Jharsuguda Fire / ଝାରସୁଗୁଡ଼ା ଭି-ମାର୍ଟ ସପିଂ ମଲରେ ଭୟାବହ ଅଗ୍ନିକାଣ୍ଡ

ଝାରସୁଗୁଡ଼ାରୁ ଆସିଛି ଏକ ବଡ଼ ଖବର... ସହର ଉପକଣ୍ଠ ସରବାହାଲ ଅଞ୍ଚଳରେ ହଠାତ୍ ଦେଖାଦେଇଛି ଭୟଙ୍କର ଅଗ୍ନିର ତାଣ୍ଡବ । ମୁହୂର୍ତ୍ତକ ମଧ୍ୟରେ ଆକାଶକୁ ଉଠିଥିବା କଳା ଧୂଆଁ ଓ ଲେଲିହାନ ଶିଖା ସ୍ଥାନୀୟ ଲୋକଙ୍କ ମନରେ ସୃଷ୍ଟି କରିଛି ଆତଙ୍କ । ଏକାସାଙ୍ଗରେ ଶଙ୍କର ଜୁଏଲର୍ସ ଓ ଭି-ମାର୍ଟ ସପିଂ ମଲ୍‌ରେ ଲାଗିଥିବା ନିଆଁ ଦେଖି ଘଟଣାସ୍ଥଳରେ ଲୋକଙ୍କ ଭିଡ଼ ଜମିଯାଇଥିଲା ।

ଖବର ପାଇବା ମାତ୍ରେ ଅଗ୍ନିଶମ ବିଭାଗର ଏକାଧିକ ଟିମ୍ ଓ ଦମକଳ ଗାଡ଼ି ପହଞ୍ଚି ନିଆଁକୁ ନିୟନ୍ତ୍ରଣ କରିବାକୁ ଯୁଦ୍ଧକାଳୀନ ଭିତ୍ତିରେ ଉଦ୍ୟମ ଜାରି ରଖିଛନ୍ତି । ପ୍ରାଥମିକ ସୂଚନା ଅନୁଯାୟୀ ଲକ୍ଷାଧିକ ଟଙ୍କାର ସମ୍ପତ୍ତି କ୍ଷତିଗ୍ରସ୍ତ ହୋଇଥିବା ଆଶଙ୍କା କରାଯାଉଛି । ନିଆଁର ପ୍ରକୃତ କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନଥିବା ବେଳେ ସର୍ଟ ସର୍କିଟ୍‌କୁ ସନ୍ଦେହ କରାଯାଉଛି । ସୁରକ୍ଷା ଦୃଷ୍ଟିରୁ ଆଖପାଖ ଅଞ୍ଚଳକୁ ଖାଲି କରାଯାଇଛି ଏବଂ ପୁଲିସ ସହ ପ୍ରଶାସନ ପରିସ୍ଥିତି ଉପରେ କଡ଼ା ନଜର ରଖିଛି । ଏହି ଭୟାବହ ଅଗ୍ନିକାଣ୍ଡକୁ ନେଇ ଏବେ ସମଗ୍ର ଝାରସୁଗୁଡ଼ାରେ ଚର୍ଚ୍ଚା ଜୋର ଧରିଛି ।

ଖବର ପାଇ ଘଟଣାସ୍ଥଳରେ ଏକାଧିକ ଦମକଳ ବାହିନୀର ଏକାଧିକ ଗାଡ଼ି ପହଞ୍ଚି ନିଆଁକୁ ଆୟତ୍ତ କରିବାକୁ ନିରନ୍ତର ଉଦ୍ୟମ ଜାରି ରଖିଛନ୍ତି । ନିଆଁ ଲାଗିବାର ସଠିକ୍ କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ସର୍ଟ ସର୍କିଟ୍‌ରୁ ଏହି ଅଗ୍ନିକାଣ୍ଡ ଘଟିଥିବା ସଂଦେହ କରାଯାଉଛି ।

ତେବେ ନିଆଁର ତୀବ୍ରତା ଅଧିକ ଥିବାରୁ ଏପର୍ଯ୍ୟନ୍ତ ଏହାକୁ ସମ୍ପୂର୍ଣ୍ଣ ଆୟତ୍ତ କରାଯାଇପାରି ନାହିଁ । ଅଗ୍ନିକାଣ୍ଡ ପରେ ସୁରକ୍ଷା ଦୃଷ୍ଟିରୁ ଆଖପାଖ ଅଞ୍ଚଳକୁ ଖାଲି କରାଯାଇଛି । ସ୍ଥାନୀୟ ଲୋକଙ୍କୁ ଘଟଣାସ୍ଥଳ ନିକଟକୁ ନଯିବାକୁ ପ୍ରଶାସନ ପରାମର୍ଶ ଦେଇଛି । ପୁଲିସ ମଧ୍ୟ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିବା ସହ ଭିଡ଼କୁ ନିୟନ୍ତ୍ରଣ କରୁଛି ।