ଭୁବନେଶ୍ୱର: ରାଜଧାନୀରେ ବଢୁଛି ଗଞ୍ଜେଇ ବେପାର । ଗୋଟିଏ ଦିନରେ ଦୁଇ ଦୁଇଟି ସ୍ଥାନରୁ ଗଞ୍ଜେଇ ଜବତ । ବାଲିଅନ୍ତା ଥାନା ମହୁଖଣ୍ଡା ଗାଁର ଏକ ଘରୁ 5 କୁଇଣ୍ଟାଲ ଭାଙ୍ଗ ଜବତ ହୋଇଛି । ଖୋଳତାଡରୁ ଜଣାପଡିଛି ଯେ, ବିହାର ପାଟଣାରୁ ଆଣି ଭୁବନେଶ୍ୱରରେ ଭାଙ୍ଗ ବିକ୍ରି କରୁଥିଲେ । ଏହି ମାମଲାରେ 3 ଜଣ ଅଭିଯୁକ୍ତଙ୍କୁ ଗିରଫ କରିଛି ଅବକାରୀ ଥାନା ପୋଲିସ । ସମସ୍ତ ଅଭିଯୁକ୍ତ ବାଲିପାଟଣା ଅଞ୍ଚଳର ବୋଲି ଜଣାପଡିଛି । 

ସେହିପରି ଟଙ୍କପାଣି ବ୍ରିଜ ନିକଟରୁ 25 କିଲୋ ଗଞ୍ଜେଇ ଜବତ ହୋଇଛି । ଏହି ମାମଲାରେ ଜଣେ ଅଭିଯୁକ୍ତ ଗିରଫ ହୋଇଛି । ଗୋଟିଏ ବାଇକ ଜବତ । ବାଇକରେ ବୁଲି ବୁଲି ଗଞ୍ଜେଇ ବିକ୍ରି କରୁଥିଲା ଅଭିଯୁକ୍ତ ।