ଅର୍ଗସ ବ୍ୟୁରୋ: ଓଡ଼ିଶାରେ ନବନିଯୁକ୍ତ ରାଜ୍ୟପାଳ ହରିବାବୁ କମ୍ଭମପତି । ଭୁବନେଶ୍ବର ବିମାନବନ୍ଦରରେ ଦିଆଗଲା ଗାର୍ଡ ଅଫ୍ ଅନର । ଆସନ୍ତାକାଲି ଓଡ଼ିଶାର ୨୭ତମ ରାଜ୍ୟପାଳ ଭାବେ ନେବେ ଶପଥ । ଶପଥ ପାଠ କରାଇବେ ଓଡ଼ିଶା ଉଚ୍ଚ ନ୍ୟାୟଳୟର ମୁଖ୍ୟ ବିଚାରପତି ଜଷ୍ଟିସ ଚକ୍ରଧର ଶରଣ ସିଂହ । ଶପଥ ଗ୍ରହଣ ସମାରୋହରେ ମୁଖ୍ୟମନ୍ତ୍ରୀ, ମନ୍ତ୍ରିମଣ୍ଡଳ ସଦସ୍ୟ, ବରିଷ୍ଠ ଅଧିକାରୀଙ୍କ ସହ ବିଶିଷ୍ଟ ବ୍ୟକ୍ତି ଯୋଗଦେବାର କାର୍ଯ୍ୟକ୍ରମ ରହିଛି । ପୂର୍ବରୁ ମିଜୋରାମର ରାଜ୍ୟପାଳ ଥିଲେ କମ୍ଭମ୍‌ପତି ।

୨୦୧୪ରେ ବିଶାଖାପାଟନାରୁ ଲୋକସଭାକୁ ନିର୍ବାଚିତ ହୋଇଥିଲେ ହରିବାବୁ । ପେଷାରେ ଇଞ୍ଜିନିୟର ହରିବାବୁ ରାଜନୀତି ପାଇଁ ଚାକିରି ଛାଡ଼ିଦେଇଥିଲେ । ଓଡ଼ିଶା ଗଭର୍ଣ୍ଣର ହେବା ପୂର୍ବରୁ ସେ ମିଜୋରାମ ରାଜ୍ୟପାଳ ଦାୟିତ୍ୱରେ ଥିଲେ ।