ଭୁବନେଶ୍ଵର: ଭାରତୀୟ ତଟରକ୍ଷୀ ବାହିନୀ ଜାହାଜ ଅଦମ୍ୟ । ଆଠଟି ସିରିଜ୍ ଅଦମ୍ୟ-ଶ୍ରେଣୀର ଫାଷ୍ଟ ପାଟ୍ରୋଲ୍ ଜାହାଜ ମଧ୍ୟରୁ ପ୍ରଥମ ଜାହାଜ । ଅଦମ୍ୟର ଅର୍ଥ ହେଉଛି Indomitable । ଏହାର କାମ ହେଉଛି ଉପକୂଳ କୁ ସୁରକ୍ଷା ଦେବ । ଶତୃକୁ କଡ଼ା ଜଵାଵ ଦେଵ।

ଆଜି ପାରାଦ୍ଵୀପ କୋଷ୍ଟ ଗାର୍ଡ ବର୍ଥରେ ପ୍ରତିରକ୍ଷା ମନ୍ତ୍ରଣାଳୟ ଯୁଗ୍ମ ସଚିବ ସତ୍ୟଜିତ ମହାନ୍ତିଙ୍କ ଦ୍ଵାରା ଏହାର କମିଶନ କରାଯାଇଥିଲା । ଏହି କାର୍ଯ୍ୟକ୍ରମରେ ଇନ୍ସପେକ୍ଟର ଜେନେରାଲ ଯୋଗିନ୍ଦର ଢାକା, ଟିଏମ୍, କୋଏସ୍ ମୁଖ୍ୟାଳୟ ପୂର୍ବ ସିବୋର୍ଡ ଅଧିକାରୀମାନେ ଉପସ୍ଥିତ ଥିଲେ ।

ଅଦମ୍ୟ ହେଉଛି ପ୍ରଥମ ICG ସ୍ୱଦେଶୀ ବିକଶିତ ଜାହାଜ । ଦୁଇଟି ନିୟନ୍ତ୍ରଣଯୋଗ୍ୟ ପିଚ୍ ପ୍ରୋପେଲର୍ (CPP) ଏବଂ ଗିଅରବକ୍ସ ସହିତ ସଜ୍ଜିତ, ଯାହା ସମୁଦ୍ରରେ ଉତ୍କୃଷ୍ଟ ଗତି, କାର୍ଯ୍ୟକ୍ଷମ ନମନୀୟତା ଏବଂ ଉନ୍ନତ କାର୍ଯ୍ୟଦକ୍ଷତା ପ୍ରଦାନ କରେ । ୫୧ ମିଟର ଲମ୍ୱ ଓ ୮ ମିଟର ପ୍ରସ୍ତ ବିଶିଷ୍ଟ ଏହି ଜାହାଜ ଏଫପିଭିକୁ ମେସର୍ସ ଗୋଆ ସିପୟାର୍ଡ ଲିମିଟେଡ ଦ୍ୱାରା ସ୍ୱଦେଶୀ ଭାବରେ ଡିଜାଇନ୍ ଏବଂ ନିର୍ମାଣ କରାଯାଇଛି । ଏହା "ଆତ୍ମନିର୍ଭର ଭାରତ"ର ଏକ ଉପଯୁକ୍ତ ଉଦାହରଣ ଯାହା ସରକାରଙ୍କ 'ମେକ୍ ଇନ୍ ଇଣ୍ଡିଆ' ପ୍ରୟାସ ଅଧୀନରେ ଭାରତର ସାମୁଦ୍ରିକ ଶକ୍ତିକୁ ସୁଦୃଢ଼ ​​କରିବ ।

ଅଧିକ ପଢନ୍ତୁ | ବନ୍ଦ ବିଦ୍ୟାଳୟକୁ ଖୋଲୁଛନ୍ତି ରାଜ୍ୟ ସରକାର, ଏବେ ସୁଦ୍ଧା ଖୋଲିଲାଣି ୪୬ଟି ପ୍ରାଥମିକ ସ୍କୁଲ୍

ଏହି ଜାହାଜଟି ଓଡ଼ିଶାର ପାରାଦୀପରେ ଅବସ୍ଥିତ କୋଷ୍ଟଗାର୍ଡ ଜିଲ୍ଲା ମୁଖ୍ୟାଳୟ ନମ୍ବର 7 (ଓଡ଼ିଶା) କମାଣ୍ଡରଙ୍କ ମାଧ୍ୟମରେ କମାଣ୍ଡର, କୋଷ୍ଟଗାର୍ଡ ରିଜିଅନ (ଉତ୍ତର ପୂର୍ବ)ଙ୍କ ପରିଚାଳନାଗତ ଏବଂ ପ୍ରଶାସନିକ ନିୟନ୍ତ୍ରଣରେ ରହିବ । କମାଣ୍ଡାଣ୍ଟ (JG) ଅନୁରାଗ ପାଣ୍ଡେଙ୍କ ନେତୃତ୍ୱରେ ପରିଚାଳିତ ହେବା ସହ ଏଥିରେ ୫ ଜଣ ଅଧିକାରୀ ଏବଂ 34 ଜଣ କର୍ମଚାରୀ ଅଛନ୍ତି। ICGS ଅଦମ୍ୟ ର କମିଶନିଂ ଭାରତୀୟ କୋଷ୍ଟଗାର୍ଡର ବହୁବିଧ ସାମୁଦ୍ରିକ କାର୍ଯ୍ୟ ନିର୍ବାହ କରିବା ।