ଯାଜପୁର: ଖାଲି ବବି କାହିଁକି କୋରେଇ ନିର୍ବାଚନ ମଣ୍ଡଳୀ ସଂଗଠନ କଥା ବୁଝୁଥିବା ବବିଙ୍କ ଭାଇ ଭବପ୍ରସାଦ ଦାସ ବା ଲଲ ମଧ୍ୟ ଏହି ମିଶ୍ରଣ ପର୍ବ ଅଟକାଇବାରେ ଅସମର୍ଥ । ଖାଲି ହୋଇଯାଉଛି ବିଜେପି ଭାଡି । ଦିନକୁ ଦିନ ଯାଜପୁରରେ ସତ୍ତା ହରାଉଛି ବିଜେଡି । ଯାଜପୁର ଜିଲ୍ଲା କୋରେଇ ନିର୍ବାଚନ ମଣ୍ଡଳୀର 15 ରୁ ଉର୍ଦ୍ଧ୍ବ ସରପଞ୍ଚ ଓ ସମିତିସଭ୍ୟଙ୍କ ସମେତ 300ରୁ ଉର୍ଦ୍ଧ୍ବ ଆଗଧାଡିର ନେତା ଓ କର୍ମୀ ବିଜେଡ଼ି ଛାଡ଼ି ବିଜେପିରେ ସାମିଲ ହୋଇଛନ୍ତି । ଯାହାକୁ ନେଇ ରାଜୈନିତକ ମହଲରେ ଚର୍ଚ୍ଚା ଜୋର୍ ।

କୋରାଇ ବିଧାୟକ ଆକାଶ ଦାସ ନାୟକଙ୍କ ନେତୃତ୍ୱରେ ଆୟୋଜିତ ଏହି ମିଶ୍ରଣ ପର୍ବ କାର୍ଯ୍ୟକ୍ରମରେ କୋରେଇ ବ୍ଲକର 28ଟି ପଞ୍ଚାୟତ ଓ ରସୁଲପୁର ବ୍ଲକ୍ ର 9ଟି ପଞ୍ଚାୟତର ବହୁ କର୍ମକର୍ତ୍ତା ଓ ସମର୍ଥକ କାର୍ଯ୍ୟକ୍ରମରେ ଯୋଗ ଦେଇଥିଲେ । ଯେଉଁଥିରେ ଅଧ୍ୟକ୍ଷତା କରି ଖୋଦ ଆକାଶ ଦାସ ନାୟକ କିଛନ୍ତି ଯେ କୋରେଇ ମାଟି କାହାର ଜାଗିର୍ ନୁହେଁ । କୋରେଇକୁ ଏକ ନମ୍ବର ନିର୍ବାଚନ ମଣ୍ଡଳୀରେ ପରିଣତ କରିବାକୁ ସେ ଦୃଢ ସଂକଳ୍ପ ବଦ୍ଧ ବୋଲି କହିଛନ୍ତି ।

ସେହିପରି ଖଣି, ପାଣି ଓ ଡାଲି ଚୋରି କରିଥିବା ବ୍ୟକ୍ତିଙ୍କ ଉପରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଜିଲ୍ଲା ବିଜେପି ସଭାପତି ଗୌତମ ରାୟ କହିଛନ୍ତି । ଯାଜପୁରକୁ ଲୁଣ୍ଠନ କରିଥିବା ବ୍ୟକ୍ତିମାନଙ୍କ ନେତୃତ୍ୱକୁ ଜିଲ୍ଲାବାସୀ ଭଲ ଭାବରେ ଜାଣିସାରିଛନ୍ତି । ଆଗାମୀ ଦିନରେ ସେମାନଙ୍କ ଭଦ୍ରମୁଖା ଖୋଲାଯିବ ବୋଲି କିହି ବିଜେଡି ଉପରେ ବର୍ଷିଛନ୍ତି ହିଂମାଶୁ ଶେଖର ସାହୁ ।

ତେବେ ଏହା ମିଶ୍ରଣ ନୁହେଁ ମହାମିଶ୍ରଣ ପର୍ବ । ଯେଉଁଥିରେ 5 ହଜାରରୁ ଉର୍ଦ୍ଧ୍ବ ବିଜେପି କର୍ମୀ ସାମିଲ ହୋଇଥିଲେ। ପ୍ରାୟ ହଜାରରୁ ଉର୍ଦ୍ଧ୍ୱ ବିଜେଡି କର୍ମୀ ବିଜେପିରେ ସାମିଲ ହୋଇଥିଲେ । ତେବେ ଗତ ନିର୍ବାଚନରେ ଏଠାରୁ ପ୍ରାର୍ଥୀ ହୋଇଥିଲେ ବବି ଦାସଙ୍କ ମା ସନ୍ଧ୍ୟାରାଣୀ ଦାସ । ଆଉ ଲୋକେ ମଧ୍ୟ ତାହାର ଉଚିତ୍ ଜବାବ ଦେଇଥିଲେ । ଆଉ ଏବେ ଏହି ମହାମିଶ୍ରଣ ପର୍ବ ବବିଙ୍କ ସାଂଗଠନିକ ଦକ୍ଷତାକୁ ଶକ୍ତ ଝଟକା ବୋଲି ଚର୍ଚ୍ଚା ଜୋର୍ ଧରିଛି ।