ୍ରତିପୋଷଣ କରନ୍ତି । ସରକାରଙ୍କଠାରୁ ମିଳୁଥିବା ଚାଉଳ ଉପରେ ଏମାନେ ନିର୍ଭରଶୀଳ । ଗମନା ଗମନ କହିଲେ, ଏ ଖାଲଖମା ରାସ୍ତା । ରାସନ ଆଣିବା ପାଇଁ ପ୍ରାୟ ୨୦ କିଲୋମିଟର ଅଙ୍କାବଙ୍କା ଖାଲଖମା ରାସ୍ତା ଚାଲିବାକୁ ପଡ଼ିଥାଏ ।

ପାନୀୟ ଜଳ ପାଇଁ ବୋରଓ୍ବେଲ ଖୋଳାଯାଇ ଗାଁରେ ବିଛାଯାଇଛି ପାଇପ । କିନ୍ତୁ ସେଥିରୁ ପାଣି ଆସୁନାହିଁ । ନଳକୂପ ଥିଲେ ବି ତାର ପାଣି ପିଇବା ଉପଯୋଗୀ ନୁହଁ । ଗାଁ ନିକଟ ଜଙ୍ଗଲରେ ଥିବା ଚୁଆ ଉପରେ ନିର୍ଭର କରିଥାଆନ୍ତି ଅଞ୍ଚଳବାସୀ । ଏଠି ଲୋକଙ୍କ ପାଖରେ ଦୁଇ ଓଳି ଖାଇବା ଯୋଗାଡ଼ କରିବାକୁ ଟଙ୍କା ନଥିବା ବେଳେ, ଦେହ ପା କଥା ପଚାରେ କିଏ । ରୋଗରେ ପଡ଼ିଥିବା ରୋଗୀ ଏଠି ଜଙ୍ଗଲ କୋଳି ଖାଏ ବଞ୍ଚେ । ଗତ ୨୪ ବର୍ଷର ସ୍ଥିର ସରକାର ଏମାନଙ୍କ ଦୁଃଖ ଶୁଣିଲେନି । ଏବେର ବିଜେପି ସରକାର ଦୁଃଖ ଦୂର କରିବେ ବୋଲି ଆଶା ।