ଛୁଟି ପାଇଁ IAS ଅଫିସରଙ୍କୁ ନେବାକୁ ହେବ ମୁଖ୍ୟ ଶାସନ ସଚିବଙ୍କ ଅନୁମତି
Key Points
ଆଇଏଏସ୍ ଅଫିସରଙ୍କ ମନ ମର୍ଜି ଉପରେ ଲଗାମ ଲାଗିବ । ମୁଖ୍ୟ ଶାସନ ସଚିବଙ୍କ ବିନା ଅନୁମତିରେ ଛୁଟି ନେଇପାରିବେନି ଆଇଏଏସ୍ ।
ଭୁବନେଶ୍ଵର: ଆଉ ବିନା ଅନୁମତିରେ ଛୁଟି ନେଇ ପାରିବେନି ଆଇଏଏସ୍ । ଏନେଇ ରାଜ୍ୟ ସରକାରଙ୍କ ସାଧାରଣ ପ୍ରଶାସନ ବିଭାଗ ପକ୍ଷରୁ ନିର୍ଦ୍ଦେଶନାମା ଜାରି ହୋଇଛି । ଆଇଏଏସ୍ ଅଫିସରଙ୍କ ମନ ମର୍ଜି ଉପରେ ଲଗାମ ଲାଗିବ । ମୁଖ୍ୟ ଶାସନ ସଚିବଙ୍କ ବିନା ଅନୁମତିରେ ଛୁଟି ନେଇପାରିବେନି ଆଇଏଏସ୍ ଅଧିକାରୀ ।
ଜାରି ନିର୍ଦ୍ଦେଶନାମାରେ ଲେଖା ଯାଇଛି, ଅନେକ ଅଧିକାରୀ ମୁଖ୍ୟ ଶାସନ ସଚିବଙ୍କ ଅନୁମତି ନ ନେଇ ଛୁଟି ନେଇ ଯାଉଛନ୍ତି । ହେଡ୍କ୍ଵାର୍ଟର ମଧ୍ୟ ଛାଡ଼ି ପଳାଉଛନ୍ତି । ଫଳରେ ବାଧାପ୍ରାପ୍ତ ହେଉଛି ବିଭିନ୍ନ ସରକାରୀ କାର୍ଯ୍ୟ । ତେଣୁ ମୁଖ୍ୟ ଶାସନ ସଚିବଙ୍କ ବିନା ଅନୁମତିରେ ଛୁଟି ନ ନେବାକୁ ଆଇଏଏସ୍ମାନଙ୍କୁ ନିର୍ଦ୍ଦେଶ ଦିଆଯାଇଛି ।
📱 Get Argus News App
✨ରାଜ୍ୟ ସରକାରଙ୍କ ଅଧିନରେ କାମ କରୁଥିବା ସବୁ ଆଇଏଏସ୍ ଅଧିକାରୀଙ୍କ ପାଇଁ ଏହି ନିର୍ଦ୍ଦେଶନାମା ଲାଗୁ ହେବ । ନିର୍ଦ୍ଦେଶନାମାକୁ ଅବହେଳା ନ କରି ଅନୁକରଣ କରିବାକୁ କୁହାଯାଇଛି । ଆଇଏଏସ୍ ଅଧିକାରୀଙ୍କ ସମସ୍ତ ଛୁଟି କ୍ଷେତ୍ରରେ ଏହି ନିର୍ଦ୍ଦେଶନାମା କାର୍ଯ୍ୟକାରୀ କରାଯିବ ।