ଇନ୍ଦୋର ଟ୍ରାନ୍ସପୋର୍ଟ ବ୍ୟବସାୟୀ ରାଜା ରଘୁବଂଶୀଙ୍କ ପତ୍ନୀଙ୍କ ଏବେ ବି କୌଣସି ଖୋଜ ଖବର ମିଳୁନାହିଁ । ୨୨ ମେ'ରେ ରାଜା ରଘୁବଂଶୀ ଓ ତାଙ୍କ ପତ୍ନୀ ସୋନମ୍ ସିଲଂକୁ ହନିମୁନ ପାଇଁ ଯାଇଥିଲେ । କିନ୍ତୁ ତା ପରେ ହଠାତ୍ ସେମାନେ ନିଖୋଜ ହୋଇଯାଇଥିଲେ । ଦୁଇ ଦିନ ପରେ ସେମାନଙ୍କ ଗାଡିକୁ ରାସ୍ତା କଡରୁ ଠାବ କରାଯାଇଥିଲା। ପରେ ରାଜା ରଘୁବଂଶୀଙ୍କ ମୃତ ଦେହ ଉଦ୍ଧାର କରାଯାଇଥିଲା । କିନ୍ତୁ ତାଙ୍କ ପତ୍ନୀ ସୋନମଙ୍କ ଏପର୍ଯ୍ୟନ୍ତ କୌଣସି ପତ୍ତା ମିଳୁନାହିଁ । ସୋନମଙ୍କ ରେନକୋଟ୍ ମିଳିଛି । ରାଜା ଓ ସୋନମଙ୍କ ବିବାହ ମେ ୧୧ରେ ହୋଇଥିଲା । ସେମାନେ ବେଙ୍ଗାଲୁରୁ ଦେଇ ଆସାମର ଗୌହାଟି ବୁଲିବାକୁ ପ୍ରଥମେ ପ୍ଳାନିଂ କରିଥିଲେ । କିନ୍ତୁ କେଉଁ ପରିସ୍ଥିତିରେ ସେମାନେ ସିଲଂ ବୁଲିବାକୁ ଗଲେ ସେ ନେଇ ପରିବାରପକ୍ଷରୁ ସନ୍ଦେହ ଉପୁଜିଛି ।