ନିଆଁରା ପରମ୍ପରା ନିଆଁରା ବାହାଘର l ଯଜ୍ଞ କୁଣ୍ଡରେ ଜଳୁଛି ହୋମ ନିଆଁ, ପଡୁଛି ହାତଗଣ୍ଠି । ବାଜୁଛି ବାଜା ଓ ଶଙ୍ଖ ସହ ହୁଳୁହୁଳିରେ ପ୍ରକମ୍ପିତ ହେଉଛି ପରିବେଶ । ତୁହାକୁ ତୁହା ଚାଲିଛି ବ୍ରାହ୍ମଣଙ୍କ ମନ୍ତ୍ର ଧ୍ୱନି । ସମ୍ପୂର୍ଣ୍ଣ ପାରମ୍ପରିକ ରୀତିନୀତିରେ ଚାଲିଛି ବାହାଘର । ତେବେ ଏ କୌଣସି ମଣିଷ ବାହାଘର ନୁହେଁ ଉଭୟ ବର କନ୍ୟା ପକ୍ଷ ଥାଇ ଚାଲିଛି ଗଛ ବାହାଘର ।ଦୁଇଟି ବୃକ୍ଷର ହୋଇଛି ଶୁଭ ପରିଣୟ l ଗ୍ରାମବାସୀଙ୍କ ପକ୍ଷରୁ ହିନ୍ଦୁ ରୀତିନୀତି ଅନୁଯାୟୀ ବର ଏବଂ ୱସ୍ତ ଗଛର ଶେଷ ହୋଇଛି ଶୁଭ ପରିଣୟ l ବନ୍ତ ବ୍ଲକ ଆପଣ୍ଡାରୁ ଆସିଛି ବୃକ୍ଷ ବିବାହର ନିଆଁରା ଦୃଶ୍ୟ l ଆପଣ୍ଡା ଗାଁ ନିକଟ ମାଆ ଜାଗୁଳାଇଙ୍କ ପୀଠ ନିକଟରେ ବର ସହ ୱସ୍ତ ଗଛକୁ ବୈଦିକ ରୀତିନୀତିରେ ବିବାହ କରାଯାଇଛି l ୧୨ବର୍ଷ ପୂର୍ବେ ଗ୍ରାମର ସୂର୍ଯ୍ୟମଣି ମହାନ୍ତିଙ୍କ ଜ୍ୟେଷ୍ଠ ପୁତ୍ର ଆନନ୍ଦ ମହାନ୍ତି ତାଙ୍କ ଜନ୍ମ ଦିନରେ ବର ଏବଂ ଅଶ୍ଵସ୍ତ ଗଛ ଲଗାଇଥିଲେ ଆଉ ଏହି ବୃକ୍ଷ ଦୁଇଟିର ବିବାହ କାର୍ଯ୍ୟ ଆଜି ସମ୍ପନ୍ନ ହୋଇଛି । ଅଶ୍ୱସ୍ଥ(କନ୍ୟା) ପକ୍ଷରୁ ପ୍ରତାପ ମଲ୍ଲିକ ଏବଂ ତାଙ୍କ ପତ୍ନୀ ରଶ୍ମିତା ମଲ୍ଲିକ ଓ ବର ଗଛ ପକ୍ଷରୁ ଆନନ୍ଦ ଚନ୍ଦ୍ର ମହାନ୍ତି ଏବଂ ତାଙ୍କ ପତ୍ନୀ ଲିପିନି ରାଉତ୍ କର୍ତ୍ତା ଭାବେ ଦାୟିତ୍ଵ ନିର୍ବାହ କରିଥିଲେ l

ହିନ୍ଦୁ ସାସ୍ତ୍ର ଅନୁଯାୟୀ ସାଧାରଣତଃ ମଣିଷ ବିବାହ ସମୟରେ ଯେଉଁ ସବୁ ରୀତିନୀତି ରହିଥାଏ ସେସବୁ ରୀତିନୀତି ଅନୁଯାୟୀ ପୁରୋହିତଙ୍କ ଉପସ୍ଥିତିରେ ଅନୁଷ୍ଠିତ ହୋଇଛି ଏହି ନିଆଁରା ବିବାହ ଘର l ବିବାହ ଘର ରୀତିନୀତି ଅନୁଯାୟୀ ହୋଇଥିବା ବେଳେ ଆନନ୍ଦ ଏବଂ ପ୍ରତାପଙ୍କ ମଧ୍ୟରେ ଅନୁଷ୍ଠିତ ହୋଇଥିଲା ସମୁଦୀ ମିଳନ l ଖାଲି ବିବାହ କାର୍ଯ୍ୟ ଶେଷ ହୋଇନି ଭୋଜି ଭାତର ମଧ୍ୟ ଆୟୋଜନ ହୋଇଚି l ଆଉ ସମସ୍ତେ ଏହି ନିଆଁରା ବହାଘରକୁ ଖୁବ୍ ପ୍ରସଂଶା କରିବା ସହ ଠିକ୍ ଏହି ଭଳି ବୃକ୍ଷ ପ୍ରତି ସଭିଙ୍କର ଭଲ ପାଇବା ରହିବା ନିତ୍ୟାନ୍ତ ଆବଶ୍ୟକ ବୋଲି ପ୍ରତିକ୍ରିୟା ରଖିଛନ୍ତି l ସେପଟେ ବିବାହ ସମୟରେ ରାମ ନାମ ଧ୍ଵନୀ ପ୍ରକମ୍ପିତ ହେବା ସହ ସୃଷ୍ଟି ହୋଇଥିଲା ଭକ୍ତିମୟ ପରିବେଶ l

ପରିବେଶ ଏବଂ ଗଛ ଲତା ଦିନକୁ ଦିନ ବିଲୁପ୍ତ ହୋଇପଡୁଥିବା ବେଳେ ହିନ୍ଦୁ ଶାସ୍ତ୍ର ମଣିଷ ସମାଜ ଠାରୁ ଆରମ୍ଭ କରି ଜୀବଜନ୍ତୁ ଓ ବୃକ୍ଷ ଲତା ପର୍ଯ୍ୟନ୍ତ ପ୍ରତ୍ୟେକଙ୍କୁ ସମ୍ମାନ ଦେବା ପାଇଁ ଆହ୍ବାନ ଦେଇଛି l ଯାହାର ଉଦାହରଣ ହେଉଚି ବର ଓ ୱସ୍ତ ଗଛର ନିଆଁରା ବିବାହ ପରମ୍ପରା l