ମାଲକାନଗିରି : ଦୁଇ ଭଉଣୀ କେମିତି ଗାଁକୁ ଗାଁ ବୁଲି ୧୧କ ପଣିକିଆ ଡାକୁଛନ୍ତି । ମା..ମାଉସୀଙ୍କୁ ସଚେତନ କରାଇବା ସହିତ ଉପଯୁକ୍ତ ପ୍ରାର୍ଥୀଙ୍କୁ ଭୋଟ୍‌ ଦେବାକୁ କହୁଛନ୍ତି । ହେଲେ ଏତେ କମ୍‌ ବୟସରେ ଏମାନେ କାହିଁକି ଏମିତି ସଚେତନତା କରୁଛନ୍ତି ? ଏହାର ପଛର ଲକ୍ଷ୍ୟ କଣ ? କିଛି ଏମିତି ପ୍ରଶ୍ନ ମନରେ ନିଶ୍ଚୟ ଆସୁଥିବ । ହେଲେ ସତ ଜାଣିବା ପରେ ଆପଣ ବି ଏମାନଙ୍କୁ ସଲାମ କରିବାକୁ ବାଧ୍ୟ ହେବେ । ପୁଣି ଚର୍ଚ୍ଚାରେ ନୟାଗଡ଼ର ଦୁଇ ଭଉଣୀ ପ୍ରୀତି ସୁଲଗ୍ନା ଓ ଶୃତି ସୁଲଗ୍ନା ।

କାରଣ ଭୋଟ୍‌ ପୂର୍ବରୁ ଗାଁକୁ ଗାଁ ବୁଲି ପଣିକିଆ ଡାକିଡାକି ଭୋଟରଙ୍କୁ ବୁଝାଉଛନ୍ତି ଆଉ ସଚେତନ କରୁଛନ୍ତି । ହେଲେ ଏସନ ସେ ପାରମ୍ପରିକ ପୋଷାକରେ ନୁହେଁ ବରଂ ବଣ୍ଡା ପୋଷାକରେ । ସେଇଥି ଲାଗି ଉଭୟଙ୍କୁ ନେଇ ଚର୍ଚ୍ଚା ଜୋର । ମିଳିଥିବା ସୂଚନା ଅନୁସାରେ, ମାଲକାନଗିରିରେ ଦୁଇ ଭଉଣୀଙ୍କର ଏବେ ସୁଟିଂ ଚାଲିଛି । ଖୋଦ ଜିଲ୍ଲା ପ୍ରଶାସନ ପକ୍ଷରୁ ଏହି ଗୀତ ପ୍ରସ୍ତୁତ କରି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କୁ ପ୍ରଦାନ କରାଯିବ ବୋଲି ଜଣାପଡିଛି । ଦର୍ଶକବନ୍ଧୁ ମନେ ଥିବ ନିଶ୍ଚୟ, ପୂର୍ବରୁ ଅନେକ ବାର ଏହି ଦୁଇ ଭଉଣୀ ଅନେକ ସଚେତନତାର ଭିଡିଓ କରିଛନ୍ତି । ହେଲେ ଏବେର ବଣ୍ଡା ଘାଟିର ଭିଡିଓ ପୂରା ଡିଫରେଣ୍ଟ । ତେବେ ଆଗାମୀ ଦିନରେ ଏହି ଦୁଇ ଭଉଣୀ କେମିତି ବାର୍ତ୍ତା ଦେଉଛନ୍ତି ସମାଜକୁ ତାହା ଦେଖିବାକୁ ବାକି ରହିଲା ।

ଅଧିକ ଦେଖନ୍ତୁ :

Argus News | argus news | Odisha Latest News, Breaking News, Trending News, Live TV