ସମ୍ବଲପୁର: ପୂର୍ବତନ ମନ୍ତ୍ରୀ ସ୍ଵର୍ଗତ ନବ ଦାସଙ୍କ ଭାଇଙ୍କ ଘରେ ଚଢ଼ାଉ କରିଛି ଆୟକର ବିଭାଗ । ନବଙ୍କ ଭାଇ ବ୍ରଜ କିଶୋର ଦାସଙ୍କ ଘରେ ଆଇଟି ରେଡ୍ କରିଛି । ସମ୍ବଲପୁର ସିଟି ଷ୍ଟେସନ ନିକଟସ୍ଥ ଭଡା ଘରେ ଭୋର ସମୟରୁ ଜାରି ରହିଛି ଆୟକର ବିଭାଗ ଚଢ଼ାଉ ।

ଆୟକର ବିଭାଗର ୨ଟି ଟିମ୍ ଆସି ବ୍ରଜଙ୍କ ଘର, ଅଫିସ୍‌ରେ ଚଢ଼ାଉ କରୁଛି । ଆୟକର ଫାଙ୍କିବା ଅଭିଯୋଗରେ ଏହି ଚଢ଼ାଉ କରାଯାଇଥିବା ସୂଚନା ମିଳିଛି । ବ୍ରଜ ଦାସଙ୍କ ସହ ରାଜ୍ୟର ୨୦ଟି ସ୍ଥାନରେ ଆୟକର ବିଭାଗ ଚଢ଼ାଉ ଜାରି ରଖିଛି । ତେବେ ଆୟକର ବିଭାଗର ଚଢ଼ାଉ ନେଇ ବ୍ରଜ କିମ୍ବା ପରିବାର ସଦସ୍ୟଙ୍କ ପ୍ରତିକ୍ରିୟା ମିଳି ପାରିନି ।