ସାମାନ୍ୟ ବଚସାରୁ ସ୍ତ୍ରୀକୁ ମାରିଦେଲା ସ୍ୱାମୀ
Key Points
ସ୍ତ୍ରୀର ବେକ କାଟି ଅତି ବିଭତ୍ସ ଭାବେ ହତ୍ୟା କଲା ସ୍ୱାମୀ ।
ମାଲକାନଗିରି: ସ୍ତ୍ରୀର ବେକ କାଟି ଅତି ବିଭତ୍ସ ଭାବେ ହତ୍ୟା କଲା ସ୍ୱାମୀ । ମାଲକାନଗିରି ଜିଲ୍ଲା କାଲିମେଳା ଥାନା ଅନ୍ତର୍ଗତ ଗୁମ୍ଫା କୋଣ୍ଡା ଏମଭି - ୬୬ ଗ୍ରାମରେ ଘଟିଛି ଏକ ଜଘନ୍ୟ ହତ୍ୟାକାଣ୍ଡ । ଘଟଣା ଘଟାଇ ହତ୍ୟାକାରୀ ସ୍ୱାମୀ ନୀତେନ ବିଶ୍ୱାସ କାଲିମେଳା ଥାନାରେ ଆତ୍ମସମର୍ପଣ କରିଥିବାର ଜଣାପଡ଼ିଛି । ତେବେ ଏଭଳି ଜଘନ୍ୟ ହତ୍ୟାକାଣ୍ଡକୁ ସହଜରେ ଗ୍ରହଣ କରିପାରି ନାହାନ୍ତି ଝିଅର ବାପା ଘର ଲୋକେ । ନ୍ୟାୟ ଦାବିରେ ଝିଅର ବାପା ଘର ଗ୍ରାମର ଶତାଧିକା ମହିଳା ପୁରୁଷ କାଲିମେଳା ଥାନାରେ ପହଁଚି ପ୍ରତିବାଦ କରିବା ସହ ଥାନା ଘେରାଉ କରିଛନ୍ତି ।
ସୂଚନା ଅନୁଯାୟୀ କାଲିମେଳା ଥାନା ଏମଭି ୬୬ ଗ୍ରାମର ନିପେନ ବିଶ୍ୱାସ ଏମପିଭି - 126 ଗ୍ରାମର ଜଗଦୀଶ ମଲ୍ଲିକଙ୍କ ଝିଅ ଶ୍ରୀତି ବିଶ୍ବାସକୁ ବିବାହ କରିଥିଲେ l ନିପେନ କାଲିମେଳା ବଜାରରେ ଥିବା ବ୍ଲକ କଲୋନୀ ସ୍କୁଲ ସମ୍ମୁଖରେ ଆଖୁ ରସ ବିକ୍ରି କରି ପରିବାର ଚଳାନ୍ତି । ସ୍ଵାମୀ-ସ୍ତ୍ରୀଙ୍କ ମଧ୍ୟରେ ପୂର୍ବରୁ ପାରିବାରିକ କଳହ ଲାଗି ରହୁଥିଲା । ଉଭୟ ପରିବାର ଲୋକ ସେମାନଙ୍କ ସମାଧାନ କରିବା ସହ ଗ୍ରାମବାସୀମାନେ ମଧ୍ୟ ବୈଠକ କରି ସ୍ଵାମୀ-ସ୍ତ୍ରୀ ଭଲରେ ରହିବା ପାଇଁ ପରାମର୍ଶ ଦେଇଥିଲେ । କିଛିଦିନ ତଳେ ଝିଅ ଶ୍ରୀତି ନିଜ ବାପା ଘରକୁ ଯାଇଥିଲା ।
📱 Get Argus News App
✨ବାପା ଘରରୁ ନିପେନ ଶ୍ରୀତିକୁ ନେଇ ଆସିଥିଲା । ଶୁକ୍ରବାର ରାତିରେ ନିପେନ ଓ ତାଙ୍କ ସ୍ତ୍ରୀଙ୍କ ମଧ୍ୟରେ କୌଣସି କାରଣକୁ ନେଇ କଳହ ହୋଇଥିଲା। ଏଥିରେ ଉତକ୍ଷିପ୍ତ ହୋଇ ନିପେନ ରାତି ପ୍ରାୟ ୧୨ଟା ବେଳେ ସ୍ତ୍ରୀକୁ ଅତି ବିଭତ୍ସ ଭାବରେ କଟୁରୀରେ ହାଣି ହତ୍ୟା କରିଥିବା ଜଣାପଡିଛି । ଏହାପରେ ସ୍ଵାମୀ ନିପେନ କାଲିମେଳା ଥାନାରେ ଆତ୍ମସମର୍ପଣ କରିଛି । କାଲିମେଳା ପୁଲିସ ଘଟଣାର ଏକ ମାମାଲା ରୁଜୁ କରି ତଦନ୍ତ ଆରମ୍ଭ କରିଛି । ସ୍ତ୍ରୀକୁ ସନ୍ଦେହ କରି ନୀତେନ ହତ୍ୟାକାଣ୍ଡ ଘଟାଇଥିବା କଥା କୁହା ଯାଉଛି ।
କୋରାପୁଟରୁ ସାଇଣ୍ଟିଫିକ ଟିମ୍ ଆସି ତଦନ୍ତ କରିଲା ପରେ ଘଟଣାର ପ୍ରକୃତ କାରଣ ଜଣାପଡିବ ବୋଲି ପୁଲିସ ପକ୍ଷରୁ କୁହାଯାଇଛି । ଶତାଧିକ ମହିଳା ପୁରୁଷ ଥାନାରେ ପହଁଚି ନାୟ ଦାବିରେ ପ୍ରତିବାଦ କରିଛନ୍ତି । ସୂଚନାନୁଯାୟୀ ମୃତ ଶ୍ରୀତିଙ୍କର ଦୁଇଟି ସନ୍ତାନ ଥିବାବେଳେ ବର୍ତ୍ତମାନ ସେ ଗର୍ଭବତୀ ଥିବା ମଧ୍ୟ ଜଣାପଡିଛି ।