ସାମ୍ବାଦିକଙ୍କୁ ହାତ ବାନ୍ଧି ଗାଁ ସମ୍ମୁଖରେ ନିସ୍ତୁକ ମାଡ଼

ବଲାଙ୍ଗୀର ସାମ୍ବାଦିକଙ୍କୁ ହାତ ବାନ୍ଧି ଗାଁ ସମ୍ମୁଖରେ ନିସ୍ତୁକ ମାଡ଼ ଅଭିଯୋଗ । ମୁଖ୍ୟ ଅଭିଯୁକ୍ତ ଜଣେ ବିଜେଡି ନେତା ତଥା ଠିକାଦାର ବୋଲି ଜଣାପଡିଛି। ସୂଚନା ଅନୁସାରେ ବଲାଙ୍ଗୀର ର ବରିଷ୍ଠ ସାମ୍ବାଦିକ ବିଜୟ କୁମାର ପ୍ରଧାନ ଏକ ଗାଁ କୁ ଖବର ସଂଗ୍ରହ କରିବାକୁ ଯାଇଥିଲେ। ସେଠି ସଂପୃକ୍ତ ଅଭିଯୁକ୍ତ ଠିକାଦାର ଗଜେନ୍ଦ୍ର ଦଳାଇ ଓ ତାଙ୍କ ଗୁଣ୍ଡା ମାନେ ବିଜୟଙ୍କୁ କାବୁ କରି ହାତ ବାନ୍ଧି ନିସ୍ତୁକ ମାଡ଼ ମାରିଥିଲେ। ଗ୍ରାମବାସୀ ଦେଖଣାହାରୀ ସାଜିଥିଲେ। ଅନ୍ୟପଟେ ଦୁଇ ଘଣ୍ଟାର ନିର୍ଯାତନା ପରେ ତାଙ୍କୁ ଏହି ଘଟଣା ପ୍ରଘଟ ନ କରିବା ପାଇଁ ଏକ ମନ୍ଦିରରେ ଶପଥ କରାଇ ଥିଲେ।

ତେବେ କୌଣସି ମତେ ବିଜୟ ସେଠାରୁ ଖସି ଆସିଥିଲେ। ମାମଲା ଥାନାରେ ପହଞ୍ଚି ଥିଲା। ମୁଖ୍ୟ ଅଭିଯୁକ୍ତ ତଥା ଠିକାଦାର ଗଜେନ୍ଦ୍ର ଦଳେଇ ଏବଂ ତାଙ୍କ ପୁତୁରା ଫେରାର ଅଛନ୍ତି । ପୁଇଁନ୍ତଳା ପୋଲିସ ଦୁଇ ଜଣଙ୍କୁ ଅଟକ ରଖି ଥିବା ସୂଚନା ମିଳିଛି । ଗତ ବିଧାନସଭା ନିର୍ବାଚନରେ ଲୋଇସିଂହା ବିଜେଡି ବିଧାୟକ ପ୍ରାର୍ଥୀ ନିହାର ରଞ୍ଜନ ବେହେରା ଙ୍କ ସହ ମୁଖ୍ୟ ଅଭିଯୁକ୍ତର ଏକ ଫୋଟୋ ବିଜେଡି ଲିଙ୍କ ନେଇ ସନ୍ଦେହ ତିଆରି କରିଛି ।