ଭୁବନେଶ୍ୱରରେ ମେଗା ନିଯୁକ୍ତି ମେଳା । ୫ଟି ବିଭାଗରେ ୮୧୨ ନବ ନିଯୁକ୍ତ ଅଧିକାରୀ ଓ କର୍ମଚାରୀ ଚାକିରି ପାଇଛନ୍ତି। ସେମାନଙ୍କୁ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ । ମାଲିକ ନୁହେଁ ବରଂ ଜଣେ ସେବା ଅଧିକାରୀ ଭାବେ କରିବାକୁ ମୁଖ୍ୟମନ୍ତ୍ରୀ ନବ ନିଯୁକ୍ତ ମାନଙ୍କୁ କହିଛନ୍ତି ।

ଉଭୟ ସରକାରୀ ଓ ବେସରକାରୀ ମିଶାଇଲେ ସରକାର ଗତ ୯ ମାସରେ ୫୨,୦୦୦ ଲୋକଙ୍କୁ ନିଯୁକ୍ତି ମିଳି ସାରିଛି। ଯେଉଁଥିରେ ପ୍ରାଇଭେଟ ସେକ୍ଟରରେ ୨୭,୦୦୦ ସଂଖ୍ୟା ରହିଛି। ରାଜ୍ୟରେ ଦୁଇ ଲକ୍ଷ ସରକାରୀ ଚାକିରି ଖାଲି ପଡିଥିଲା । ରାଜ୍ୟର ମୁଖ୍ୟ ସେବକ ହିସାବରେ ନିଯୁକ୍ତି ଦାୟିତ୍ୱ ମୁଖ୍ୟମନ୍ତ୍ରୀ ନେଇଥିବା ଜଣାଇଥିଲେ । ନିଯୁକ୍ତି ପ୍ରକ୍ରିୟାରେ ସ୍ଵଛତା ରହିବା ପାଇଁ ସରକାର ବଦ୍ଧ ପରିକର। ଯେଉଁ ସ୍ଥାନରୁ ଏ ବାବଦରେ ତ୍ରୁଟି ଆସିବ ସେମାନଙ୍କୁ ସିଧା ଜେଲ ବୋଲି ଦୃଢ଼ତାର ସହ ସ୍ପଷ୍ଟୀକରଣ ରଖିଲେ ମୋହନ। ବିଧାନସଭାରେ ମଧ୍ୟ ଏ ବାବଦରେ ଆଲୋଚନା ହୋଇଛି।

ପରୀକ୍ଷାରେ ଯେଉଁମାନେ ଧନ୍ଦା କରିବାକୁ ଚାହୁଁଥିଲେ ସେମାନଙ୍କ ଉପରେ ଖଣ୍ଡା ଝୁଲୁଛି, ତେଣୁ ସଚେତନ ଓ ସ୍ଵଛ ହୁଅନ୍ତୁ। ଏଥର ମାଟ୍ରିକ ପରୀକ୍ଷା ପ୍ରଶ୍ନପତ୍ର ଲିକ ହୋଇନାହିଁ। ଯାହା ସରକାରର ସ୍ଵଛତାର ପ୍ରମାଣ ଦେଉଛି। ପୂର୍ବରୁ ପ୍ରଶ୍ନପତ୍ର ଫେସବୁକ ସୋସିଆଲ ମିଡିଆରେ ଘୁରି ବୁଲୁଥିଲା, ଯାହା ଚଳିତ ଥର ହୋଇନାହିଁ ବୋଲି ମୁଖ୍ୟମନ୍ତ୍ରୀ କହିଛନ୍ତି । ସରକାର ଯାହା ପ୍ରତିଶ୍ରୁତି ଦେଇଥିଲେ ତାହା ଧିରେ ଧିରେ ପୁରଣ ହେଉଛି। ପ୍ରଥମ ୨ ବର୍ଷରେ ସରକାରୀ ସ୍ତରରେ ଖାଲି ଥିବା ୬୫,୦୦୦ ପଦବୀ ପୂରଣ ହେବ। ଯେଉଁଥିରୁ ବର୍ତ୍ତମାନ ସୁଦ୍ଧା ୨୫,୦୦୦ ନିଯୁକ୍ତି ଦିଆଯାଇଛି ।