ଅର୍ଗସ ବ୍ୟୁରୋ: ସବୁଠି ଓଡିଆଙ୍କ ଦବଦବା । ବିଶ୍ୱ ଦରବାରରେ ବଢୁଛି ଓଡିଆଙ୍କ ଦବଦବା । ଓଡ଼ିଶା ବିକଶିତ ହେଲେ ଭାରତ ବିକଶିତ ହେବ । ଦକ୍ଷ ପ୍ରଶିକ୍ଷକ ବାହାରିଲେ ପିଲାଙ୍କ ଦକ୍ଷତା ବଢ଼ିବ । ଆଗାମୀ ଦିନରେ ଆମ ଓଡିଆ ପିଲା ଚାକିରି ଦେବେ । ଧର୍ମପଦ ହେବେ । ନୂଆ କୋଣାର୍କ ଦେବେ ।

ଆଜି ଏପରି କହି ଛାତ୍ରଛାତ୍ରୀଙ୍କ ମନୋବଳ ଦୃଢ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । କିଛି ସମୟ ପାଇଁ କେନ୍ଦ୍ରମନ୍ତ୍ରୀଙ୍କ ଭାଷଣ ପିଲାମାନଙ୍କ ମନରେ ଏକ ଅଭୂତ ପୂର୍ବ ଉତ୍ସାହ ଭରି ଦେଇଥିଲା । ପିଲାଙ୍କ ମନରେ ଏକ ଜୋସ୍ ଆସିଥିଲା । ପାଠ ପଢି ଚାକିରି କରି ନିଜ ପାଇଁ ଓଡିଆ ଜାତି ପାଇଁ କିଛି କରି ଦେଖାଇବାର ଇଚ୍ଛା ଛାତ୍ରଛାତ୍ରୀଙ୍କ ସ୍ୱରରେ ସ୍ପଷ୍ଟ ବାରି ହୋଇପଡୁଥିଲା । କର ତାଳିରେ ଫାଟି ପଡୁଥିଲା ପୁରା ଅଞ୍ଚଳ ।

ଜଟଣୀର ପଦନପୁରରେ NSTIର ଭିତ୍ତିପ୍ରସ୍ତର ସ୍ଥାପନ ସମୟରେ ଆଗକୁ ବଢ଼ି ଚାକିରି ଦେବାର ମାନସିକତା ରଖିବାକୁ ପିଲାଙ୍କୁ ଆହ୍ବାନ ଦେଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ଆଜିର ସିଶୁ କାଲିର ଭବିଷ୍ୟତ । ଆମ ଗହଣରେ ଉପସ୍ଥିତ ପିଲା ଆଗାମୀ ଦିନରେ ଦେଶର ପ୍ରଧାନମନ୍ତ୍ରୀ ହୋଇପାରନ୍ତି । ରାଜ୍ୟର ମୁଖ୍ୟମନ୍ତ୍ରୀ ବି ହୋଇପାରନ୍ତି । ଏଟି ଅସମ୍ଭବ କିଛି ବି ନୁହେଁ । ଚେଷ୍ଟା କଲେ ସବୁ ସମ୍ଭବ । ଜଣେ ସାଧାରଣ ଘରର ମଣିଷ ବି ଶ୍ରେଷ୍ଠ ଆସନରେ ବସି ପାରେ । ଦେଶର ନେତୃତ୍ତ୍ୱ ନେଇପାରେ । ଯାହାକୁ ପ୍ରମାଣ କରିଛନ୍ତି ଖୋଦ ପ୍ରଧାନମନ୍ତ୍ରୀ ଓ ରାଷ୍ଟ୍ରପତି।

ସମୟ ବଦଳୁଛି । ପାରିପାର୍ଶ୍ୱିକ ପରିସ୍ଥିତି ବଦଳୁଛି । ଲୋକେ ପରିବର୍ତ୍ତନକୁ ବି ଆପଣାଉଛନ୍ତି । ଆଗାମୀ ଦିନରେ ଏହି ଅଞ୍ଚଳର ପିଲା ରାଜ୍ୟ ନୁହେଁ, ଦେଶ ନୁହେଁ ଅନ୍ତରାଷ୍ଟ୍ରୀୟ ସ୍ତରରେ ନେତୃତ୍ତ୍ୱ ନେବେ ବୋଲି କହିଛନ୍ତି କେନ୍ଦ୍ରଶିକ୍ଷାମନ୍ତ୍ରୀ ।

Argus News | argus news | Odisha Latest News, Breaking News, Trending News, Live TV