ଏଲପିଜି ସଙ୍କଟ ଭିତରେ ଦେଶରେ ବଢ଼ିଲା ଇଣ୍ଡକ୍ସନ ଚୁଲାର ଚାହିଦା । ବିଭିନ୍ନ ସହରରେ ଏଲପିଜି ସିଲିଣ୍ଡରର ଉପଲବ୍ଧତାକୁ ନେଇ ଚିନ୍ତା ବଢ଼ୁଥିବାରୁ ସାରା ଭାରତରେ ଇଣ୍ଡକ୍ସନ କୁକଟପର ଚାହିଦା ବହୁତ ବଢ଼ିଯାଇଛି । ଅନେକ ଅନଲାଇନ ପ୍ଲାଟଫର୍ମରେ ଇଣ୍ଡକ୍ସନ ଚୁଲା ଏବେ 'ଆଉଟ୍ ଅଫ୍ ଷ୍ଟକ୍' ହୋଇଯାଇଛି ।

ଏହି ଚାହିଦା ବୃଦ୍ଧି ପଛର ମୁଖ୍ୟ କାରଣ ହେଉଛି ଗ୍ୟାସ୍ ଏଜେନ୍ସି ବାହାରେ ଗ୍ରାହକଙ୍କ ଲମ୍ବା ଧାଡ଼ି । ଯଦିଓ ସରକାର ବ୍ୟବସାୟିକ ଗ୍ୟାସ୍ ବୁକିଂକୁ ସୀମିତ କରି ଘରୋଇ ଯୋଗାଣକୁ ଗୁରୁତ୍ୱ ଦେଉଛନ୍ତି, ତଥାପି ଲୋକଙ୍କ ମଧ୍ୟରେ ଭୟ ରହିଛି । ତେବେ ସରକାର ସ୍ପଷ୍ଟ କରିଛନ୍ତି ଯେ ଘରୋଇ ସିଲିଣ୍ଡରର ଅଭାବ ନାହିଁ ।

ବୁକିଂର ପ୍ରାୟ ଅଢ଼େଇ ଦିନ ମଧ୍ୟରେ ସିଲିଣ୍ଡର ଯୋଗାଇ ଦିଆଯାଉଛି । ପେଟ୍ରୋଲିୟମ ମନ୍ତ୍ରଣାଳୟର ଯୁଗ୍ମ ସଚିବ ସୁଜାତା ଶର୍ମା କହିଛନ୍ତି ଯେ ଭାରତର ଅଶୋଧିତ ତୈଳ ଯୋଗାଣ ସୁରକ୍ଷିତ ଅଛି । ଭାରତ ତା’ର ୭୦% ତୈଳ 'ହର୍ମୁଜ ପ୍ରଣାଳୀ' ବାହାରୁ ଆଣୁଛି। ସରକାରୀ ପଦକ୍ଷେପ ଦ୍ୱାରା ଏଲପିଜି ଉତ୍ପାଦନ ୨୫ ପ୍ରତିଶତ ବୃଦ୍ଧି ପାଇଛି । ଏଲପିଜି ସଙ୍କଟ ଭିତରେ ବଢ଼ିଲା ଇଣ୍ଡକ୍ସନ ଚୁଲାର ଚାହିଦା । 

ଓଡ଼ିଶା ସମେତ ସାରା ଦେଶରେ LPG ପାଇଁ ଲମ୍ବା ଧାଡ଼ି ଲାଗିଛି । ବାଣିଜ୍ୟିକ LPG ଅଭାବରୁ ହୋଟେଲ ଉପରେ ପଡିଛି ବଡ଼ ପ୍ରଭାବ । ଓଡ଼ିଶା ସମେତ ଦେଶର ବିଭିନ୍ନ ସ୍ଥାନରୁ ଆସିଲା ଲୋକେ ଗ୍ୟାସ୍‌ ପାଇଁ ଅପେକ୍ଷା କରିଥିବାର ଚିତ୍ର । କେତେକ ହୋଟେଲରେ ଜାଳେଣି ପାଇଁ କାଠ ବ୍ୟବହାର କରାଯାଉଛି । ଗ୍ୟାସ୍‌ ଅଭାବ ଯୋଗୁଁ ବଜାରରେ ଇଣ୍ଡକସନ ଚୁଲାର ବଢିଲା ଚାହିଦା । ଲୋକେ ଅଧିକ ମାତ୍ରାରେ କିଣୁଥିବାରୁ ବଜାରରେ ଏହାର ଅଭାବ ପରିଲକ୍ଷିତ ହେବାନେଇ ଆଶଙ୍କା କରୁଛନ୍ତି ବ୍ୟବସାୟୀ ।

LPG ଗ୍ୟାସ୍‌ ସିଲିଣ୍ଡର ପାଇଁ ଲାଗିଛି ଲମ୍ବା ଲାଇନ୍‌ । କେନ୍ଦ୍ରାପଡ଼ା ଜିଲ୍ଲା ରାଜକନିକା ଓ ଆଳି ବ୍ଲକ ରେ ରନ୍ଧନ ଗ୍ୟାସ କାର୍ଯ୍ୟାଳୟ ଆଗରେ ଲୋକଙ୍କ ଲମ୍ବା ଲାଇନ । କିଛି ଗ୍ୟାସ୍‌ ନେଉଛନ୍ତି ଆଉ କିଛି ବୁକିଂ ହୋଇଥିଲେ ବି ଫେରିକି ଯାଉଛନ୍ତି l ଲୋକଙ୍କ ଅଭିଯୋଗ, ଚଢ଼ା ଦରରେ ଗ୍ୟାସ୍‌ ବିକ୍ରି ହେଉଛି ।

ବାଲେଶ୍ବରରେ ହୋଟେଲ ଓ ରେଷ୍ଟୁରାଣ୍ଟଗୁଡ଼ିକରେ କାଠରେ ରୋଷେଇ ହେଉଛି । ଗ୍ୟାସର ବ୍ୟବହାର କରିବା ସମ୍ଭବ ହେଉନାହିଁ । ଗ୍ୟାସର ଅଳ୍ପ ବ୍ୟବହାର କିପରି କରାଯାଇ ରୋଷେଇ ହେବ ସେ ଦିଗରେ ଗୁରୁତ୍ବ ଦିଆଯାଉଛି । ଓଭାନର ବ୍ୟବହାର କରାଯାଉଛି । କାହିଁକି ନା ଏବେ LPG ସର୍ଟେଜ ଅଛି ବୋଲି ହୋଟେଲ ମାଲିକ କହିଛନ୍ତି ।

LPG ଗ୍ୟାସ୍‌ ଅଭାବ କାରଣରୁ ଇଣ୍ଡକ୍ସନ ଚୁଲା ପ୍ରତି ଲୋକଙ୍କ ଆଗ୍ରହ ବଢିଛି । ଇଲେକ୍ଟ୍ରୋନିସ ଦୋକାନରେ ଗ୍ରାହକମାନଙ୍କ ଭିଡ଼ ଦେଖିବାକୁ ମିଳିଛି । ଅନଲାଇନ ପ୍ଲାଟଫର୍ମରେ ଇଣ୍ଡକ୍ସନ ଚୁଲା ଆଉଟ୍‌ ଅଫ୍‌ ଷ୍ଟକ୍‌ ଥିବା ଦେଖାଉଛି ।