କଟକ: ଦଶହରା ଉତ୍ସବକୁ ନେଇ ହାଇକୋର୍ଟଙ୍କ କଡ଼ା ନିର୍ଦ୍ଦେଶ । ରାସ୍ତା ଉପରେ ତୋରଣ ନିର୍ମାଣକୁ ବାରଣ କରିଛନ୍ତି ହାଇକୋର୍ଟ । ଆସୁଛନ୍ତି ମା' ଦଶଭୁଜା । ମା'ଙ୍କ ଆଗମନକୁ ନେଇ ସହରର ବିଭିନ୍ନ ପୂଜା ମଣ୍ଡପ ବେଶ ଚଳଚଞ୍ଚଳ । ବିଶ୍ୱ ପ୍ରସିଦ୍ଧ କଟକ ଦଶହରାକୁ ଏଥର ଆକର୍ଷଣୀୟ କରିବା ପାଇଁ ବିଭିନ୍ନ ପୂଜା କମିଟି ପକ୍ଷରୁ ଚାଲିଛି ଜୋରଦାର ପ୍ରସ୍ତୁତି । 

ହାତରେ କମ ସମୟ ଥିବାରୁ ମୁର୍ମୟୀ ମୂର୍ତ୍ତି ନିର୍ମାଣରେ ନିମଗ୍ନ କାରିଗର । ସେପଟେ କଟ ର ବିଭିନ୍ନ ଶକ୍ତି ପୀଠ ମାନଙ୍କରେ ଚାଲିଛି ଷୋଡଶ ଉପଚାର ପୂଜା । ବିଭିନ୍ନ ବେଶରେ ଦର୍ଶନ ଦେଉଛନ୍ତି ମା' ବାସନ୍ତି ଦୁର୍ଗା ଓ ଗଡ଼ ଚଣ୍ଡୀ ।

କଟକ ସହର ଯେତେ ପୁରୁଣା ଏଠାକାର ପରଂମ୍ପାରା ଓ ସଂସ୍କୃତି ମଧ୍ୟ ସେତିକି ପୁରୁଣା । ଏଥିପାଇଁ ସାଂସ୍କ୍ରୁତି ଓ ପରମ୍ପରା ର ସହର କଟକ ସହର ଦଶହରା ପର୍ବର ରହିଛି ବିଶେଷ ସ୍ୱତନ୍ତ୍ରତା।ତେବେ ପୂଜା କୁ ଆଉ ହାତରେ କମ ସମୟ ଥିବାରୁ ସେକ ବଜ଼ାର ଓ ଚାନ୍ଦିନୀ ଚଉକି  ପୂଜା ମଣ୍ଡପ ରେ ଚାଲିଛି ଜୋରଦାର ପ୍ରସ୍ତୁତି । ମା'ଙ୍କ ମୂର୍ତ୍ତିରେ ଦୋମାଟିଆ କାମ ଶେଷ ହୋଇଥିବା ବେଳେ ପୂଜାକୁ ବେଶ ଆକର୍ଷଣୀୟ ଢଙ୍ଗରେ ପାଳନ କରିବାକୁ ଲକ୍ଷ୍ୟ ରଖିଛି କମିଟି । ତେବେ ଚଳିତ ବର୍ଷ ମା'ଙ୍କ ମୂର୍ତ୍ତିରେ ଚାନ୍ଦି ମେଢ଼ ଲଗାଇବା ପାଇଁ ଚାନ୍ଦି ସଫା କାର୍ଯ୍ୟ ମଧ୍ୟ ସରିଛି।ଯାହାକି ମଣ୍ଡପର ଶୋଭାକୁ ଆହୁରି ଦ୍ବିଗୁଣିତ କରିବ ।