ଖେଳୁଥିବା ବେଳେ ଅଘଟଣ, ନାବାଳକ ଛାତିରେ ପଶିଗଲା ଲୁହା ରଡ

ଲୁହା ରଡ଼ରେ ଝୁଲି ରହିଲା ୧୩ ବର୍ଷର ବାଳକ । ଏଭଳି ଅଘଟଣ ଘଟିଛି ଭୁବନେଶ୍ଵର ସ୍ଥିତ ନୟାପଲ୍ଲୀ ଅଞ୍ଚଳରେ । ରାଜଧାନୀରେ ବର୍ଷା ଝଡ ବେଳେ ଛାତ ଉପରେ ଖେଳୁଥିଲା ଏହି ନାବାଳକ । ଏହି ସମୟରେ ସାମାନ୍ୟ ଅସାବଧାନତା ହେତୁ ତଳକୁ ଖସି ପଡିଥିଲେ । ତଳେ ପଡିବା ସମୟରେ ତଳେ ଥିବା ମୁନିଆ ଲୁହା ରଡ ଛାତିରେ ପଶି ବେକ ବାଟେ ବାହାରିଯାଇଥିଲା । ଛାନିଆରେ ଚିତ୍କାର କରିଥିଲେ ନାବାଳକ । ପରେ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଂଚି ଉଦ୍ଧାର କରିଛି । ଏହାପରେ ସଙ୍ଗେସଙ୍ଗେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।