ଖୋର୍ଦ୍ଧା: ଦାଦନ ଯାଇଥିଲେ, ସେଠି ଖଟି ଘରକୁ ଟଙ୍କା ପଠାଇଥାନ୍ତେ । ଓଡ଼ିଶାରେ ପରିବାର ପ୍ରତିପୋଷଣ ହୋଇଥାନ୍ତା । ହେଲେ ଘର ଚଳାଇବାକୁ କେରଳ ଯାଇଥିବା ପୁଅ ଆଖି ବୁଜିଛି । କେରଳରେ ଗ୍ୟାସ୍ ବିସ୍ଫୋରଣରେ ୨ ଓଡ଼ିଆ ଶ୍ରମିକଙ୍କ ମୃତ୍ୟ ହୋଇଥିବା ବେଳେ ଆଉ ୨ ଜଣ ଜୀବନ ମରଣ ସହ ସଂଗ୍ରାମ କରୁଛନ୍ତି ।

ସୂଚନା ଅନୁସାରେ, କେରଳର କନୁର ଯାଇଥିଲେ ଖୋର୍ଦ୍ଧା ଜିଲ୍ଲା ଟାଙ୍ଗୀ ବ୍ଲକ ବାଲିପାଟପୁର ଗାଁରେ ୩ ଯୁବକ । କନୁର ସମୁଦ୍ରରେ ମାଛ ମାରିବା ସହ କ୍ୟାମ୍ପରେ ରହୁଥିଲେ । ୧୦ ତାରିଖ ଭୋର୍ ସମୟରେ କ୍ୟାମ୍ପରେ ଶୋଇଥିବା ବେଳେ ଗ୍ୟାସ୍ ଟାଙ୍କି ଫାଟି ଯାଇଥିଲା । ଏଥିରେ ୪ ଜଣ ଓଡ଼ିଆ ଯୁବକ ଗୁରୁତର ଆହତ ହୋଇଥିଲେ ।

ଏଥିସହ ପଢ଼ନ୍ତୁ: ଆସନ୍ତା ମାସରୁ ଆଉ ମିଳିବନି ଚାଉଳ, eKYC କରିନଥିବା ହିତାଧିକାରୀଙ୍କୁ ଝଟ୍‌କା

ସମସ୍ତଙ୍କୁ କନୁର ଜିଲ୍ଲା ପାରିୟାରମ ହସ୍ପିଟାଲ୍‌ରେ ଭର୍ତ୍ତି କରାଯାଇଥିଲା । ଚିକିତ୍ସାଧୀନ ଅବସ୍ଥାରେ ୨ ଜଣ ଓଡ଼ିଆଙ୍କ ମୃତ୍ୟୁ ହୋଇଛି । ଗତକାଲି ସୁବାସ ବେହେରା ଆଖି ବୁଜିଥିବା ବେଳେ ଆଜି ଭୋର୍ ସମୟରେ ନିଗମ ବେହେରାଙ୍କ ଦେହାନ୍ତ ହୋଇଛି । ଆଉ ୨ ଓଡ଼ିଆ ଯୁବକଙ୍କ ଅବସ୍ଥା ଗୁରୁତର ରହିଥିବା ବେଳେ ICUରେ ଅଛନ୍ତି ।

ତେବେ କନୁର ହସ୍ପିଟାଲ୍‌ରେ ସଠିକ୍ ଭାବେ ଗୁରୁତରଙ୍କ ଚିକିତ୍ସା କରାଯାଉ ନଥିବା ମୃତ ନିଗମଙ୍କ ଭାଇ କହିଛନ୍ତି । ଘଟଣାରେ ଓଡ଼ିଶା ସରକାର ହସ୍ତକ୍ଷେପ କରି ସହାୟତା ଯୋଗାଇ ଦେବାକୁ ନିବେଦନ କରିଛନ୍ତି ମୃତ ନିଗମଙ୍କ ଭାଇ । ତେବେ ସମସ୍ତେ ଶୋଇଥିବା ବେଳେ କିଭଳି, କେଉଁ ପରିସ୍ଥିତିରେ ଗ୍ୟାସ୍ ଟାଙ୍କି ବିସ୍ଫୋରଣ ହେଲା ତାହା ସ୍ପଷ୍ଟ ହୋଇ ନାହିଁ ।

ଆହୁରି ପଢ଼ନ୍ତୁ: ଚୌଦ୍ଵାର ଜେଲ୍‌ରୁ କିଭଳି ଖସିଗଲେ ଦୁଇ ବିହାରୀ କଏଦୀ ? ତଦନ୍ତ ରିପୋର୍ଟରେ ଏମାନଙ୍କୁ ଦାୟୀ କଲେ ଡିଆଇଜି

ତେବେ ଉପଯୁକ୍ତ ଚିକିତ୍ସା ଅଭାବରୁ ୨ ଜଣ ଓଡ଼ିଆଙ୍କ ମୃତ୍ୟୁ ହୋଇଥିବା ଅଭିଯୋଗ କରିଛନ୍ତି ପରିବାର ଲୋକେ । ଏପରିକି ଘରୋଇ ହସ୍ପିଟାଲ୍ ବଦଳରେ କାହିଁକି ସରକାରୀ ଡାକ୍ତରଖାନାରେ ଗୁରୁତରଙ୍କୁ ଭର୍ତ୍ତି କରାଯାଇଛି ବୋଲି ପ୍ରଶ୍ନ କରିଛନ୍ତି । ଓଡ଼ିଶା ସରକାରଙ୍କ ହସ୍ତକ୍ଷେପ ସହ ଉତ୍ତମ ଚିକିତ୍ସା ବ୍ୟବସ୍ଥା ଯୋଗାଇ ଦେବାକୁ ଗୁହାରି କରିଛନ୍ତି ପରିବାର ଲୋକେ ।

Argus News | argus news | Odisha Latest News, Breaking News, Trending News, Live TV