ଖୋର୍ଦ୍ଧା: ଗଣେଶ ପୂଜା ଉପଲକ୍ଷେ ଆୟୋଜିତ ସାଂସ୍କୃତିକ କାର୍ଯ୍ୟକ୍ରମରେ ଅଶ୍ଳୀଳ ନୃତ୍ୟକୁ ବିରୋଧ । ଖୋର୍ଦ୍ଧା ଜିଲ୍ଲା ଜଟଣୀ ଥାନା ଛକ ପଡ଼ିଆରେ ପାର୍ବତୀ ଗଣନାଟ୍ୟରେ ବିରୋଧ କରିଛନ୍ତି ଦର୍ଶକ । ପାର୍ବତୀ ଗଣନାଟ୍ୟରେ ନିଶା ମହାରଣା ଅଶ୍ଲୀଳ ନୃତ୍ୟ ପରିବେଷଣକୁ ଜୋରଦାର ବିରୋଧ କରାଯାଇଛି । ନିଶା ମହାରଣା ମଞ୍ଚରେ ବିବାଦୀୟ କଥା କହିବା ସହ ଅଶ୍ଲୀଳ ନୃତ୍ୟ କରିଥିଲେ ।

ସେଠାରେ ନିଶା ମହାରଣାଙ୍କୁ ଜୋରଦାର ବିରୋଧର ସମ୍ମୁଖୀନ ହେବାକୁ ପଡ଼ିଛି । ଷ୍ଟେଜ୍‌ର ଉଭୟ ପାର୍ଶ୍ଵରୁ ଦର୍ଶକ ନିଶା ମହାରଣାଙ୍କ ଉପରକୁ ଚେୟାର ଫିଙ୍ଗି ପ୍ରତିବାଦ କରିଛନ୍ତି । ସେଠାରେ ଉପସ୍ଥିତି ବିଜେପି ଯୁବ ମୋର୍ଚ୍ଚା ସଦସ୍ୟ ସବ୍ୟ ନିଶାଙ୍କୁ ବିରୋଧ କରିଥିବା ବେଳେ ଯାତ୍ରା କମିଟି ସଦସ୍ୟ ତାଙ୍କୁ ମାଡ଼ ମାରିବା ସହ ଗାଡ଼ି ଭଙ୍ଗାରୁଜା କରିଥିବା ଅଭିଯୋଗ ହୋଇଛି ।

ନିଶାଙ୍କ ନୃତ୍ୟ ଓ ଚେୟାର ଫିଙ୍ଗିବାକୁ ନେଇ ସେଠାରେ କିଛି ସମୟ ଧରି ଅପ୍ରୀତିକର ପରିସ୍ଥିତି ସୃଷ୍ଟି ହୋଇଥିଲା । ଦର୍ଶକ ଓ ଯାତ୍ରା କମିଟି ମଧ୍ୟରେ କଥା କଟାକଟି ହୋଇଥିବା ବେଳେ ପୋଲିସ ପହଞ୍ଚି ସ୍ଥିତିକୁ ନିୟନ୍ତ୍ରଣକୁ ଆଣିଥିଲା । ତେବେ ଏହା ଗୋଟିଏ ଘଟଣା ନୁହେଁ, ରାଜ୍ୟର ବିଭିନ୍ନ ସ୍ଥାନରେ ଯାତ୍ରାରେ ଅଶ୍ଲୀଳ ନୃତ୍ୟ ପରିବେଷଣ ବେଳେ ନିଶା ମହାରଣାଙ୍କୁ ଲୋକେ ବିରୋଧ କରୁଛନ୍ତି ।

ଓଡ଼ିଶା ସମ୍ପର୍କିତ ଅଧିକ ଖବର ପଢ଼ନ୍ତୁ

Argus News | argus news | Odisha Latest News, Breaking News, Trending News, Live TV