ଆଜି ଅନ୍ତର୍ଜାତୀୟ ବ୍ୟାଘ୍ର ଦିବସ । ନନ୍ଦନକାନନରେ ପାଳନ ହେବ ଅନ୍ତର୍ଜାତୀୟ ବ୍ୟାଘ୍ର ଦିବସ । ସ୍କୁଲ ଛାତ୍ରଛାତ୍ରୀମାନେ କାର୍ଯ୍ୟକ୍ରମରେ ଯୋଗଦେଇ ବ୍ୟାଘ୍ର ସୁରକ୍ଷା ପାଇଁ ସଚେତନ ହେବେ । ଏହାସହ ବ୍ୟାଘ୍ର ସୁରକ୍ଷାକାରୀଙ୍କୁ ସମ୍ମାନିତ କରାଯିବ । ଛୋଟ ପିଲାଙ୍କ କୁଇଜ୍ ପ୍ରତିଯୋଗିତା ସହ ଦସ୍ତଖତ ଅଭିଯାନ ମଧ୍ୟ ହେବ । ଏହା ସହ ଭିଡିଓଗ୍ରାଫି ପ୍ରତିଯୋଗିତା ମଧ୍ୟ କରାଯିବ । `X' ମାଧ୍ୟମରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଅନ୍ତର୍ଜାତୀୟ ବ୍ୟାଘ୍ର ଦିବସରେ ବନ୍ୟପ୍ରାଣୀ ଉତ୍ସାହୀମାନଙ୍କୁ, ବିଶେଷକରି ଯେଉଁମାନେ ବାଘ ସଂରକ୍ଷଣ ପ୍ରତି ଆଗ୍ରହୀ ସେମାନଙ୍କୁ ହାର୍ଦ୍ଦିକ ଶୁଭେଚ୍ଛା ଜଣାଇଛନ୍ତି ।

ଭାରତ ସରକାରଙ୍କ ସର୍ବାଙ୍ଗୀନ ସଂରକ୍ଷଣ ପ୍ରୟାସ ଯୋଗୁଁ, ଭାରତରେ ବିଶ୍ବ ବ୍ୟାଘ୍ର ସଂଖ୍ୟାର 70% ରୁ ଅଧିକ ଅଛନ୍ତି । ଓଡ଼ିଶା ବିରଳ ମେଲାନିଷ୍ଟିକ୍ ବାଘର ମଧ୍ୟ ଆବାସସ୍ଥଳ, ଏହା ଏମିତି ଏକ ପ୍ରଜାତି ଯାହା ଅନ୍ୟ କୌଣସି ସ୍ଥାନରେ ଦେଖାଯାଏ ନାହିଁ ବୋଲି କହିଛନ୍ତି ଧର୍ମେନ୍ଦ୍ର ପ୍ରଧାନ । ସେହିପରି ରାଜ୍ୟ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ ବି ସୋସିଆଲ ମିଡିଆ X ରେ ଶୁଭେଚ୍ଛା ଜଣାଇଛନ୍ତି । ସେ ଲେଖିଛନ୍ତି- ବାଘ କେବଳ ଆମର ଜାତୀୟ ପଶୁ ନୁହେଁ, ଏହା ହେଉଛି ଶକ୍ତି ଓ ସାହସର ପ୍ରତୀକ । ଭାରତରେ ବିଶ୍ବର ସର୍ବାଧିକ ସଂଖ୍ୟକ ବାଘ ଥିବା ବେଳେ ଓଡ଼ିଶା ସେଥିରେ ଏକ ପ୍ରମୁଖ ଭୂମିକା ଗ୍ରହଣ କରେ ।

ଆଜି ନନ୍ଦନକାନନ ପ୍ରାଣୀ ଉଦ୍ୟାନରେ ମଧ୍ୟ ବ୍ୟାଘ୍ର ଦିବସ ପାଳନ କରାଯିବ । ନନ୍ଦନକାନନରେ ୩ଟି ପ୍ରଜାତିର ବାଘ ଅଛନ୍ତି । ସାଧାରଣ ରଙ୍ଗ ନାଲି ବାଘ,ଧଳା ବାଘ,କଳା ମେଲାନିସ୍ଟିକ ବାଘ ରହିଛନ୍ତି । ଏ ନେଇ ଅନଲାଇନ ମାଧ୍ୟମରେ ଛାତ୍ର ଛାତ୍ରୀଙ୍କୁ ନେଇ କୁଇଜ ପ୍ରତିଯୋଗିତା ହୋଇଥିଲା । ସେମାନଙ୍କୁ ପୁରସ୍କୃତ କରାଯିବା ସହ ଜନ୍ତୁ ରକ୍ଷକ ମାନଙ୍କୁ ପୁରସ୍କୃତ କରାଯିବ । ନନ୍ଦନକାନରେ ବାଘମାନଙ୍କ ସଂଖ୍ୟା ଏବେ ୨୭ରେ ପହଞ୍ଚିଛି ।

ଅଧିକ ପଢ଼ନ୍ତୁ ଓଡ଼ିଶା ଖବର:

Argus News | argus news | -Argusnews Home: Odisha Latest News, Breaking News, Trending News, Live TV and more