ପଶ୍ଚିମ ଆଫ୍ରିକାରେ ଓଡ଼ିଆ ଯୁବକଙ୍କୁ ଅପହରଣ ଅଭିଯୋଗ I ଗଂଜାମ ଜିଲ୍ଲା ହିଞ୍ଜିଳିକାଟୁ ବ୍ଲକ ସମରଝୋଳ ଛକର ପୋନାଡ଼ ଭେଂକେଟ ରମଣ ଗତ ୬ ମାସ ପୂର୍ବେ ପଶ୍ଚିମ ଆଫ୍ରିକା ବ୍ଲୁ ଷ୍ଟାର କମ୍ପାନୀ ତରଫରୁ ପଶ୍ଚିମ ଆଫ୍ରିକାର ମାଲି ଅଂଚଳରେ ଡାଇମଣ୍ଡ ସିମେଣ୍ଟ କମ୍ପାନୀକୁ କାମ କରିବାକୁ ଯାଇଥିଲେ I ୫ ଦିନ ହେବ ପରିବାର ଲୋକଙ୍କ ସହ ଯୋଗାଯୋଗ ବିଛିନ୍ନ ହେବା ପରେ ଅନ୍ତର୍ଜାତୀୟ ଗଣମାଧ୍ୟମରୁ ଖବର ପାଇଲେ ଅଲଂକାଇଦା ନାମକ ଏକ ପାକିସ୍ତାନୀ ସଂସ୍ଥା ପୋନାଡ଼ ଭେଂକେଟ ରମଣଙ୍କୁ ଅପହରଣ କରିନେଇଛି I

ଘରର ରୋଜଗାରିଆ ବଡ ପୁଅ ଏବେ ପାକିସ୍ତାନୀ କବଜାରେ I ପଶ୍ଚିମ ଆଫ୍ରିକାର ମାଲି ଅଂଚଳରେ ଏକ ସିମେଣ୍ଟ କମ୍ପାନୀରେ କାମ କରୁଥିବା ବେଳେ ଅଲଂକାଇଦା ପାକିସ୍ତାନୀ ଆତଙ୍କବାଦୀ ସଂସ୍ଥା ଦ୍ୱାରା ଅପହରଣ ହୋଇଛନ୍ତି I ଅନ୍ତର୍ଜାତୀୟ ଏବଂ ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇବା ପରେ ଘରେ ଶୋକାକୁଳ ପରିବେଶ ସୃଷ୍ଟି ହୋଇଛି I ସୂଚନା ଅନୁସାରେ ଗଂଜାମ ଜିଲ୍ଲା ହିଞ୍ଜିଳିକାଟୁ ବ୍ଲକ ସମରଝୋଳ ଅଂଚଳର ଯୁବକ ପୋନାଡ଼ ଭେଂକେଟ ରମଣ ୫-୬ ବର୍ଷ ହେଲା ମୁମ୍ବାଇରେ କାମ କରିଆସୁଥିଲେ I ଗତ ୬ ମାସ ପୂର୍ବେ ପଶ୍ଚିମ ଆଫ୍ରିକାରେ ଡାଇମଣ୍ଡ ସିମେଣ୍ଟ କମ୍ପନିରେ କାମ ଥିବାର ବ୍ଲୁ ଷ୍ଟାର କମ୍ପାନୀ ଦ୍ୱାରା ଜାଣିବାକୁ ପାଇଥିଲେ I କମ୍ପାନୀ ସହ ଚୁକ୍ତି କରି ଗତ ନଭେମ୍ବର ମାସରେ ପଶ୍ଚିମ ଆଫ୍ରିକା ଯାଇ କାମ ଆରମ୍ଭ କରିଥିଲେ I

ସବୁ କିଛି ଠିକ ଚାଲିଥିଲା କିନ୍ତୁ ୪-୫ ଦିନ ହେବା ପରିବାର ଲୋକେ ଭେଂକେଟଙ୍କ ସହ ଯୋଗାଯୋଗ କରିପାରୁନଥିଲେ I ଯାହାକୁ ନେଇ ପରିବାର ଲୋକେ ବିବ୍ରତ ଥିବା ବେଳେ ସିମେଣ୍ଟ କମ୍ପନିରୁ ଫୋନ କଲ କରି ଆପଣଙ୍କ ପୁଅକୁ ପୋଲିସ ଉଠାଇନେଇଛି ବୋଲି ପରିବାର ଲୋକଙ୍କୁ ଜଣାଇଥିଲେ I କିନ୍ତୁ ପରିବାର ଲୋକେ ବିଭିନ୍ନ ସାମାଜିକ ଗଣମାଧ୍ୟମରୁ ଅଲଂକାଇଦା ନାମକ ପାକିସ୍ତାନୀ ଆତଙ୍କବାଦୀ ସଂସ୍ଥା ଅପହରଣ କରିନେଇଥିବା ଅଭିଯୋଗ ହେବା ପରେ ସେମାନେ ପୁନଶ୍ଚ ସିମେଣ୍ଟ କମ୍ପାନୀକୁ ଫୋନ କରି ସତ ଜାଣିବାକୁ ପାଇଥିଲେ I

ପଶ୍ଚିମ ଆଫ୍ରିକାର ମାଲି ଅଂଚଳରେ ହେଇଥିବା ଅପହରଣରେ ଓଡ଼ିଆ ଯୁବକ ଜାଣିବା ପରେ ପରିବାର ଲୋକଙ୍କ ପାଦ ତଳୁ ସତେ ଯେମିତି ମାଟି ଖସିଯାଇଛି ନା ଘରେ ଚୁଲି ଜଳୁଛି ନା ଘର ଲୋକେ ଠିକ ସେ ଖିଆପିଆ କରୁଛନ୍ତି I ଭେଂକେଟଙ୍କ ବାପାଙ୍କ ମୃତ୍ୟୁ ପରେ ମା ବଡ ପୁଅଙ୍କ ମୁହଁ ଦେଖି ଦିନକାଟିଦେଉଥିଲେ କିନ୍ତୁ ମା ପୁଅର ଅପହରଣ ଘଟଣା ଶୁଣିବା ପରେ ଝୁରି ଝୁରି ଦିନ କାଟୁଛନ୍ତି I ଘଟଣାରେ କମ୍ପାନୀ ସଠିକ ତଥ୍ୟ ଦେଉନଥିବା ବେଳେ ଓଡିଶା ଏବଂ ଭାରତ ସରକାର ତୁରନ୍ତ ସେଠୁ ଉଦ୍ଧାର କରି ଘରକୁ ଫେରାଇ ଆଣିବାକୁ ବିନମ୍ର ନିବେଦନ କରିଛନ୍ତି I ଘଟଣାକୁ ଗୁରୁତର ସହିତ ନେଇ ହିଞ୍ଜିଳି ତହସିଲଦାର ସାଙ୍ଗକୁ ଅଂଚଳର ରାଜସ୍ବ ନିରୀକ୍ଷକ ପହଂଚି ପରିବାର ବର୍ଗଙ୍କୁ ଆଶ୍ୱାସନା ଦେଇଛନ୍ତି Iବାପାଙ୍କ ପରେ ଘରର ଭାର ସମ୍ଭାଳୁଥିବା ବଡ ପୁଅ ଏବେ ପାକିସ୍ଥାନୀ ଆତଙ୍କବାଦୀ କବ୍ଜାରେ I ପୁଅକୁ ଫେରାଇ ଆଣିବାକୁ ପରିବାର ବର୍ଗଙ୍କ ଆକୁଳ ନିବେଦନ I