ଝାରସୁଗୁଡ଼ାରେ ହଠାତ ମାଡ଼ି ଆସିଲା ଖଣ୍ଡିଆ ଭୁତ... ସୁସୁ ଗର୍ଜନ କରି ପୋଲିସ କ୍ୟାମ୍ପ୍‌ ଠାରୁ ଟେଣ୍ଟ ସବୁ ଉଡ଼ାଇ ନେଇ ପଳାଇଲା । ଭୟରେ ଦଉଡ଼ିଲେ ପୋଲିସଙ୍କ ଠାରୁ ସ୍ଥାନୀୟ ଲୋକେ । ୧୦୦ ଫୁଟ ଉଚ୍ଚରେ ମାଡ଼ି ଆସିଥିଲା ଭୟଙ୍କର ଖଣ୍ଡିଆ ଭୁତ ।

ହଠାତ ଘୁରି ଘୁରି ମାଡ଼ି ଆସିଲା ଖଣ୍ଡିଆ ଭୂତ । ସମସ୍ତେ ଚିତ୍କାର କରି ଏଣେ ତେଣେ ଦୌଡ଼ିବାକୁ ଲାଗିଲେ। ତା ଆଗରେ ଯିଏ ଆସିଲା ତାକୁ ଉଡ଼ାଇ ନେଇ ପଳାଇଲା ଖଣ୍ଡିଆ ଭୁତ । ଏମିତି ଦୃଶ୍ୟକୁ ଦେଖି ଆତଙ୍କିତ ହୋଇପଡ଼ିଲେ ସ୍ଥାନୀୟ ଲୋକେ । ପୋଲିସଙ୍କ ଟେଣ୍ଟ ଆକାଶରେ ଉଡ଼ିଲା । ଏମିତି ଦୃଶ୍ୟ ଦେଖି ଦୌଡ଼ିଲେ ପୋଲିସଙ୍କ ଠାରୁ ପ୍ରଶାସନ । ଝାରସୁଗୁଡ଼ାରେ ପ୍ରକୃତିର କରାଳ ରୂପ ।

ଅଚାନକ ଆସିଛି ଆଉ ସବୁ କିଛି ଛାରଖାର କରିପକାଇଛି । ସମସ୍ତେ ଏମିତି ଦୃଶ୍ୟକୁ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ । ଏମିତି କିଛିଦୃଶୃ ଝାରସୁଗୁଡ଼ାରେ BCGCL ପ୍ରକଳ୍ପର ଉଦ୍‌ଘାଟନ ପୂର୍ବରୁ ଦେଖିବାକୁ ମିଳିଥିଲା । କ୍ଷଣିକରେ ସବୁ କିଛି ଉଡ଼ାଇ ନେଇ ପଳାଇଛି ।

ଧିରେ ଧିରେ ଆରମ୍ଭ ହୋଇଥିଲା ପବନ । ଆଉ ଏହା ପରେ ପବନ ଖଣ୍ଡିଆ ଭୁତର ରୂପ ଧାରଣ କରିଥିଲା । ଛୋଟରୁ ବିଶାଳ ରୂପରେ ପରିଣତ ହୋଇଥିଲା ଘୂର୍ଣ୍ଣୀ ଝଡ଼ । ସୁସୁ ଗର୍ଜନ କରି ଘୁରି ଘୁରି ଖାଇବା ଷ୍ଟଲ ଠାରୁ ପୋଲିସ ଟେଣ୍ଟ ସବୁକୁ ଉଡ଼ାଇ ଛିନଛତର କରିପକାଇଲା । ଲୋକ ଏମିତି ଦୃଶ୍ୟକୁ ପ୍ରଥମ ଥର ପାଇଁ ଦେଖୁଥିଲେ । ଯଦି ଦେଖିବା ଲଖନପୁର ବ୍ଲକ୍ ଅଢ଼ାପଡ଼ାଠାରେ BCGCL ପ୍ରକଳ୍ପର ଉଦ୍‌ଘାଟନୀ ଉତ୍ସବ ଆରମ୍ଭ ପୂର୍ବରୁ ଦେଖିବାକୁ ମିଳିଛି ଏହି ଭୟଙ୍କର ଦୃଶ୍ୟ ।

ଆକାଶ ପୁରା ସଫା ଥିଲା। କେହି ଭାବି ନଥିଲେକି ଏମିତି ହେବ । କିନ୍ତୁ ବାୟୁ ମଣ୍ଡଳରେ ଉଷ୍ମତା ବହୁତ ଅଧିକ ଥିଲା । ଆଉ ତାପରେ ଧିରେ ଧିରେ ପବନ ବହିବା ଆରମ୍ଭ ହୋଇଥିଲା । ଦେଖୁ ଦେଖୁ ପରବର୍ତ୍ତି ସମୟରେ ଏହି ପବନ ବିଶାଳ ଘୁର୍ଣ୍ଣୀ ଝଡ଼ରେ ପରିଣତ ହୋଇଗଲା। ଘୁରି ଘୁରି ସବୁ ଉଡ଼ାଇ ନେଲା ।

ଧୂଳି ଧୂଆଁ ସହ ପବନର ବେଗ ଏତେ ଅଧିକ ଥିଲା ଯେ, କିଛି ସମୟ ପାଇଁ ଆତଙ୍କିତ ହୋଇପଡ଼ିଲେ ସ୍ଥାନୀୟ ଲୋକେ ଏବଂ ପ୍ରଶାସନ । ପବନର ଶକ୍ତି ଏତେ ଥିଲା ଯେ ଲୁହାର ବିଶାଳ ଷ୍ଟ୍ରକ୍ଚର ଦୋହଲି ଯାଇଥିଲା। କିନ୍ତୁ ହଠାତ ଯେମିତି ଘୁର୍ଣ୍ଣୀ ଝଡ଼ ଆରମ୍ଭ ହୋଇଥିଲା ଠିକ୍‌ ସେମିତି ହଟାତ ଆକାଶରେ ମିଳେଇ ଗଲା । ଘୁର୍ଣ୍ଣୀ ଝଡ଼ର ଶକ୍ତି କ୍ଷୁର୍ଣ୍ଣ ହୋଇଗଲା । ଏହା ପରେ ପ୍ରଶାସନ ପୁଣିଥରେ ଉଦଘାଟନ ସ୍ଥଳକୁ ସଜାଡ଼ି BCGCL ପ୍ରକଳ୍ପର ଉଦ୍‌ଘାଟନ ହୋଇଥିଲା ।