ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଗିରଫ ହୋଇପାରନ୍ତି କେନ୍ଦୁଝର କେନ୍ଦୁପତ୍ର ଡିଭିଜନ DFO । ଆଜି ତୃତୀୟ ଦିନରେ ବି ଭିଜଲାନ୍ସ ତନାଘନା ତଦନ୍ତ ଚଲାଇଛି । ଗତକାଲି DFOଙ୍କ ଘରୁ ଆଉ ୮.୫ ଲକ୍ଷ ଟଙ୍କା ଜବତ ହୋଇଥିଲା । ରବିବାର ମିଳିଥିଲା ୧. ୫୫ ଲକ୍ଷ ଟଙ୍କା । ଏବେ ପର୍ଯ୍ୟନ୍ତ ଜବତ ହେଲାଣି ୧୦ ଲକ୍ଷରୁ ଊର୍ଦ୍ଧ୍ୱ ଟଙ୍କା । 500 ଟଙ୍କିଆ ବଣ୍ଡଲ, ପିସ୍ତଲ, ଧାରୁଆ ଅସ୍ତ୍ର ଏସବୁ ଜବତ କରିଛି ଭିଜିଲାନ୍ସ ।

ଆଲିସାନ ବଙ୍ଗଳା ଭିତରେ ବ୍ୟବହାର ସାମଗ୍ରୀ ଦେଖିଲେ ଆପଣ ବି ତାଜୁବ ହୋଇଯିବେ । ଦାମି କାଠରେ ତିଆରି ଘରର ଇଣ୍ଟେରିୟର । ଗତକାଲି କୁବେର DFOଙ୍କର ୨ଟି ଠିକଣା ରେ ଦ୍ଵିତୀୟ ଦିନରେ ହୋଇଥିଲା ଭିଜିଲାନସ୍ ଚଢ଼ାଉ । କେନ୍ଦୁଝର ସ୍ଥିତ ସରକାରୀ ବାସଭବନ ଓ କାର୍ଯ୍ୟାଳୟରେ ପଶିଥିଲା ଭିଜିଲାନସ୍ । ଆକାଉଣ୍ଟରେ ୩୭ ରୁ ୩୮ ଲକ୍ଷ ଟଙ୍କା ଜମା ଥିବା ଜଣା ପଡିଛି । ଏକାଧିକ ପାସବୁକ କାଗଜପତ୍ର ଜବତ କରିଥିଲା । ବହୁତଳ ଅଟ୍ଟାଳିକା, 115ଟି ମୂଲ୍ୟବାନ ପ୍ଲଟ୍ ଥିବା ଜଣାପଡିଥିଲା ।.