ଭୁବନେଶ୍ବର AIIMS ହସ୍ପିଟାଲରେ ଜୀବନ ମୃତ୍ୟୁ ସହ ପୀଡ଼ିତାଙ୍କ ସଂଘର୍ଷ । ଏମସ ଯାଇ ଛାତ୍ରୀଙ୍କ ସ୍ବାସ୍ଥ୍ୟବସ୍ଥା ପଚାରି ବୁଝିଲେ ସ୍ବାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ ଓ ଉଚ୍ଚଶିକ୍ଷା ମନ୍ତ୍ରୀ ସୂର୍ଯ୍ୟବଂଶୀ ସୂରଜ। ମୁଖ୍ୟମନ୍ତ୍ରୀ ମୋହନ ମାଝୀ ବି ଯିବେ ଏମସ । ପୀଡ଼ିତାଙ୍କ ଚିକିତ୍ସା ତଦାରଖ ପାଇଁ AIIMS ପକ୍ଷରୁ ୮ ଜଣ ଅଭିଜ୍ଞ ଡାକ୍ତରଙ୍କୁ ନେଇ ଉଚ୍ଚସ୍ତରୀୟ ବିଶେଷଜ୍ଞ କମିଟି ଗଠନ କରାଯାଇଛି। ଛାତ୍ରୀଙ୍କ ସ୍ବାସ୍ଥ୍ୟବସ୍ଥା ଅତି ସଙ୍କଟାପନ୍ନ ଥିବା ସୂଚନା ଦେଇଛନ୍ତି ଏମସ୍ ନିର୍ଦ୍ଦେଶକ । ବର୍ତ୍ତମାନ ICU ଭେଣ୍ଟିଲେଟରରେ ଅଛନ୍ତି ପୀଡ଼ିତା। ଶରୀରର ପ୍ରାୟ ୯୫ ପ୍ରତିଶତ ପୋଡି ଯାଇଛି। ତେବେ ସ୍ଥିତିରେ କିଛି ସୁଧାର ଆସିନି । ଇଣ୍ଟରନାଲ୍‌ ଆଘାତ ହୋଇଛି, କିଡ୍‌ନୀ, ଫୁସଫୁସ୍ ପ୍ରଭାବିତ ହୋଇଛି ।

ଆଗାମୀ ୨୪ ଘଣ୍ଟା ପୀଡ଼ିତାଙ୍କ ପାଇଁ ଅତ୍ୟନ୍ତ ଗୁରୁତ୍ବପୂର୍ଣ୍ଣ । ୪୮ ଘଣ୍ଟା ପର୍ଯ୍ୟନ୍ତ ଅବଜରଭେସନରେ ରହିବେ ପୀଡ଼ିତା । ବିଭିନ୍ନ ବିଭାଗର ଡାକ୍ତର ଚିକିତ୍ସାରେ ଲାଗିଛନ୍ତି। ବର୍ଣ୍ଣ ଏବଂ ପ୍ଲାଷ୍ଟିକ, ମେଡିସିନ ପୁଲମନାରୀ, କ୍ରିଟିକାଲ କେୟାର୍, କାର୍ଡ଼ିଓ ଲୋଜି, ନେଫରୋଲୋଜି, ନର୍ସିଙ୍ଗ ବିଭାଗର ବରିଷ୍ଠ ଡାକ୍ତରୀ ଟିମ୍ ଚିକିତ୍ସା କରୁଛନ୍ତି । ସେପଟେ ପୀଡ଼ିତା ଜଳୁଥିବା ସମୟରେ ତାଙ୍କୁ ବଞ୍ଚାଇବାକୁ ଯାଇ ଗୁରୁତର ଆହତ ହୋଇଥିବା କଲେଜର ପ୍ରଥମ ବର୍ଷର ଛାତ୍ର ଜ୍ୟୋତିପ୍ରକାଶ ବିଶ୍ୱାଳଙ୍କୁ କଟକ ସ୍ଥାନାନ୍ତର କରାଯାଇଛି।