ରାଜଧାନୀ ହାଇ ସିକ୍ୟୁରିଟି ଜୋନ ଭିତରୁ ଦୃଷ୍ଟି ବାଧିତ ମାଆ କୋଳରୁ ଅପହୃତ ହୋଇଥିବା ଦୁଇ ବର୍ଷର ଶିଶୁ ପୁତ୍ରକୁ ଖୋଜି ବାହାର କରିବା ପୋଲିସ ପାଇଁ ଥିଲା ବଡ଼ ଚ୍ୟାଲେଞ୍ଜ । ଥାନାରେ ଅଭିଯୋଗ ପରେ ସଙ୍ଗେ ସଙ୍ଗେ ଆକ୍ସନମୋଡକୁ ଆସିଥିଲା ପୋଲିସ । ନିଜେ ମୁଖ୍ୟମନ୍ତ୍ରୀ ଓ ସିଏମଓ ଅଫିସ ମଧ୍ୟ ଘଟଣାକୁ ବେଶ ଗୁରୁତର ସହ ନେଇଥିଲେ ।

କେମିତି ହୋଇଥିଲା ଅପରେସନ ଶୁଭମ
ଯେହେତୁ ରାତି 2ଟାରେ ଅପହରଣ ହେଲା, ପୋଲିସର ପ୍ରଥମ ସନ୍ଦେହ ଥିଲା ଅପହରଣକାରୀ ଶୁଭମକୁ ଟ୍ରେନରେ ନେଇ ଯାଇଥାଇପାରେ । ତେଣୁ ରାମ ମନ୍ଦିର ଏବଂ ଆଖପାଖ ଅଞ୍ଚଳ, ରେଲୱେ ଷ୍ଟେସନର ସିସି ଟିଭି ଛାନବିନ କରିଥିଲା ପୋଲିସ। ହ୍ୟୁମାନ ଇଣ୍ଟେଲିଜେଣ୍ଟ, ଟେକ୍ନିକାଲ ଇଣ୍ଟେଲିଜେଣ୍ଟ ଏବଂ ସିସି ଟିଭିକୁ ଆଧାରକରୀ ତଦନ୍ତ କରିଥିଲା । ସ୍ମାର୍ଟ ସିଟି ସିସିଟିଭିରୁ ଅପହରଣକାରୀ ରାସ୍ତା ପାରହେଉଥିବାର ଚିତ୍ର ମିଳିଥିଲା । ଅଧିକ ଖୋଳ ତାଡ଼ ପରେ ମାଷ୍ଟର କ୍ୟାଣ୍ଟିନ ରେଳ ଷ୍ଟେସନକୁ ପିଲାକୁ ଧରି ପଶୁଥିବାର ଆଉ ଏକ ସିସିଟିଭି ଚିତ୍ର ମିଳିଥିଲା । ପିଲା ଚୋରି ରାକେଟ ସନ୍ଦେହକରୀ ପୋଲିସର ୪ଟି ଟିମ ବାଲେଶ୍ଵର, ଭଦ୍ରକ, କଲିକତା ଏବଂ ନୟାଗଡ଼କୁ ଯାଇଥିଲା । ବାଲେଶ୍ଵର ଷ୍ଟେସନରୁ ଅପହରଣକାରି, ଅପହୃତ ଶିଶୁ ଓ ମହିଳାଙ୍କ ସିସିଟିଭି ଫୁଟେଜ ସାମ୍ନାକୁ ଆସିଥିଲା । ବାଲେଶ୍ଵର ଷ୍ଟେସନ ପାଖରେ ଛାନବିନ ପରେ ଏକ ଅଟୋରେ ବସି ଉଭୟ ଫେରାର ହୋଇଯାଇଥିବା ପୋଲିସ ଜାଣିବାକୁ ପାଇଥିଲା ।

ଅଟୋ ନମ୍ବରରୁ ଅଟୋଚାଳକଙ୍କୁ ଠାବ କରିଥିଲା ପୋଲିସ । ପଚରା ଉଚରା ପରେ ଅପହରଣକାରୀ ଏବଂ ତାସହ ଲିଙ୍କ ରେ ଥିବା ମହିଳାଙ୍କୁ ଏକ ନିର୍ଦିଷ୍ଟ ସ୍ଥାନରେ ଛାଡିଥିବା କହିଥିଲା । ପୋଲିସ ସେଠାରେ ଖୋଳ ତାଡ଼ ପରେ ଦୁଇଟି ବାଇକ ଯୋଗେ ଅପହରଣକାରି ଏବଂ ମହିଳା ଅଲଗା ଅଲଗା ଦିଗରେ ସେଠାରୁ ପଳାଇ ଥିବା ଜଣା ପଡିଥିଲା । ବାଇକ ନମ୍ବରକୁ ଟ୍ରାକ କରି ମହିଳାଙ୍କ ପାଖରେ ପହଞ୍ଚିଥିଲା ପୋଲିସ । ବାଇକ ଚାଳକଙ୍କ ଠାରୁ ତଥ୍ୟ ପାଇ ମହିଳାଙ୍କ ଘରେ ଚଢ଼ାଉ କରିଥିଲା । ସେଠାରୁ ମହିଳା ଏବଂ ଅପହୃତ ଶିଶୁକୁ ଉଦ୍ଧାର କରିଥିଲା ପୋଲିସ । ତାଠାରୁ ତଥ୍ୟ ନେଇ ଅପହରଣକାରିକୁ ପୁରୀ ରୁ ଧରିଥିଲା । ଧରା ନ ପଡିବା ପାଇଁ କୁନି ଶିଶୁଟିର ଆଗ ଚୁଟି କାଟିବା ସହ ଝିଅ ଡ୍ରେସ ପିନ୍ଧାଇ ଦେଇଥିଲେ । ଏହି ଘଟଣା ପଛରେ ଅଙ୍ଗ ତସ୍କରି ଏବଂ ଅପହରଣ ପଛରେ ମାନବ ଚାଳନ ରାକେଟ ଥାଇପାରେ ବୋଲି ସନ୍ଦେହ କରାଯାଉଛି ।

କାହିଁକି ହେଲା ଏହି ଅପହରଣ ଅଭିଯୁକ୍ତ କେଦାରସନ ପଣ୍ଡା ଖୋଲିଛି ଅପହରଣ ପଛର ରହସ୍ୟ । ବାଲେଶ୍ୱର ବୋଇତା ଗାଁର ବିବାହିତା ମହିଳାଙ୍କ କଥାରେ ପଡି କେଦାରସନ ଶୁଭମକୁ ଅପହରଣ କରିଥିଲା । ବିବାହିତା ମହିଳା ଝେଲମ ରାଣୀ ପଣ୍ଡାଙ୍କର 9ବର୍ଷର ପୁଅର କିଡ଼ନୀ ଖରାପ ଥିଲା । ଆଉ ଗୋଟେ ପିଲାକୁ ପାଳିବା ପାଇଁ ସେ ଚାହୁଁଥିଲା । ଅପହରଣ ଦୁଇଦିନ ପୂର୍ବରୁ ରାମ ମନ୍ଦିରରେ ଦୁଇ ବର୍ଷର ଶିଶୁକୁ ଠାବ କରିଥିଲା । ଏପରିକି ଭିଡ଼ିଓ କଲ କରି ଝେଲମକୁ ଦେଖାଇଥିଲା । ଏହାପରେ ତିଆରି ହୋଇଥିଲା ଅପହରଣର ବ୍ଲୁ ପ୍ରିଣ୍ଟ ।

ପୂର୍ବରୁ ବିଜେଡି ସରକାର ସମୟରେ ନିଖୋଜଙ୍କୁ ଠାବ କରିବାକୁ ନିଆଯାଉ ନଥିଲା ପର୍ଯ୍ୟାପ୍ତ ପଦକ୍ଷେପ । ଏବେ ବି ପିହୁ ଭଳି ଅନେକ ପିଲାଙ୍କର ମିଳୁନି ପତ୍ତା । ସେହିପରି ପରୀ ନିଖୋଜ ହେବାର କିଛି ଦିନ ପରେ ତାର ମୃତଦେହ ଠାବ ହୋଇଥିଲା । ସେତେବେଳେ ତତ୍ପରତା ପ୍ରକାଶ କରୁନଥିଲା ପୋଲିସ । ଏପରିକି ଏଫଆଇଆର ମଧ୍ୟ ରଖୁନଥିଲା ପୋଲିସ । ୨୦୨୦-୨୪ ମଧ୍ୟରେ ଶିଶୁ ନିଖୋଜର ବିଧାନସଭା ତଥ୍ୟ କହୁଛି ୪ ବର୍ଷରେ ୮ହଜାର ୪୦୩ ଜଣ ଶିଶୁ ନିଖୋଜ ହୋଇଛନ୍ତି । ୪ ବର୍ଷରେ ମାତ୍ର ୧୮ ଶହ ୫୭ ଶିଶୁଙ୍କୁ ଉଦ୍ଧାର କରାଯାଇଛି । ୬ ହଜାର ୫୦୦ରୁ ଅଧିକ ଶିଶୁଙ୍କର ମିଳୁନି ପତ୍ତା । ୬ ହଜାର ୫୦୦ ଶିଶୁ ଏବେ ବି ନିଖୋଜ । ଏବେ ବିଜେପି ସରକାର କ୍ଷମତାକୁ ଆସିବା ପରେ ତତ୍ପର ହୋଇଛି ପୋଲିସ । ଦିନ ରାତି ଏକ କରି ଶିଶୁପୁତ୍ରରୁ ଖୋଜି ପାଇଛି ପୋଲିସ ।

Argus News | argus news | Odisha Latest News, Breaking News, Trending News, Live TV