ପ୍ରକାଶ ମିଶ୍ର ହେଲେ ମୁଖ୍ୟମନ୍ତ୍ରୀଙ୍କ ଉପଦେଷ୍ଟା

ଭୁବନେଶ୍ୱର: ମୁଖ୍ୟମନ୍ତ୍ରୀଙ୍କ ପରାମର୍ଶଦାତା ଭାବେ ନିଯୁକ୍ତ ହେଲେ ପୂର୍ବତନ ପୋଲିସ୍ ଡିଜି ପ୍ରକାଶ ମିଶ୍ର । ତାଙ୍କୁ କ୍ୟାବିନେଟ୍ ମନ୍ତ୍ରୀ ପାହ୍ୟା ପ୍ରଦାନ କରାଯାଇଛି । ରାଜ୍ୟପାଳ ଏନେଇ ନିଯୁକ୍ତି ପ୍ରଦାନ କରିଥିବା ବିଜ୍ଞପ୍ତି ପ୍ରକାଶ ପାଇଛି । କିଛିଦିନ ପୂର୍ବରୁ କମେଡି ଇନ ଖାକି ବହି ଲେଖି ଚର୍ଚ୍ଚାରେ ଥିଲେ ପ୍ରକାଶ ମିଶ୍ର ।

ନିଜ ଚାକିରୀ କାଳ ଏବଂ ଦୈନଦିନ ଜୀବନର କିଛି କଥାକୁ ଏହି ବହିରେ ନିଖୁଣ ଭାବରେ ଚିତ୍ରଣ କରିଛନ୍ତି ପ୍ରକାଶ ମିଶ୍ର । 179 ବିଶିଷ୍ଟ ଏହି ପୁସ୍ତକରେ ରହିଛି 10ଟି ଅଧ୍ୟାୟ । ଖରାପ ସ୍କୁଲ କ୍ୟାରିଅରରୁ IPS ହେବାର ଜୀବନଯାତ୍ରା ବିଷୟରେ ପୁସ୍ତକରେ ଲେଖିଛନ୍ତି ପ୍ରକାଶ ମିଶ୍ର । 10 ଟି ଅଧ୍ୟାୟରୁ ସବୁଠୁ ଚର୍ଚ୍ଚାରେ ରହିଛି ଦି ଅନ କିନୀ ବସ ଅଧ୍ୟ୍ୟୟ । ଯେଉଁଥିରେ ନାଁ ନନେଇ ନବୀନକୁ ଟାର୍ଗେଟ କରିଛନ୍ତି ପ୍ରକାଶ ମିଶ୍ର । କେମିତି ନବୀନ ଜଣେ ବିଚିତ୍ର ନେତା ବିଭିନ୍ନ ଉଦାହରଣ ଦେଇ ଲେଖିଛନ୍ତି । ରାଜ୍ୟ ସମ୍ଭଳିତ ଅନେକ ଗୁରୁତ୍ୱପୂର୍ଣ୍ଣ କଥାକୁ କେମିତି ହାଲକା ଭାବେ ନିଅନ୍ତି ନବୀନ । ନାଁ ନନେଇ ଏସବୁକୁ ଗୋଟି ଗୋଟି କରି ବଖାଣିଛନ୍ତି ।