ରାଜ୍ୟରେ ଗତକାଲି ସୁଦ୍ଧା କୋଭିଡ ଆକ୍ରାନ୍ତଙ୍କ ସଂଖ୍ୟା 30ରେ ପହଁଚିଛି । ଏବେ 23 ଟି ମାମଲା ଆକଟିଭ୍ ଥିବାବେଳେ 7 ଜଣ କୋଭିଡ ଆକ୍ରାନ୍ତ ସୁସ୍ଥ ହୋଇଛନ୍ତି । ଅନ୍ୟ ଆକ୍ରାନ୍ତ ଘରେ ରହି ଚିକିତ୍ସତ ହେଉଛନ୍ତି । କୋଭିଡକୁ ନେଇ କେନ୍ଦ୍ର ସରକାରଙ୍କ ସହ ଆଲୋଚନା ହୋଇଛି । କେନ୍ଦ୍ର ପକ୍ଷରୁ କଣ ଗାଇଡଲାଇନ ଆସିବ ତା ଉପରେ ରାଜ୍ୟ ସ୍ୱାସ୍ଥ୍ୟ ବିଭାଗ ନଜର ରଖିଛି ।

ସେପଟେ କୋଭିଡ ସ୍ଥିତି ମଧ୍ୟରେ ଆଗକୁ ରଥଯାତ୍ରା ଥିବାବେଳେ ସ୍ୱାସ୍ଥ୍ୟ ସେବା ନିର୍ଦେଶକ ଡାକ୍ତର ଅମରେନ୍ଦ୍ର ନାଥ ମହାନ୍ତି ପରାମର୍ଶ ଦେଇଛନ୍ତି ଯେ ଯାହାର କୋଭିଡ ଭଳି ଲକ୍ଷଣ ଦେଖାଯାଉଛି ସେମାନେ ରଥଯାତ୍ରାକୁ ଆସନ୍ତୁ ନାହିଁ । ଏହାସହ ବୟସ୍କ ବ୍ୟକ୍ତି କିମ୍ବା ମଧୁମେହ ରୋଗୀ, କିଡ଼ନୀ ରୋଗୀ ଯାତ୍ରା ଦେଖିବାକୁ ନଆସି ଘରେ ଦର୍ଶନ କରିପାରିବେ ।  

କୋଭିଡ଼ ପାଇଁ ବିଚଳିତ ହୁଅନ୍ତୁ ନାହିଁ । ଏବେ ଯେଉଁ ନୂଆ ଭ୍ୟାରିଏଣ୍ଟ ଆସିଛି ତାହାର ପ୍ରଭାବ ବେଶ କମ ଅଛି । ରାଜ୍ୟରେ ମଧ୍ୟ ଏହାର ସଂକ୍ରମଣ ହାର କମ ରହିଛି । ଆଗକୁ ରଥଯାତ୍ରା ଥିବାରୁ ବହୁ ସଂଖ୍ୟାରେ ଭକ୍ତଙ୍କ ସାମଗମ ହେବ । ସ୍ୱାସ୍ଥ୍ୟ ବ୍ୟବସ୍ଥାରେ କିଛି ତ୍ରୁଟି ଯେପରି ନହେବ, ସେ ଦିଗରେ ଧ୍ୟାନ ଦିଆଯିବା ସହ ମନ୍ତ୍ରୀ ଏବଂ ସଚିବଙ୍କ ପରାମର୍ଶ କ୍ରମେ ବହୁ ପଦକ୍ଷେପ ଗ୍ରହଣ କରାଯିବ ବୋଲି କହିଛନ୍ତି ସ୍ୱାସ୍ଥ୍ୟ ସେବା ନିର୍ଦ୍ଦେଶକ ।