ଅର୍ଗସ ବ୍ୟୁରୋ: ଆଜିବି ଓଡ଼ିଶାକୁ ଆସୁନି ଆଳୁ ଗାଡି । ଓଡିଶାକୁ ଆଳୁ ଗାଡି ପ୍ରବେଶ କରିବାକୁ ଦେଉନାହିଁ ପଶ୍ଚିମବଙ୍ଗ ପୋଲିସ । ପଶ୍ଚିମବଙ୍ଗରୁ ଓଡ଼ିଶାକୁ ଗୋଟିଏ ବି ଗାଡି ପ୍ରବେଶ କରିବାର ଦେଖିବାକୁ ମିଳୁନି । ଯେଉଁ ଆଳୁ ବୋଝେଇ ଟ୍ରକ ଓଡିଶା ଭିତରକୁ ଆସିବାର ଥିଲା ଓଡିଶା-ପଶ୍ଚିମବଙ୍ଗ ସୀମା ସୋନାକନିଆରୁ ଲକ୍ଷ୍ମଣନାଥ ନିକଟରେ ଗାଡ଼ି ଫେରାଉଛି ପଶ୍ଚିମ ବଙ୍ଗ ପୋଲିସ । 
ବିଭିନ୍ନ ଗଳା ବାଟ ଦେଇ କିମ୍ବା ନାକା ପଏଣ୍ଟ ଦେଇ ବ୍ୟବସାୟୀମାନେ ଓଡ଼ିଶାକୁ ଅlଳୁଗାଡି ପ୍ରବେଶ କରୁଥିବା ବେଳେ ଜଗି ରହିଥିବା ପୋଲିସ ମୋଟା ଆକାରରେ ଟଙ୍କା ନେଉଥିବା ଅଭିଯୋଗ ହୋଇଛି । ସୋନାକନିଆ ଗେଟ୍ ଠାରୁ ୬୦କି.ମି ଦୂରରେ ବେଲଦlଠାରେ ଅସ୍ଥାୟୀ ନାକା ପଏଣ୍ଟ କରି ଆଳୁ ଗାଡିକୁ ଅଟକ ରଖିବା ପାଇଁ ପୋଲିସ ଯୋଗାଇଛି ବୋଲି ସୂଚନା ମିଳିଛି । 

ଓଡ଼ିଶାକୁ ଆଳୁ ଆସି ପାରୁନ ଥିବାରୁ ଆଳୁ ସମସ୍ୟା ଦୂର କରିବା ଲାଗି ଲୋକଙ୍କ ମୁଖ୍ୟମନ୍ତ୍ରୀ ମୋହନ ମାଝୀ ଉତ୍ତର ପ୍ରଦେଶରୁ ଆଳୁ ଆଣି ଆଳୁ ସମସ୍ୟା ଦୂର କରିଥିଲେ । ଉତ୍ତର ପ୍ରଦେଶ ପରେ ଏବେ ପଞ୍ଜାବରୁ ଆଳୁ ଆସିବ । ଲୋକଙ୍କ ଚାହିଦା ଅନୁସାରେ ଆଳୁ ଯୋଗାଇ ଦିଆଯିବ । ପଞ୍ଜାବରୁ ଆଳୁ ଆସିଲେ ବଜାର ଦର ନିୟନ୍ତ୍ରଣ ହେବ । ଓଡ଼ିଶାରେ ଆଳୁ ଦର ସ୍ଥିର ହେଲେ ପଶ୍ଚିମବଙ୍ଗ ଆଳୁ ଚାଷୀ ଉପରେ ଚାପ ସୃଷ୍ଟି ହେବ । ପଶ୍ଚିମବଙ୍ଗ ସରକାର ଏବେ ଆଳୁ କେଉଁଠି ବିକ୍ରି କରିବେ ତାହା ବଡ଼ ପ୍ରଶ୍ନ ? ଶେଷରେ ଚାଷୀ ଆଳୁ ବିକ୍ରି କରିବା ଅସମ୍ଭବ ହୋଇ ପଡିବ ।