ଭୁବନେଶ୍ଵର: ଭୁବନେଶ୍ୱରର ନୂଆ ଡିସିପି ଭାବେ ଦାୟିତ୍ୱ ଗ୍ରହଣ କରିଛନ୍ତି ଜଗମୋହନ ମୀନା । ଦାଯିଥ୍ଵ ଗ୍ରହଣ ପରେ ରାଜଧାନୀବାସୀଙ୍କୁ ସୁରକ୍ଷା ଦେବା ପ୍ରଥମ କାମ କହିଛନ୍ତି ନୂଆ ଡିସିପି । ‘ଅପରାଧ ତଦନ୍ତ, ଅଭିଯୁକ୍ତକୁ ତୁରନ୍ତ ଗିରଫ କରିବାକୁ ଗୁରୁତ୍ଵ ଦେଇଛନ୍ତି । ସାଧାରଣ ଲୋକଙ୍କ ପ୍ରତି ଯତ୍ନବାନ ହେବୁ ବୋଲି କହିଛନ୍ତି ।

ସିସିଟିଭି ସର୍ଭେଲାନ୍ସ ବଢ଼ାଯିବ, ସାଇବର ଥାନା ସୁଦୃଢ଼ କରାଯିବ । ପୋଲିସ ମେକାନିଜମକୁ ବୃଦ୍ଧି କରାଯିବ । ନବନିଯୁକ୍ତ କନଷ୍ଟେବଳଙ୍କୁ ବ୍ୟବହାର କରି ସିସିଟିଏନଏସ୍‌କୁ ସୁଦୃଢ଼ କରାଯିବ କହିଛନ୍ତି ନୂଆ ଡିସିପି । ଅପରାଧିଙ୍କୁ ଧରିବା ପାଇଁ ନୂଆ ଟେକ୍ନୋଲୋଜିକୁ ଗୁରୁତ୍ଵ ଦିଆଯିବ ।

ରାଜଧାନୀରେ ଆପାର୍ଟମେଣ୍ଟ ଲୁଟ୍ ରୋକିବାକୁ ନୂଆ ଟିମ ଗଠନ କରାଯିବ । ଟ୍ରାଫିକ ସମସ୍ୟା ଦୂର ପାଇଁ ସ୍ଵତନ୍ତ୍ର ରଣନୀତି ଆପଣା ଯିବ । ସାଧାରଣ ଲୋକଙ୍କ ସମସ୍ୟା ଦୂରୀକରଣ ପାଇଁ ଡିସିପି ତାଙ୍କ ନମ୍ବର ୮୨୮୦୩୩୮୩୦୨ ଜାରି କରିଛନ୍ତି । ଯେଉଁଥିରେ ଲୋକେ ହ୍ଵାଟ୍ସଆପ୍‌ ମାଧ୍ୟମରେ ଅଭିଯୋଗ କରି ପାରିବେ ବୋଲି କହିଛନ୍ତି ଡିସିପି ।

ଏସ୍ଆଇ, ଏଏସ୍ଆଇ କରୁଥିବା ତଦନ୍ତ ନିରପେକ୍ଷ ପାଇଁ ଚେଷ୍ଟା କରାଯିବ । ସେଥିପାଇଁ ତାଙ୍କ ଉପରେ ଏସିପି, ଏଡିସିପି ଗାଇଡ୍ ଭାବେ କାମ କରିବେ । ୧୧୨ ସେବାକୁ ତ୍ଵରିତ କରିବା ପାଇଁ କାମ କରିବୁ । ସାଇବର ଅପରାଧ ରୋକିବାକୁ ସାଇବର ଥାନାକୁ ଆହୁରି ସୁଦୃଢ଼ କରାଯିବ ବୋଲି କହିଛନ୍ତି ନୂଆ ଡିସିପି ଜଗମୋହନ ମୀନା । ସେହିଭଳି ବାହାର ଅପରାଧୀଙ୍କୁ ଧରିବା ଲାଗି ସିସିଟିଭି ସର୍ଭେଲାନ୍ସକୁ ବଢ଼ାଯିବ ।