Argus News - ଯୋଗ୍ୟ ହିତାଧିକାରୀ ଚିହ୍ନଟ ପାଇଁ ନୂଆ ସର୍ଭେ କରିବେ ସରକାର

ଅର୍ଗସ ବ୍ୟୁରୋ:  ବିଧାନସଭା ପଞ୍ଚାୟତିରାଜ ମନ୍ତ୍ରୀଙ୍କ ବଡ଼ ଘୋଷଣା । ଆବାସ ଯୋଜନାରୁ ଅଯୋଗ୍ୟଙ୍କୁ ଦିଆଯିବ ବାଦ । ସେଥିପାଇଁ ପୁଣି ଥରେ ନୂଆ ସର୍ଭେ କରିବାକୁ ଯାଉଛନ୍ତି ରାଜ୍ୟ ସରକାର । ପଞ୍ଚାୟତିରାଜ ମନ୍ତ୍ରୀ କହିଛନ୍ତି ଯେଉଁ ମାନଙ୍କର ମାସିକ ଆୟ ୧୦ ହଜାର ୫୦୦ ଟଙ୍କାରୁ ଅଧିକ ନଥିବ ସେମାନେ ଯୋଗ୍ୟ ବିବେଚିତ ହେବେ ।
 ମନ୍ତ୍ରୀ ଆହୁରି କହିଛନ୍ତି 
* ହିତାଧିକାରୀଙ୍କ  ଆଧାର କାର୍ଡ ସହ ମୋବାଇଲ୍ ନମ୍ବର ସଂଯୋଗ ଜରୁରୀ... 
* ନିଜେ ଆବେଦନକାରୀ ବିଭାଗର ଆପରେ ଆବେଦନ କରିବେ...
* ଗରିବ ଲୋକ ଫିଙ୍ଗର ପ୍ରିଣ୍ଟ ରହିବ, ଆଧାର ସଂଯୋଗ କରାଯିବ...
* ବାପା ପୁଅ ଅଲଗା ହୋଇଥିଲେ ବି ଯୋଗ୍ୟ ଥିଲେ ଘର ମିଳିବ
* ବିକଳାଙ୍ଗ, ବିଧବାଙ୍କୁ ଘର ଦିଆଯିବ...
* ଯଦି କୌଣସି ଗାଁ ରେ ୧୫ ରୁ ୨୦ ପରିବାରର ଘର ଡିହ ନଥିବ ସେହିଭଳି ଗାଁକୁ କ୍ଲଷ୍ଟର କରାଯାଇ ଘର ଦିଆଯିବ...
* ରାସ୍ତା, ବିଜୁଳି ପାଣି ସହ ଖେଳ ପଡିଆ ଭଳି ଆନୁସାଙ୍ଗିକ ବ୍ୟବସ୍ଥା ଯୋଗାଇ ଦିଆଯିବ, ଆନୁଷଙ୍ଗିକ ବ୍ୟବସ୍ଥା ଦିଆଯିବ...

ତେବେ ପୁର୍ବରୁ ତାଲିକା ପ୍ରସ୍ତୁତ ସମୟରେ ପାତର ଅନ୍ତର ଯୋଗୁଁ ଅନେକ ହିତାଧିକାରୀ ବାଦ ପଡ଼ି ଥାଆନ୍ତି | ବିଗତ ଦିନରେ ଯେଉଁ ମାନେ ଯୋଗ୍ୟ ବଞ୍ଚିତ ହୋଇଛନ୍ତି ସେମାନେ ପାଇବେ | ଏଥିପାଇଁ ବିଭାଗର କର୍ମକର୍ତ୍ତା ତାଲିମ ନେବେ ଏବଂ ୨ ମାସ ଭିତରେ ସରିବ ବୋଲି କହିଛନ୍ତି ମନ୍ତ୍ରୀ । ବିଧାନସଭାରେ ଉତ୍ତର ରଖି ମନ୍ତ୍ରୀ କହିଛନ୍ତି ଗତ ୫ ଆର୍ଥିକ ବର୍ଷରେ ରାଜ୍ୟକୁ ପ୍ରଧାନମନ୍ତ୍ରୀ ଆବାସ ଯୋଜନା ଗ୍ରାମୀଣରେ ୧୨,୦୦,୬୨୧ ଗୃହର ଧାର୍ଯ୍ୟଲକ୍ଷ୍ୟ ପ୍ରାପ୍ତ ହୋଇଛି । ସେଥିରୁ ୧୧,୭୬,୦୫୩ ସଂଖ୍ୟକ ଗୃହ ମଞ୍ଜୁର ହୋଇଥିବା ସ୍ଥଳେ ୭,୪୩,୩୨୧ ଗୃହର ନିର୍ମାଣ କାର୍ଯ୍ୟ ଶେଷ ହୋଇଛି ଓ ୪,୩୨,୭୩୨ ଗୃହ ନିର୍ମାଣାଧୀନ ଅଛି । ସେହିପରି ଆହୁରି ଏକ ତଥ୍ୟ କହୁଛି ୨୦୧୬ ରୁ ୨୦୨୪ ମଧ୍ୟରେ ତତ୍କାଳୀନ ବିଜେଡି ସରକାର ଯୋଗ୍ୟ ହିତାଧିକାରୀଙ୍କ ତାଲିକା ନ ଦେବାରୁ ଫେରିଯାଇଛି ୬ ଲକ୍ଷ ୫୬ ହଜାର ୯୪୫ ପକ୍କା ଘର ।

ବିଜେଡି ସରକାର ସମୟରେ ରାଜ୍ୟରେ ପକ୍କାଘରର ବଡ କେଳେଙ୍କାରୀ ହୋଇଥିଲା । ସ୍ଥିତି ଏମିତି ହୋଇଥିଲା ମାହାଙ୍ଗାରେ ଦିବ୍ୟସିଂହ ବରାଳ ଓ କୁଳମଣି ବରାଳଙ୍କୁ ହତ୍ୟା କରାଯାଇଥିବାର ଆସିଥିଲା ଅଭିଯୋଗ । ଆଉ  ମାହାଙ୍ଗା ଡବଲ ମଡ଼ର ଘଟଣାରେ ବିଜେଡି ସରକାରଙ୍କ ଘଣ୍ଟଘୋଡ଼ା ନୀତି ଦୁର୍ନୀତିକୁ ଦେଇଥଲା ପ୍ରଶୟ । ନିର୍ବାଚନ ସମୟରେ ବଡ଼ ପ୍ରସଙ୍ଗ ପାଲଟିଥିଲା ପକ୍କା ଘର ଦୁର୍ନୀତି । ତେବେ ଦୁର୍ନୀତି ପ୍ରସଙ୍ଗ ସାମ୍ନା କୁ ଆସିବା ପରେ କେନ୍ଦ୍ର ପଞ୍ଚାୟତିରାଜ ମନ୍ତ୍ରୀ ଅଯୋଗ୍ୟ ଲୋକଙ୍କୁ ବାଦ ଦେବା ପରେ ଘର ଦିଆଯିବ ବୋଲି ଓଡିଶା କୁ ଜଣାଇ ଥିଲେ ।

ତେବେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଙ୍କ ଉଦ୍ୟମ ପରେ ଓଡିଶା କୁ ଆସିଥିଲା ସାଢ଼େ 9 ଲକ୍ଷ ପକ୍କା ଘର । ବିଜେଡି ସରକାର ସମୟରେ ପକ୍କା ଘର ଆବଣ୍ଟନ ରେ ହୋଇଥିଲା ବଡ଼ ଦୁର୍ନୀତି । ତେବେ ବର୍ତ୍ତମାନ ର ନୂଆ ସରକାର କେତେ ଅଯୋଗ୍ୟ ଙ୍କୁ ବାଦ ଦେଉଛନ୍ତି ତାହା ଉପରେ ସମସ୍ତ ଙ୍କ ନଜର ।