Hirakud Dam / ବଢ଼ୁଛି ହୀରାକୁଦ ଜଳଭଣ୍ତାର: ଜୁଲାଇ ୯ରେ ଖୋଲିବ ହୀରାକୁଦ ଡ୍ୟାମର ଗେଟ

ଜୁଲାଇ ୯ରେ ଖୋଲିବ ହୀରାକୁଦ ଡ୍ୟାମର ଗେଟ । ଚଳିତ ବର୍ଷର ପ୍ରଥମ ବନ୍ୟା ଜଳ ନିଷ୍କାସନ ହେବ । ହୀରାକୁଦ ଜଳଭଣ୍ତାର ଜଳସ୍ତର ବୃଦ୍ଧି ଓ ଉପର ମୁଣ୍ତରୁ ଜଳ ପ୍ରବେଶ ବଢୁଥିବାରୁ ଗେଟ ଖୋଲିବା ନେଇ ନିଷ୍ପତ୍ତି ହୋଇଛି । ଛତିଶଗଡରେ ବର୍ଷା ଯୋଗୁ କଲମା ବ୍ୟାରେଜ ରୁ ୪୬ ଟି ଗେଟ ଖୋଲିଛି ।

ଡାକବାଜି ଯନ୍ତ୍ର ଦ୍ଵାରା ହିରାକୁଦ ଗେଟ ଖୋଲିବା ପୁର୍ଵରୁ ତଲିଆ ଅଂଚଳରେ ସର୍ତକ ସୂଚନା ଦିଆଯାଉଛି । ଜୁଲାଇ ୯ ରେ ହୀରାକୁଦ ନଦୀ ବନ୍ଧ ଖୋଲିବ...ହୀରାକୁଦ ଜଳଭଣ୍ତାରରୁ ନିଷ୍କାସିତ ହେବ ପ୍ରଥମ ବନ୍ୟା ଜଳ । ତେଣୁ ରାଜ୍ୟର ମହାନଦୀ କୂଳିଆ ଜିଲ୍ଲା ମାନଙ୍କୁ ଏହି ସତର୍କ ସୂଚନା ଜାରି କରାଯାଇଛି । ମହାନଦୀ ଭିତରକୁ ଜନସାଧାରଣ ଓ ମତ୍ସ୍ୟଜୀବୀଙ୍କ ପ୍ରବେଶ ବାରଣ କରାଯାଇଛି ।...

୯ ତାରିଖ ଦିନ ୧୧ ଟାରେ ପରମ୍ପରା ଅନୁୟାୟୀ ପୂଜାର୍ଚ୍ଚନା ପରେ ଗେଟ ଖୋଲାଯିବ । ଛତିଶଗଡରେ ବର୍ଷା ଯୋଗୁ କଲମା ବ୍ୟାରେଜର ୪୬ ଟି ଖୋଲିଲାଣି । ଏଥିପାଇଁ ହୀରାକୁଦ ଜଳଭଣ୍ତାର କୁ ଜଳପ୍ରଵେଶ ବଢିବାରେ ଲାଗିଛି । ଆସନ୍ତା ୯ ତାରିଖ ଗୁରୁବାର ସୁଦ୍ଧା ଜଳସ୍ତର ୬୧୨ ରୁ ୬୧୩ ଫୁଟ ପର୍ଯ୍ୟନ୍ତ ପହଂଚିଥିବ ।

ଗେଟ ଖୋଲିବା ନେଇ ଡ୍ୟାମ କର୍ତ୍ତୃପକ୍ଷ ସମସ୍ତ ପ୍ରସ୍ତୁତି କରିଛନ୍ତି । ତେଵେ ସ୍ଥିତି ଦେଖି କେତୋଟି ଗେଟ ଖୋଲାଯିବ ତାହା ନିଷ୍ପତ୍ତି ନିଆଯିବ ବୋଲି ସେ କହିଛନ୍ତି । ହୀରାକୁଦ ଗେଟ ଖୋଲିବା ପରେ ମହାନଦୀ ତଳିଆ ଅଂଚଳ ଜିଲ୍ଲାରେ କୌଣସି ବନ୍ୟା ପରିସ୍ଥିତ ହେବାର ଆଶଙ୍କା ନଥିବା ସୂଚନା ରହିଛି ।

ମାଇକ୍‌ ଯୋଗେ ଆନାଉନ୍ସ କରାଯାଉଛି । ଅଟୋରେ ମାଇକ୍‌ ଧରି ବୁଲୁଛନ୍ତି ଜଳ ସମ୍ପଦ ଅଧିକାରୀ । କୁହାଯାଉଛି କି ହୀରାକୁଦ ଗେଟ୍‌ ଖୋଲିଲା ପରେ ମହାନଦୀ ଏବଂ ତାର ସାଖା ନଦୀ ଗୁଡ଼ିକରେ ଜଳସ୍ତର ବୃଦ୍ଧି ପାଇବ । ସେହି ସମୟରେ ସମସ୍ତେ ନଦୀ ଠାରୁ ଦୁରେଇ ରହିବେ । କେହି ନଦୀକୁ ଯିବେ ନାହିଁ । ନଦୀକୁ ଗଲେ ଜୀବନ ପ୍ରତି ବିପଦ ରହିଛି । ପ୍ରଖର ଗତିରେ ପାଣି ଆସିଲେ ଭସାଇ ନେବାର ସମ୍ଭାବନା ରହିଛି । ଜଳସମ୍ପଦ ବିଭାଗ ପକ୍ଷରୁ ଏଭଳି ସଚେତନତା ଆରମ୍ଭ ହୋଇଛି। ଦୁଇଟି ଅଟୋରେ ତଳିଆ ଅଞ୍ଚଳରେ ଆନାଉନ୍ସ କରୁଛି ଜଳସମ୍ପଦ ବିଭାଗ ।

ଯଦି ଦେଖିବା ବର୍ଷା ପାଇଁ ହୀରାକୁଦରେ ବଢ଼ିବାକୁ ଲାଗିଛି ଜଳସ୍ତର । ଯାହାକୁ ଦେଖି ଆସନ୍ତା ୯ ତାରିଖରେ ଖୋଲିବାକୁ ଯାଉଛି ହୀରାକୁଦ୍‌ ଗେଟ୍‌ । ବନ୍ୟାଜଳ ନିଷ୍କାସନ ପୂର୍ବରୁ ପ୍ରଶାସନ ତରଫରୁ କିଛି ଏସ୍‌ଓପି ପାଳନ କରାଯାଇଥାଏ । ସେଥିମଧ୍ୟରୁ ଗୋଟିଏ ହେଉଛି ଲୋକଙ୍କୁ ସଚେତନ କରାଇବା । ଯେଉଁମାନେ ହୀରାକୁଦ ତଳମୁଣ୍ଡ ଅବବାହିକାରେ ବସବାସ କରନ୍ତି ସେମାନେ ପ୍ରତିଦିନ ନଦୀକୁ ଯାଆନ୍ତି ନିଜର ନିତ୍ୟବ୍ୟବହାର୍ଯ୍ୟ କାମ କରନ୍ତି । ସେହି ମାନଙ୍କ ପାଇଁ ସୁରକ୍ଷା ଦୃଷ୍ଟିରୁ ପ୍ରଚାର କରିଥାଏ ପ୍ରଶାସନ ।