କାମାକ୍ଷାନଗର: ଦଶାହ କାର୍ଯ୍ୟ ବେଳେ ଅଘଟଣ । ଆଈ ପାଇଁ ଲଣ୍ଡା ହୋଇ ନଦୀରେ ଗାଧୋଇବା ବେଳେ ଭାସିଗଲେ ୨ ନାତି । ପରିବାର ଲୋକେ ଜଣଙ୍କୁ ଉଦ୍ଧାର କରି ମେଡିକାଲ୍‌ରେ ଭର୍ତ୍ତି କରିଥିବା ବେଳେ ଅନ୍ୟ ଜଣଙ୍କ ମୃତ୍ୟୁ ହୋଇଛି । ଏଭଳି ଅଭାବନୀୟ ଘଟଣା ଘଟିଛି ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା ସୁଆଁଳୋ ପଞ୍ଚାୟତ ହାଟୁଆରୀ ଗାଁରେ ।

ଦଶାହ କାର୍ଯ୍ୟ ପାଇଁ ସ୍ଥାନୀୟ ରାମିଆଳ ନଦୀକୁ ଯାଇଥିଲେ ବନ୍ଧୁ ପରିଜନ । ଲଣ୍ଡା ହେବା ପରେ ସମସ୍ତେ ଗାଧୋଉଥିଲେ । ଗାଧୋଇବା ବେଳେ ନଦୀର ସୁଅରେ ଭାସି ଯାଇଥିଲେ ୨ ନାତି ମିହିର ଓ ଜ୍ୟୋତିରଞ୍ଜନ ବାରିକ । ପରିବାର ଲୋକ ତୁରନ୍ତ ଜ୍ୟୋତିରଞ୍ଜନଙ୍କୁ ଉଦ୍ଧାର କରିଥିବା ବେଳେ ଭାସି ଯାଇଥିଲେ ମିହିର ।

ଗୁରୁତର ଅବସ୍ଥାରେ ଜ୍ୟୋତିରଞ୍ଜନଙ୍କୁ କାମାକ୍ଷାନଗର ମେଡିକାଲ୍‌ରେ ଭର୍ତ୍ତି କରାଯାଇଛି । ସେପଟେ ନଦୀରୁ ମିହିରଙ୍କୁ ଉଦ୍ଧାର କରି ଘର ଲୋକ ମେଡିକାଲ୍ ଆଣିଥିବା ବେଳେ ମୃତ ଘୋଷଣା କରିଛନ୍ତି ଡାକ୍ତର । ଯାହାକୁ ନେଇ ଗାଁରେ ଶୋକାକୁଳ ସ୍ଥିତି ସୃଷ୍ଟି ହୋଇଛି । ମୃତ ମିହିର ବାରିକଙ୍କୁ ୧୧ ବର୍ଷ ହୋଇଥିବା ବେଳେ ତାଙ୍କ ଘର ଯାଜପୁର ଜିଲ୍ଲା ଟମକା ଅଞ୍ଚଳରେ ।

ଓଡ଼ିଶା ସମ୍ପର୍କିତ ଅଧିକ ଖବର ପଢ଼ନ୍ତୁ