ଜଗନ୍ନାଥ ପ୍ରେମୀଙ୍କ ତୀବ୍ର ବିରୋଧ ପରେ ମୁଣ୍ଡ ନୁଆଁଇଲେ ମମତା । ଦୀଘା ଜଗନ୍ନାଥ ମନ୍ଦିର ଆଗରୁ ହଟିଲା ଜଗନ୍ନାଥ ଧାମ ଲେଖାଥିବା ସିଗ୍ନେଚର୍ । ଏନେଇ ସୋସିଆଲ୍ ମିଡ଼ିଆ ଏକ୍ସରେ ଭିଡିଓ ପୋଷ୍ଟ କରି ସୂଚନା ଦେଇଛନ୍ତି ବିଜେପି ମୁଖପାତ୍ର ଅମିତ ମାଲବ୍ୟ ।

ବିଭିନ୍ନ ମହଲରୁ ତୀବ୍ର ବିରୋଧ ପରେ ହଟିଲା ନାଁ । ପଶ୍ଚିମବଙ୍ଗ ସରକାର ଦୀଘାରେ ଥିବା 'ଜଗନ୍ନାଥ ଧାମ୍' ସାଇନ୍ ବୋର୍ଡକୁ ହଟାଇବାକୁ ବାଧ୍ୟ ହୋଇଛନ୍ତି ।

ସେପଟେ ବଳକା ଦାରୁରେ ମୂର୍ତ୍ତି ନିର୍ମାଣକୁ ମିଛ କହିଛନ୍ତି ଆଇନ ମନ୍ତ୍ରୀ । ମାତ୍ର ଅଢେଇ ଫୁଟ୍ ଉଚ୍ଚ ଦାରୁରେ ମୂର୍ତ୍ତି ନିର୍ମାଣ ଅସମ୍ଭବ। ମହାରଣା ସେବକଙ୍କ ସହ ଆଲୋଚନା ପରେ ଏହା ସ୍ପଷ୍ଟ ହୋଇଛି । ରାମକୃଷ୍ଣ ମହାପାତ୍ର ଏହା କହୁ କହୁ କହିଦେଇଥିବା ଜଣାଇଛନ୍ତି । ଭୁବନେଶ୍ବରର ସୁଦର୍ଶନ ମହରଣା ନିମ୍ବ କାଠରେ ମୂର୍ତ୍ତି ତିଆରି କରିଛନ୍ତି । ଏହି ମୂର୍ତ୍ତି ନେଇ ରାମକୃଷ୍ଣ ଦାସମହାପାତ୍ର ଦୀଘାରେ ଦେଇଛନ୍ତି । ମହାପ୍ରଭୁଙ୍କ ଦୈନନ୍ଦିନ କଣ କାର୍ଯ୍ୟ ରହିବ ଏନେଇ ରାଜ୍ୟର ସବୁ ଜଗନ୍ନାଥ ମନ୍ଦିରକୁ ଶ୍ରୀମନ୍ଦିର ପକ୍ଷରୁ ଖୁବଶୀଘ୍ର ମାର୍ଗ ଦର୍ଶିକା ଜାରି ହେବ ।

ଧାମ ଶବ୍ଦର ନାମ କେବଳ ଚାରି ଧାମରେ ଲାଗିବ । ଦୀଘାଠାରେ ମହାଦୋଧି ନାଁକୁ କାଟିବା ପାଇଁ ଜଣାଯିବ । ଯଦି ପଶ୍ଚିମବଙ୍ଗ ସରକାର ନମାନିଲେ ଆଇନ ଗତ ଆଶ୍ରୟ ନିଆଯିବ । ସେବାୟତ ମାନେ କେଉଁଠିକୁ ଯିବେ ନଯିବେ ମାର୍ଗଦର୍ଶିକା ଜାରି ହେବ । ଶ୍ରୀ ମନ୍ଦିର ଆକ୍ଟ ଅନୁଯାୟୀ ପୁଣି ୭ ଦିନ ଭିତରେ ଜଣାଇବା ପାଇଁ କୁହାଯାଇଛି । ସେଥିରେ ସନ୍ତୁଷ୍ଟ ନହେଲେ ଶ୍ରୀମନ୍ଦିର ପ୍ରଶାସନ ଦଣ୍ଡିତ କରିବ ବୋଲି କହିଛନ୍ତି ଆଇନ ମନ୍ତ୍ରୀ । ଆଜି ଦୀଘା ଜଗନ୍ନାଥ ମନ୍ଦିର ବିବାଦ ନେଇ ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନଙ୍କ ପ୍ରକୋଷ୍ଠରେ ବସିଥିଲା ଗୁରୁତ୍ବପୂର୍ଣ୍ଣ ବୈଠକ । ଉପସ୍ଥିତ ଥିଲେ ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢୀ ଓ ଅନ୍ୟ ଅଧିକାରୀ ।

Argus News | argus news | Odisha Latest News, Breaking News, Trending News, Live TV