ଭୁବନେଶ୍ଵର: ଜେଲ୍‌ରେ ଜେରା କରିବ ଆୟକର ବିଭାଗ । ହଂସିତା ଓ ଅନିଲ ଠକ ଯୋଡ଼ିଙ୍କ ଠାରୁ ବାହାର କରିବ ସତ । ଚର୍ଚ୍ଚିତ ଠକ ଯୋଡ଼ି ହଂସିତା ଅଭିଲିପ୍ସା ଓ ଅନିଲ ମହାନ୍ତିଙ୍କ ଲାଗି ବଢ଼ିଛି ଅଡ଼ୁଆ । ଝାରପଡ଼ା ଜେଲ୍‌ରେ ଉଭୟଙ୍କୁ ୬ ଘଣ୍ଟା ପଚରାଉଚରା ପାଇଁ ଆୟକର ବିଭାଗକୁ ମିଳିଛି ଅନୁମତି ।

ହଂସିତା ଅଭିଲିପ୍ସା ଓ ଅନିଲ ମହାନ୍ତିଙ୍କ ଅଡୁଆ ବଢ଼ୁଛି । ଦୁଇ କରିତକର୍ମା ଯୋଡ଼ିଙ୍କୁ ଜେଲ୍‌ରେ ଜେରା କରିବ ଆୟକର ବିଭାଗ । ଆସନ୍ତାକାଲି ୩ ତାରିଖରେ ଜେରା କରିବାକୁ ଅନୁମତି ଦେଇଛନ୍ତି ଜେଏମ୍‌ଏଫ୍‌ସି କୋର୍ଟ । ହଂସିତା ଓ ଅନିଲକୁ ଜେଲ୍‌ରେ ଜେରା ପାଇଁ ଆବେଦନ କରିଥିଲା ଆୟକର ବିଭାଗ ।

ଆୟକର ବିଭାଗ ଆବେଦନର ଶୁଣାଣି କରି ଗୋଟିଏ ଦିନ ଜେରା କରିବାକୁ ଅନୁମତି ଦେଇଛନ୍ତି କୋର୍ଟ । ଆସନ୍ତାକାଲି ଦିନ ୧୦ଟାରୁ ଅପରାହ୍‌ଣ ୪ଟା ପର୍ଯ୍ୟନ୍ତ ଆୟକର ବିଭାଗର ଟିମ୍ ପର୍ଯ୍ୟାୟ କ୍ରମେ ଠକ ଯୋଡ଼ିଙ୍କୁ ଜେରା କରିବ ।

ଏନେଇ ଜେଏମ୍‌ଏଫ୍‌ସି କୋର୍ଟ ଅନୁମତି ଦେଇଥିବା ବେଳେ ଆୟକର ବିଭାଗର ଅଧିକାରୀମାନେ ସ୍ୱତନ୍ତ୍ର ପ୍ରଶ୍ନାବଳୀ ପ୍ରସ୍ତୁତ କରିଛନ୍ତି । ପ୍ରଥମେ ହଂସିତା ଓ ଅନିଲକୁ ଅଲଗା ଅଲଗା ଜେରା କରିବେ ଅଧିକାରୀ । ପରେ ସେମାନଙ୍କୁ ମୁହାଁମୁହିଁ ବସାଇ ଜେରା କରାଯିବ ବୋଲି ସୂଚନା ମିଳିଛି ।