ସ୍ତ୍ରୀକୁ ଟାଙ୍ଗିଆରେ ହାଣି ହତ୍ୟା ଉଦ୍ୟମ ପରେ ଗିରଫ ଭୟରେ ସ୍ଵାମୀର ଆତ୍ମହତ୍ୟା
କନ୍ଧମାଳ: ସ୍ତ୍ରୀକୁ ଟାଙ୍ଗିଆରେ ହାଣି ହତ୍ୟା ଉଦ୍ୟମ ପରେ ଗିରଫ ଭୟରେ ସ୍ଵାମୀର ଆତ୍ମହତ୍ୟା । ଏଭଳି ଘଟଣା ଘଟିଛି କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ଥାନା ଅଧୀନ ପ୍ଲିହେରୀ ପଞ୍ଚାୟତ କାଜୁରୀପାଙ୍ଗା ଗ୍ରାମରେ । ମୃତକ ହେଲେ ସ୍ୱାମୀ ଜୟସେନ ମଲ୍ଲିକ । ସୂଚନା ଅନୁସାରେ ଶନିବାର ବିଳମ୍ବିତ ରାତିରେ କୌଣସି କାରଣକୁ ନେଇ ସାମୀ-ସ୍ତ୍ରୀଙ୍କ ମଧ୍ୟରେ ଝଗଡ଼ା ହୋଇଥିଲା । ସକାଳୁ ଘର କବାଟ ନଖୋଲିବାରେ ପଡୋଶୀ ଲୋକେ ବହୁତ ଡାକିଥିଲେ ମଧ୍ୟ କେହି ଶୁଣିନଥିଲେ ।
ଘର ବାରି କବାଟ ପଟେ ଗ୍ରାମବାସୀ ଦେଖିବାବେଳେ ମହିଳା ଜଣଙ୍କ ଘରେ ରକ୍ତାକ୍ତ ଅବସ୍ଥାରେ ପଡ଼ିଥିବା ଦେଖି ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ଗୁରୁତର ଥିବା ସ୍ତ୍ରୀକୁ ଉଦ୍ଧାର କରି ଡାକ୍ତରଖାନାକୁ ପଠାଇଛି । ସେପଟେ ସ୍ତ୍ରୀର ମୃତ୍ୟୁ ହୋଇଯାଇଥିବା ଭାବି ପୋଲିସ ପହଞ୍ଚିବା ପୂର୍ବରୁ ଗିରଫ ଭୟରେ ଘରୁ ପଳାଇଛି ସ୍ୱାମୀ ।
ସୋମବାର ଜୟସେନଙ୍କ ମୃତଦେହ ଘର ନିକଟ ଜଙ୍ଗଲରେ ଝୁଲୁଥିବା ଗ୍ରାମବାସୀ ଦେଖି ଥାନାକୁ ଜଣାଇଥିଲେ । ପୁଲିସ ଆକ୍ରମଣରେ ବ୍ୟବହାର ଟାଙ୍ଗିଆ ଜବତ କରିଛି ।
