ବୋହୁକୁ ପିଟିପିଟି ହତ୍ୟା କଲେ ଶଶୁର ଘର ଲୋକ। ଏପରି ଅଭିଯୋଗ ଆସିଛି ବଲାଙ୍ଗୀ ଜିଲ୍ଲା ପାଟଣାଗଡ ଅଞ୍ଚଳରେ । ଯୌତୁକ କାରଣରୁ ବୋହୁକୁ ହତ୍ୟା କରାଯାଇଥିବା ପାଟଣାଗଡ ଥାନାରେ ଅଭିଯୋଗ ହୋଇଛି ।

ଯୌତୁକ ନିର୍ଯ୍ୟାତନା ଦିନକୁ ଦିନ କମିବା ପରିବର୍ତ୍ତେ ବଢିବାରେ ଲାଗିଛି । ଲୋକେ ଯେତେ ଶିକ୍ଷିତ ହେଲେ ମଧ୍ୟ ଯୌତୁକ ଦାବିରେ ଆଜିବି ବୋହୁକୁ ଶାରୀରିକ ତଥା ମାନସିକ ନିର୍ଯ୍ୟାତନା ଦେଉଛନ୍ତି । ଯାହାଦ୍ଵାରା କେଉଁଠି ବୋହୁ ନିଜେ କଷ୍ଟ ଯନ୍ତ୍ରଣା ସହି ନପାରି ଆତ୍ମହତ୍ୟା କରୁଥିବା ବେଳେ ଆଉ କେଉଁଠି ପରିବାର ଲୋକେ ନିଜ ବୋହୁକୁ ହତ୍ୟା କରିବାକୁ ପଛାଉ ନାହାନ୍ତି ।

ପାଟଣାଗଡ ଅଞ୍ଚଳରେ ଏକ ପରିବାର ଯୌତୁକ ପାଇଁ ନିଜ ବୋହୁକୁ ପିଟି ପିଟି ମାରିଥିବା ଅଭିଯୋଗ ହୋଇଛି । ଅଭିଯୋଗ କରିଛନ୍ତି ମୃତ ଝିଅର ବାପା । ତାଙ୍କ ବାପାଙ୍କ ଅଭିଯୋଗ ପରେ ପୋଲିସ ଏ ନେଇ ଏକ ମାମଲା ରୁଜୁ କରିଛି । ପାଟଣାଗଡ ପୋଲିସ ଗାଁରେ ପହଞ୍ଚି ପ୍ରଥମେ ଅଭିଯୁକ୍ତ ସ୍ବାମୀ ଆଲୋକ ସାହୁ କୁ ଥାନାରେ ଅଟକ ରଖି ପଚରାଉଚରା ଜାରି ରଖିଛି ।