୨୦୧୬ରୁ ନନ୍ଦନକାନନରେ ଏହି ଦିବସର ପାଳନ କରାଯାଉଛି। ଚଳିତ ବର୍ଷର ଥିମ ରହିଛି `ସେଭ ଟାଇଗର'। ଜାତୀୟ ପଶୁ ଭାବେ ପରିଚିତ ବାଘର ସଂଖ୍ୟା ସହ ପ୍ରଜାତି ବୃଦ୍ଧି ପାଇଁ ଏବେ ବଢିଛି ଚିନ୍ତା। ପିଛିଲା ସର୍ଭେ ଅନୁଯାୟୀ ଦେଶରେ ମୋଟ ବାଘ ସଂଖ୍ୟା ରହିଛି ୩୭୦୦ । ନନ୍ଦନକାନନରେ ଅଛନ୍ତି ମୋଟ ୨୯ଟି ବାଘ । ଏଥିମଧ୍ୟରୁ ୧୯ଟି ସାଧାରଣ ରଙ୍ଗର ବାଘ, ୬ଟି ଧଳା ଓ ୪ଟି ମେଲେନାଷ୍ଟିକ ବାଘ ରହିଛନ୍ତି। ନନ୍ଦନକାନନରେ ବାଘଙ୍କ ଵଂଶ ବିସ୍ତାର ପାଇଁ କରାଯାଉଛି ଉଦ୍ୟମ । ମେଲାନିଷ୍ଟିକ ବାଘର ପ୍ରଜନନ ପାଇଁ ଦିଆଯାଉଛି ଅଧିକ ଗୁରୁତ୍ଵ । ନନ୍ଦନକାନନରେ ବାଘଙ୍କ ପ୍ରଜନନ ପାଇଁ ନିକଟସ୍ଥ ଚିଡିଆଖାନାରେ ଏକ୍ସଚେଞ୍ଜ ହେଉଥିବା କହିଛନ୍ତି ସହକାରୀ ବନ ସଂରକ୍ଷକ ।

ଅନ୍ତର୍ଜାତୀୟ ବ୍ୟାଘ୍ର ଦିବସ ଅବସରରେ ନନ୍ଦନକାନନରେ ବିଭିନ୍ନ କାର୍ଯ୍ୟକ୍ରମ କରାଯାଇଛି। ସ୍କୁଲ ଛାତ୍ରଛାତ୍ରୀ ମାନେ କାର୍ଯ୍ୟକ୍ରମରେ ଯୋଗଦେଇ ବ୍ୟାଘ୍ର ସୁରକ୍ଷା ପାଇଁ ସଚେତନତା ବାର୍ତ୍ତା ଗ୍ରହଣ କରିଛନ୍ତି । ଛୋଟ ପିଲାଙ୍କ କୁଇଜ୍ ପ୍ରତିଯୋଗିତା, ଦସ୍ତଖତ ଅଭିଯାନ, ଭିଡିଓଗ୍ରାଫି ପ୍ରତିଯୋଗିତା କରାଯାଇଛି। ନାଟକୀୟ ଢଙ୍ଗରେ ବାଘ ସୁରକ୍ଷା ଓ ଵଂଶ ବିସ୍ତାର ଦିଗରେ ବିଭିନ୍ନ ଅଧିକାରୀ ଆଲୋକପାତ କରିଛନ୍ତି। କାର୍ଯ୍ୟକ୍ରମରେ ବ୍ୟାଘ୍ର ସୁରକ୍ଷାକାରୀଙ୍କୁ ସମ୍ମାନିତ କରାଯାଇଛି। ତେବେ ରାଜ୍ୟରେ ବାର୍ଡ ଫ୍ଲୁ ବ୍ୟାପିଥିବା ବେଳେ ନନ୍ଦନକାନନରେ ସତର୍କତା ଜାରି ହୋଇଛି।