ରେଲୱେ କଲୋନୀରେ ରାତି ଅଧରେ ଫୁଟିଲା ଗୁଳି

ଝାରସୁଗୁଡ଼ା ରେଲୱେ କଲୋନୀରେ ରାତି ଅଧରେ ଫୁଟିଲା ଗୁଳି । ରେଳବାଇ କର୍ମଚାରୀ ଦଶରଥ ସୁନାଙ୍କ ଘରକୁ ରାତି ୨ ଟା ସମୟରେ ୬ ରାଉଣ୍ଡ ଗୁଳି ଫାଇରିଂ ହେଇଥିବା କରାଯାଇଛି । ପ୍ରଥମ ତିନୋଟି ଗୁଳି ଘର ଲୁହା କବାଟ କଣା କରି ଘରଭିତରେ ପଶିଥିଲା । ଭିତରେ ଥିବା କୁଲରରେ ଛିଦ୍ର କରି ଦେଇଛି। ସୌଭାଗ୍ୟବଶତଃ ଘରେ ପରିବାର ଶୋଇଥିବା ବେଳେ ମଧ୍ୟ ଜନଜୀବନ ହାନୀ ହୋଇନି । ଅନ୍ୟ ତିନୋଟି ଗୁଳି ଉପରକୁ ବ୍ଲାଙ୍କ ଫାୟରିଂ କରି ଫେରାର ମାରିଥିଲେ ଦୁର୍ବୃତ୍ତ ।

ଗତକାଲି ଗଣେଶ ପୂଜା ଭାଷାଣି ସମୟରେ ଦୁଇ ଗୋଷ୍ଠୀ ମଧ୍ୟରେ ହୋଇଥିବା ମାଡ଼ପିଟ ଓ ଗଣ୍ଡଗୋଳ ର ପ୍ରତିଶୋଧ ନେବାକୁ ଗୋଟିଏ ଗୋଷ୍ଠୀ ର କିଛି ଯୁବକ ରାତି ଅଧରେ ଆସି ଘର ବାହାରୁ ଗୁଳି ଚାଳନା କରି ଫେରାର ହୋଇଯାଇଥିଲେ। ଖବରପାଇ ରେଳବାଇ ପୋଲିସ ଘଟଣା ସ୍ଥଳରେ ପହଞ୍ଚି ୬ ଖୋକା ଜବତ କରି ତଦନ୍ତ ଚଳାଇ ଥିବା ବେଳେ ଆଜି ସକାଳୁ ଝାରସୁଗୁଡା ଏସପି , ଏସଡ଼ିପିଓ ଏବଂ ଟାଉନ ଥାନା ପୋଲିସ ଆସି ତଦନ୍ତ ରେ ସହାୟତା କରି ଅପରାଧୀ ଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ରେଡ଼ ଚଳାଇଛି ।