କୃଷି କ୍ଷେତ୍ରରେ ନିଜର ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିଛି କଳାହାଣ୍ଡି । କିଛି ବର୍ଷ ପୂର୍ବେ, ପଶ୍ଚିମ ଓଡ଼ିଶାର କୃଷିଜାତ ଦ୍ରବ୍ୟର ବିକ୍ରୟ କେବଳ ସ୍ଥାନୀୟ ମଣ୍ଡି ଓ ଆଞ୍ଚଳିକ ବଜାରରେ ସୀମିତ ଥିଲା। ଚାଷୀମାନେ ପାରମ୍ପରିକ ଚାଷ ପଦ୍ଧତି ଓ ବର୍ଷାଜଳ ଉପରେ ନିର୍ଭର କରି ନିଜର ଜୀବିକା ନିର୍ବାହ କରୁଥିଲେ... କିନ୍ତୁ ସାମ୍ପ୍ରତିକ ପରିସ୍ଥିତିରେ ଏସବୁଥିରେ ଆସିଛି ଏକ ଉଲ୍ଲେଖନୀୟ ପରିବର୍ତ୍ତନ । ବଜାର-ସଂଯୁକ୍ତ କ୍ରୟ, ରପ୍ତାନି ସୁବିଧା ଏବଂ କ୍ଲଷ୍ଟର-ଭିତ୍ତିକ କୃଷକ ଉତ୍ପାଦକ ସଂଗଠନ (FPO) ଗୁଡ଼ିକୁ ସୁଦୃଢ଼ କରିବା ଭଳି ପଦକ୍ଷେପ ଏହି ପ୍ରକ୍ରିୟାକୁ ଆହୁରି ତ୍ୱରାନ୍ୱିତ କରିଛି। ଫଳସ୍ୱରୂପ, ଆଜି ପଶ୍ଚିମ ଓଡ଼ିଶାର ଉତ୍ପାଦମାନ ବିଶ୍ୱସ୍ତରୀୟ ମାନଦଣ୍ଡ ରଖୁଥିବା ଆମ୍ବ ଓ ଡ୍ରାଗନ ଫ୍ରୁଟ ବିଦେଶୀ ଫଳ ବଜାରରେ ନିଜର ସ୍ୱତନ୍ତ୍ର ସ୍ଥାନ ସୃଷ୍ଟି କରିବା ସହ କଟା ଫୁଲ ଜାତୀୟ ଓ ଆନ୍ତର୍ଜାତୀୟ ବଜାରରେ ନିଜର ଉପସ୍ଥିତି ଜାହିର କରିଛି |

ଯାହାର ବଡ଼ ଉଦାହରଣ ହେଉଛି ଗୋଲାମୁଣ୍ଡା ବ୍ଲକର ଆଗ୍ରହୀ ଚାଷୀ ପ୍ରଡ୍ୟୁସର କମ୍ପାନୀ ଲିମିଟେଡ । ଯାହାକୁ ମନ କି ବାତ୍ ରେ ପ୍ରଶଂସା କରିଥିଲେ ପ୍ରଧାନମନ୍ତ୍ରୀ । ଏହି ସଂସ୍ଥା... ଜିଲ୍ଲାକୁ ଏକ ପନିପରିବା କେନ୍ଦ୍ରରେ ପରିଣତ କରିବାରେ ଗୁରୁତ୍ବପୂର୍ଣ୍ଣ ଭୂମିକା ନିର୍ବାହ କରିଛି ବୋଲି କହିଥିଲେ ପ୍ରଧାନମନ୍ତ୍ରୀ ।

ପୂର୍ବରୁ କଳାହାଣ୍ଡି ଚାଷୀଙ୍କ ଉତ୍ପାଦ ସମୂହ ଉନ୍ନତ ଗୁଣବତ୍ତାସମ୍ପନ୍ନ ହୋଇଥିଲେ ମଧ୍ୟ, ଅନ୍ତର୍ଜାତୀୟ ରପ୍ତାନି ସେମାନଙ୍କ ପାଇଁ କଳ୍ପନାତୀତ ଥିଲା । ଉନ୍ନତ ଭିତ୍ତିଭୂମିର ଅଭାବ, ସୀମିତ ବଜାର ସୁବିଧା ଏବଂ ବିଶ୍ୱ ମାନଦଣ୍ଡ ସମ୍ପର୍କିତ ସଚେତନତାର ଅଭାବ ଯୋଗୁ ଚାଷୀମାନେ କମ୍ ଲାଭ ଏବଂ ଅନିଶ୍ଚିତ ଆୟ ମଧ୍ୟରେ ବାନ୍ଧି ହୋଇ ରହୁଥିଲେ | କିନ୍ତୁ ବର୍ତ୍ତମାନ ଏସବୁଥିରେ ଆସିଛି ଏକ ଉଲ୍ଲେଖନୀୟ ପରିବର୍ତ୍ତନ ।

କୃଷି ଅର୍ଥନୀତିରେ ଆସିଥିବା ଏହି ପରିବର୍ତ୍ତନରେ ରାଜ୍ୟ ସରକାରଙ୍କ କୃଷି ଓ କୃଷକ ସଶକ୍ତିକରଣ ବିଭାଗର ଏକ ସୁଚିନ୍ତିତ କୃଷକ କଲ୍ୟାଣକାରୀ ଯୋଜନା । ଏହି ବିଭାଗ ତୃଣମୂଳ ସ୍ତରରେ କୃଷକ ସଂଗଠନ ଗୁଡିକୁ ମୂଳଦୁଆ କରି ଛୋଟ ଛୋଟ ସ୍ଥାନୀୟ ବଜାର ଶୃଙ୍ଖଳକୁ ଏକ ବ୍ୟବସ୍ଥିତ ଢଙ୍ଗରେ ବିଶ୍ୱସ୍ତରୀୟ ନେଟୱାର୍କରେ ପରିଣତ କରିଛି । ଯାହାଦ୍ୱାରା କ୍ଷୁଦ୍ର ଛାଷୀ ମାନେ ସଶକ୍ତ ହୋଇପାରିଛନ୍ତି । ଏହି ରୂପାନ୍ତରଣକୁ ଆହୁରି ତ୍ୱରାୱ୍ନିତ କରିଛି 'PSFPO' । ଓଡ଼ିଶାର କୃଷି ବିଭାଗ ନେତୃତ୍ୱରେ କାର୍ଯ୍ୟକାରୀ ହେଉଥିବା ଏହି ଯୋଜନା, କ୍ଷୁଦ୍ର ଚାଷୀମାନଙ୍କୁ ବିଶ୍ୱ ବଜାରରେ ସଫଳ ହେବା ପାଇଁ ଏକ ସୁଦୃଢ଼ ପରିବେଶ ସୃଷ୍ଟି କରିଛି |

କ୍ଷୁଦ୍ର ଚାଷୀମାନଙ୍କୁ ବିଶ୍ୱ ବଜାରରେ ସଫଳ ହେବା ପାଇଁ ଏକ ପରିବେଶ ସୃଷ୍ଟି କରିଛି । ଗୋଲାମୁଣ୍ଡ ବ୍ଲକରେ ଏବେ ପାଖାପାଖି 200 କୃଷକ 200 ଏକର ଜାଗାରେ ଟମାଟୋ ଓ କଲରା ଚାଷ କରିଛନ୍ତି । ବର୍ଷକୁ ପ୍ରାୟ 1.6 କୋଟିରୁ ଉର୍ଦ୍ଧ୍ୱ ରୋଜଗାର କରିଛନ୍ତି । ଏହାସହ ସେମାନେ ଆଳୁ, ପିଆଜ ଆଦି ମଧ୍ୟ ଚାଷ କରୁଛନ୍ତି।

Argus News | argus news | Odisha Latest News, Breaking News, Trending News, Live TV