କାମାକ୍ଷାନଗର: ମଠକୁ ଡାକିଲେ, ଠାକୁରଙ୍କ ସେବା କରିବ ବୋଲି କହିଲେ । ଭକ୍ତିଭାବର ବିଶ୍ଵାସ ଜନ୍ମାଇ ଅସଦାଚରଣ କଲେ । ବାବାଙ୍କ ବିରୋଧରେ ଜଣେ ମହିଳା ଯୌନ ଶୋଷଣର ସଙ୍ଗୀନ ଅଭିଯୋଗ ଆଣିଛନ୍ତି । ମହିଳାଙ୍କ ଅଭିଯୋଗ ପରେ ଅଭିଯୁକ୍ତ ବାବାଙ୍କୁ ଗିରଫ କରିଛି ପୋଲିସ । ଏ ଘଟଣା ଘଟିଛି ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା ମଠକରଗୋଳା ଅଞ୍ଚଳରେ ।

ପ୍ରାୟ ୧୦ ବର୍ଷ ତଳେ ୨୦୧୫ ମସିହାରେ ମଠକରଗୋଳାରେ ପ୍ରତିଷ୍ଠା ହୋଇଥିଲା ମଠଟି । ଆଉ ୧୭ ଦିନ ତଳେ ମଠର ବାବା ମଧୁ ମଙ୍ଗଳ ଓରଫ ମଦନ ମୋହନ ପରିଡ଼ା ଜଣେ ମହିଳାଙ୍କୁ ଭଗବାନଙ୍କ ସେବା କରିବାକୁ ଡାକିଥିଲେ । ଆଉ ମହିଳା ଜଣଙ୍କ ମଠକୁ ଯିବା ପରେ ବାବା ସେଠାରେ ଭୋଜନାଳୟ ଦାୟିତ୍ଵ ଦେବା ବାହାନାରେ ଜୋର ଜବରଦସ୍ତ ସମ୍ପର୍କ ରଖିଥିବା ମହିଳା ଜଣଙ୍କ ଅଭିଯୋଗ କରିଛନ୍ତି ।

ଏନେଇ କାମାକ୍ଷାନଗର ଥାନାରେ ମହିଳା ଜଣଙ୍କ ଅଭିଯୋଗ କରିଥିଲେ । ଅଭିଯୋଗ ପରେ ଅଭିଯୁକ୍ତ ମଧୁ ମଙ୍ଗଳଙ୍କୁ କାମାକ୍ଷାନଗର ଥାନା ପୋଲିସ ଗିରଫ କରିଛି । ବାବାଙ୍କୁ ଗିରଫ ସହ ମଠକରଗୋଳା ମଠକୁ ସିଲ୍ କରିଛି ପୋଲିସ । ମହିଳାଙ୍କ ଡାକ୍ତରୀ ମାଇନା ପାଇଁ ପୋଲିସ ପଠାଇବା ସହ ଅଭିଯୁକ୍ତ ମଧୁ ମଙ୍ଗଳଙ୍କୁ ପୋଲିସ କୋର୍ଟ ଚାଲାଣ କରିଛି ।

ଅପରାଧ ସମ୍ପର୍କିତ ଅଧିକ ଖବର ପଢ଼ନ୍ତୁ

Argus News | argus news | Odisha Latest News, Breaking News, Trending News, Live TV