କିନ୍ନର ବେଶରେ ଆସି ପିଲା ଚୋରି ମାମଲା । ପିଲା ଚୋରି କରିଥିବା ବ୍ୟକ୍ତିଙ୍କୁ ଧରିବା ସହ ଶିଶୁକୁ ଉଦ୍ଧାର କଲେ ଅନ୍ୟ କିନ୍ନର ମାନେ । ଠାକୁରମୁଣ୍ଡା ଅଞ୍ଚଳରୁ ୩ ଦିନ ତଳେ ୫ ବର୍ଷର ଶିଶୁକନ୍ୟାକୁ ଚୋରି କରିନେବା ଘଟଣାର ପଦ୍ଦାଫାଶ ହୋଇଛି । ଅପହରଣ ହେବାର ତିନି ଦିନ ପରେ ଶିଶୁ କନ୍ୟାକୁ ଯାଜପୁର ରୋଡ ଥାନା କାଚହୁଡ଼ି ସାହିରୁ ଜଣେ ଛଦ୍ମବେଶୀ କିନ୍ନର ପୁରୁଷଠାରୁ ଉଦ୍ଧାର କରିଛନ୍ତି ଯାଜପୁର ରୋଡ କିନ୍ନର ସଂଘ ଶାନ୍ତି ସେନାର କର୍ମକର୍ତ୍ତା ମାନେ । ୩ ଦିନ ତଳେ ଠାକୁରମୁଣ୍ଡା ବସ୍‌ଷ୍ଟାଣ୍ଡରୁ ଶିଶୁକନ୍ୟାକୁ ଲିପୁ ନାୟକ ନାମକ ଛଦ୍ମ ବେଶୀ କିନ୍ନର ଅପହରଣ କରି ଆଣି ଯାଜପୁର ରୋଡ ଅଞ୍ଚଳରେ ରଖିଥିଲା ।

ଅପହରଣକାରୀ ଲିପୁ ନାୟକ ଓ ତାର ଜଣେ ସହଯୋଗୀଙ୍କୁ ଯାଜପୁର ରୋଡ ପୋଲିସ ଅଟକ ରଖି ପଚରାଉଚରା କରୁଛି । ଦିନକୁ ଦିନ ପିଲା ଚୋରି ମାମଲା ବଢ଼ି ବଢ଼ି ଚାଲିଛି। ଏହା ଉପରେ ଦୃଢ଼ କାର୍ଯ୍ୟାନୁଷ୍ଠାନ ଆବଶ୍ୟକ ହୋଇପଡୁଛି।