ଶିଳ୍ପ ସମୃଦ୍ଧ ହେବ ଓଡ଼ିଶା । ୧୨ ଜିଲ୍ଲାରେ ୨୭ ଟି ନୂଆ ଶିଳ୍ପ ପ୍ରକଳ୍ପ ପାଇଁ ଭିତ୍ତି ପ୍ରସ୍ତର ସ୍ଥାପନ କଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ରାଜ୍ୟକୁ ଆସିଲା ୨୫ ହଜାର୩୮୦ କୋଟି ଟଙ୍କାର ପୁଞ୍ଜିନିବେଶ । ସୃଷ୍ଟି ହେବ ୫୨ ହଜାରରୁ ଅଧିକ ନିଯୁକ୍ତି ସୁଯୋଗ । ଅନ୍ୟପଟେ ଏହି ଅବସରରେ ପୂର୍ବ ସରକାରଙ୍କୁ ଟାର୍ଗେଟ କରିଛନ୍ତି ମୁଖ୍ୟମନ୍ତ୍ରୀ । କହିଛନ୍ତି, ପୂର୍ବ ସରକାରରେ ମେକ ଇନ ଓଡିଶା କଲେ । କିନ୍ତୁ ସେଥିଲେ ଲକ୍ଷ୍ୟ ଥିଲା ଖଣିଜ ଭିତ୍ତିକ ଶିଳ୍ପ ସଂସ୍ଥାକୁ ଆଣିବା । କିନ୍ତୁ ତାହା ବି Mou ରେ ସୀମିତ ରହିଯାଉଥିଲା । Ground breaking ରେ ଅସଫଳ ହେଉଥିଲେ ପୂର୍ବ ସରକାର।

ବିଜେପି ସରକାର ୧୬ ମାସରେ ୧୬ ବୈଠକ କରି୨୬୯ ଶିଳ୍ପକୁ ଦିଆଗଲାଣି ମଞ୍ଜୁରୀ... ଏହା ଦ୍ବାରା ୬ଲକ୍ଷ ୧ ହଜାର କୋଟିର ପୁଞ୍ଜିନିବେଶ ଆସିବା ସହ ସୃଷ୍ଟି ହେବ ୩ ଲକ୍ଷ ୭୬ ହଜାର ନିଯୁକ୍ତି ସୁଯୋଗ । ତେବେ ବଡ଼ କଥା ହେଉଛି, ମାତ୍ର ୧୬୫ ଦିନ ଭିତରେ ଏଥିରୁ ୮୪ ଟି ଶିଳ୍ପ ପାଇଁ ଶିଳାନ୍ୟାସ ସାରିଲାଣି । ଏଥିରେ ରାଜ୍ୟକୁ ୨ ଲକ୍ଷ କୋଟିରୁ ଅଧିକ ଟଙ୍କାର ପୁଞ୍ଜିନିବେଶ ସହ ୧ ଲକ୍ଷ ୬୪ ହଜାର ନିଯୁକ୍ତି ସୁନିଶ୍ଚିତ ହୋଇପାରିଛି । ତେବେ ଏହା ଭିତରେ ବିଭିନ୍ନ କମ୍ପାନୀରେ ନିଯୁକ୍ତି ପାଇଥିବା ମୋଟ ୭୭ ହାଜର ୮୯୪ ଯୁବକ ଯୁବତୀଙ୍କ ମଧ୍ୟରୁ ୫୬ ହଜାର ୮୫୯ ଜଣ କେବଳ ଓଡ଼ିଆ । ଅର୍ଥାତ ୮୦ ପ୍ରତିଶତ ଓଡିଆ ଯୁବକଯୁବତୀ ନିଯୁକ୍ତି ପାଇଛନ୍ତି । 'ସ୍ପିଡ଼ ଅଫ ଡୁଇଂ ବିଜିନେସ' ଓ 'ଇଜ୍ ଅଫ ଡୁଇଂ ଇମ୍ପ୍ଲିମେଣ୍ଟେସନକୁ ଗୁରୁତ୍ଵ ଦେଇଛନ୍ତି ସରକାର ।

ପୂର୍ବ ବିୁଜେ଼ଡି ସରକାର ସମୟରେ ୨୦୧୬, ୨୦୧୮ ଏବଂ ୨୦୨୨ରେ ତିନି ତିନୋଟି ମେକ୍ ଇନ୍ ଓଡିଶା କନକ୍ଲେଭ ଆୟୋଜନ କରାଯାଇଥିଲା । ଯେଉଁଥିରେ ମେକ ଇନ ଓଡ଼ିଶା ୨୦୧୬ ରେ ୮୪ ଶିଳ୍ପ ପ୍ରସ୍ତାବ ଆସିଥିଲା । ଆଉ ଏହାଦ୍ବାରା ୨ ଲକ୍ଷ ୩୨ ହଜାର ୩୫ କୋଟିର ପୁଞ୍ଜି ନିବେଶ ଲକ୍ଷ୍ୟ ଥିଲା । କିନ୍ତୁ ସେଥିରୁ ମାତ୍ର ୫୮ ଶିଳ୍ପକୁ ଅନୁମୋଦନ ମିଳିଥିଲା ଓ ୨୭ ଶିଳ୍ପ କାମ ଆରମ୍ଭ କରିଥିଲେ । ହେଲେ କେବଳ ୪ ଶିଳ୍ପ ଉତ୍ପାଦନ ଆରମ୍ଭ କରିପାରିଥିଲେ ।

ସେହିପରି ମେକ ଇନ ଓଡ଼ିଶା ୨୦୧୮ ରେ ୨୦୨ ଶିଳ୍ପ ପ୍ରସ୍ତାବ ଆସିଥିଲା । ଏଥିରେ ୪ ଲକ୍ଷ ୨୩ ହଜାର ୧୧୫ କୋଟିର ନିବେଶ ଲକ୍ଷ୍ୟ ଥିଲା । ୧୦ ଶିଳ୍ପକୁ ଅନୁମୋଦନ ମିଳିଥିଲା । ୭୧ ଟି ଶିଳ୍ପର କାମ ଆରମ୍ଭ ହୋଇଥିଲା ଏବଂ ମାତ୍ର ୧୧ ଶିଳ୍ପ ଉତ୍ପାଦନ ଆରମ୍ଭ କରିପାରିଥିଲେ । ଆଉ ମେକ ଇନ ଓଡ଼ିଶା ୨୦୨୨ ଜରିଆରେ ୭୪୧ ଶିଳ୍ପ ପାଇଁ ଆଗ୍ରହ ପ୍ରସ୍ତାବ ମିଳିଥିଲା । ୧୦ ଲକ୍ଷ ୪୮ ହଜାର 807 କୋଟିର ପୁଞ୍ଜି ନିବେଶ ପ୍ରସ୍ତାବ ମିଳିଥିଲା । 10 ଲକ୍ଷ 37 ହଜାର 801 ନିଯୁକ୍ତି ସୃଷ୍ଟିର ଲକ୍ଷ୍ୟ ଥିଲା । କିନ୍ତୁ ବର୍ଷେ ଭିତରେ ମାତ୍ର 156 ବୃହତ ଶିଳ୍ପ ଆଂଶିକ ଓ ପୂର୍ଣ୍ଣ କାର୍ଯ୍ୟକ୍ଷମ ହୋଇପାରିଥିଲା ।